مشروع فيلسوف
24-11-2022 - 08:53 pm
السلام عليكم ورحمة الله وبركاته
كل عام وانتم بخير والله يجعلها سنة خير علينا وعلى المسلمين كافه
هذا اول موضوع انزله بها المنتدى العريق
ودي ارد لو جزء بسيط لها المنتدى المعطاء الي لطالما استفدت منه
حبايبي
انا جاي لمنطقة الجنوب جديد كم شهر تبع العمل بس
والغريب اني تفاجأة انها تطورة عقبيبشكل كبير ماشاء الله انا زايرها قبل 6 سنين
والغريب بعد اني لما ابحث نادر مااجد طلبي
ما ادري وش السبب !
عكس الرياض اي شئ يفتح جديد على طول تلقا انه انكتب عنه با النت والشرقيه بعد
المهم مالكم با الطويله
انا دامني با الجنوب كل شئ بزوره بنزل تقرير عنه
با الصدفه وانا نازل ابها شفت مطعم البيتزاريا
ولفت نظري كونه جديد
لقيت عنده فاملي دخلته انا وزوجتي وبنتي
بصراحه مطعم خطير غريبه انه اول فرع له باالجنوب اوب با الرياض كونها العاصمه
والاكثر طلب
المطعم يذكرني ب بيتزا إن وبيتزاهت
نفس الفكره بس ها المطعم ارخص واكله الذ وغير كذا المشروبات الغازيه عنده ب ريال
يعني عندي انه تفوق عليهم وعلى ابوهم بعد
اتركم مع الصور
هذاي الممر وانت طالع من المطعم
وهذا بوفيه السلطات
وهذي الكابينه الي اكلنا فيها شوفو كيف تسكيرتها ممتازه
هينا طاولتناا
وهينا الاكل الي طلبناه بيتزا بيبروني شئ خطير
واصابع الجبن والبطاطس المشويه
وهذي بيتزا الباربيكيو خطيره بس بدون الصوص ماخبيت الصوص صرت انشفه با المانديل
وها الطبق لذيذ بشكل لا يوصف انصح فيه بقووه
اتمنى يكون تقريري البسيط نال على اعجابكم وافادكم
والي يزور ها المطعم ويعجبه لا ينساني بدعوه حلوه
نتمنى مزيد من التطور لمنطقة الجنوب