بالنسبة للبضائع المقلده تلقاها بالدراقون مول ( سوق التنين الصيني )
وبالنسبة لسعر الصرف
الدرهم الاماراتي = 1.02097 ريال سعودي

السوق الصيني بتلقين الشنط
سعر الصرف 100 ريال سعودي تعمل 97.5 درهم اماراتي

ممكن تدلوني وين القى السوق الصيني
واي محطة قطار توصله

السوق الصيني تقليدهم مب حلو
بتلقى التقليد الاحلى في سوق الكرامه ,,,اقرب محطة مترو له محطة برجمان مول,,,واي تكسي يدل هالسوق
المحلات عدال بعض وفي الظاهر يبيعون شنط عاديه وملابس اسبورت والماركات تكون في الاستور وحتى الساعات الماركات يبيعون مثل رولكس وشوبارد وكارتير

بالنسبة لشنط الماركات
اختلف مع اختي بنت الشيخ زايد
في انه موجود وقليل لكن لازم تكون عندك خبره عشان تمييز اي درجه من التقليد
وانا شريت قبل امس اربع قطع تقريبا كلها جودة عالية
وما ادري عن سوق الكرامة .. ان شاء الله اروح له بكره
وهم بعد في سوق الذهب القديم اللي بسوق نايف
في عمارة كلها محلات لتقليد ماركات
لكن المشكلة .. ما يطلعونها لاي احد .. يخافون لا يتقفل المحل
بالنسبة للمترو على حد علمي مافيه شئ قريب منه
واتمنى اكون افدتك

الواديين
هلا والله
اختلاف الراي لايفسد للود قضية
انا شفت اللي في السوق الصيني وشفت اللي في الكرامه
الصيني صناعتهم صينيه ولكن اللي في الكرامه عندهم الصيني والكوري,,, وطبعاً السوبر هو الكوري ,,,ويكون احلى وارقى بوايد عن الصناعة الصينيه

اهم شي المفاصله في السعر دوما نزل اكثر من النصف
ولاتشتري من اول محل

مشكورين بنات اجل بنروح الكرامة بعد
بس مادليتوني على طريق السوق الصيني خريطة او وصف او اي شي يشوفه زوجي
شي ثاني عندي اطفال اخاف اروح وياهم يطفشون
القى هناك ملاعب او ملاهي
بليز ساعدوني