أختي .. لا يمكن تحديد الايام المطلوبة إلا بعد تحديدك طبيعة الرحلة عائلية ( مع أطفال صغار أو بدون )
انا رحت الصيف الماضي المناطق المذكورة عندج ..
واتفق مع الأخ الي فوقي بالتقسيمة ..
بس اليوم الثاني لا تروحين الاميرات .. ما تسوى كلش
وإذا عندج اطفال :

• روحوا يلوا يوم زيادة ..
• لا تروحين متاحف يملون .. نص يوم كفاية
• يبيلج على الاقل يومين سوق في اسطنبول .. الوقت عندج ضيج لا تروحين إلا استينيا بارك وفورم اسطنبول احلاهم واكبرهم .. لاتروحين غيرهم فيهم اكواريوم وكثير من الانشطة للعائلة ..

ميناء يني كابي في اسطنبول اهوا الي يودي الافراد اذا ما اخذتوا سيارة ..

alomda elmasry
كفييت ووفيت اخوي محمد عساها بميزان حسناتك , واذا احتجنا شي هناك مو مقصر ان شاء الله
طيب في طرابزون هل فيه احد ممكن يوصلنا من المطار للقرية ؟ واسعارهم كيف ؟؟

sqb
أهلا اخوي , حنا ثنين , انا وزوجي لحالنا والله ياحبذا تكتب لي اهم شي واحلى شي من المتاحف والمزارات والاسواق سواء باسطنبول او ببورصة ويلوا وأكون لك شاكرة

طيب الميناء اللي يودي لجزيرة الأميرات والميناء اللي يودي لبورصة ايش اساميهم وكيف الوصول لهم عن طريق المترو ؟

اختي بما انهم 10 ايام .. فالافضل تخلينها على اسطنبول وبورصه ويلوا ..
لان اوزنجول تحتاج لطيران داخلي من اسطنبول الى طرابزون ساعه وربع وبعدها من مطار طرابزون بالسياره الى قرية اوزنجول تقريبا ساعه ونص .. واوزنجول وطرابزون الاقامه فيهم تستاهل بما لا يقل عن اسبوع ,,
واقترح عليك هالترتيب :
اسطنبول 3 ايام
بورصه 4 ايام
اسطنبول 3 ايامومن بورصه تطلعون الى يلوا ( ياعه بالسياره ) وترجعون بنفس اليوم يعني مايحتاج تنامون فيها ..
اما بالنسبة للانتقال من اسطنبول الى بورصه فهي عن طريق ميناء يني كابي ..
وتفضلي هذا التقرير الجميل والرائع لاخونا يمون 12 .. فيه طريقة الوصول لبورصه وكذلك يلوا وجزر الاميرات والكثير من المعالم السياحيه في اسطنبول و بالتفصيل :
https://artravelers.com/p/re/228568
اما عن اهم المزارات والاماكن السياحيه في اسطنبول .. تفضلي هذا الرابط :
https://artravelers.com/p/re/384418
والاهم هو الاطلاع على تقارير الاعضاء لجمع المعلومات اكثر .. وحتى تتكون عندك خلفيه عن كل شي .. سواء في اسطنبول او بورصه او يلوا ,,
ورحلة موفقه ان شاء الله ,,,

وانا أأيد كلام اختي نجلاء لان اوزنجول وطرابيزون يحتاجون اسبوع واكثر وتذاكر داخلية وانتي مدتج قصيرة فحلو انج تقضينه بين اسطنبول وبورصه ويلوا وان شاء الله تستمتعون فيهم والله يكتبلكم المرة الجاية اوزنجول وطرابيزون ان شاء الله

طيب ممكن نجلس 5 ايام في اوزنجول وبعدها نرجع لاسطنبول , يعني علطول على المطار ونحجز على طرابزون
تتفقون معي بالرأي والا ماتسوى الأيام قيمة تذاكر الطيران ؟

اختي سمية الحذر مطلوب من بعض الاشخاص الي يروجون لانفسهم وخاصتا في تركيا انصحج بالاشخاص الي جربوهم الاعضاء وان شاء الله بزودج فيهم عن تجربتي وتجربة بعض الاعضاء
ممكن 5 ايام حلوين حق اوزنجول لكن نصيحتي اذا هذي اول سفرة لتركيا خليج باسطنبول وبورصة ويلوا استمتعي فيهم لانهم يستحقون الزيارة بعد ولكن اذا بخاطرج اوزنجول ف5 ايام ان شاء الله بيكونون احلى 5 ايام بس اخاف عليج تدمنين اوزنجول وتصبحين مثلي