أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم وحشتوني مرة ومرة البلد حلوة وشكرا للاخ دوراك لانو مرة استفدنا من تقاريرو والله يعطيه العافية وقريبا باذن الله اكتب تقريري بالصور لمن انزلها
نبدا اليوم شوية شوية والله يعين واتذكر كل شي اولا طبعا رحنا على الخطوط السعودية كانت الساعة 2ونص في الليل والحمدلله كانت الرحلة سهلة ولمن وصلنا جهانسبيرغ كان يستننا سواق الشركة اللي حجزنا فيها ورحنا على سن ستي فمرة تعبنا لانو ساعتين بالسيارة واحنا مواصلين يعني ماوصلنا الا 3الظهر كنا حاجزين في كاس كيت فلمن وصلنا قالولنا مالكم ولا غرفة عندنا احنا كنا حاجزين غرفتين عندنا وحنحولكم على فندق تاني محا تصدقو ايش هوة نقلونا على فندق قصر المدينة المفقودة ترى انا مو مرة في الانجليزي فكلو حاكتبو بالعربي المهم فبعدين مرة فرحنا انو نقلونا في واله كان نفسي انزلكم الصور بس عشان جهازي مو لاب توب فمانزلت ان شاء الله لمن انزلها احطها فاول ماوصلنا كنا تعبانين ونبغا ننام بس مع المناظر وفخامة الفندق صحصحنا وقمنا ندور على غدا وعشا وطبعا رجعنا مهلوكين نمنا وتاني يوم نزلنا فطورهم مرة طعم بس ياخسارة اكترو مو حلال اصلنا تعبنا اكتر مطاعمهم مو حلال ورحنا اتكشينا على الفندق اصلا احس سن ستي كلها في دا الفندق اللي مايسكن فيه محاينبسط في أي فندق تاني ورحنا السنتر المعروف في سن ستي الوحيد وطبعا مشينا مرة كتير وشفنا وادي الامواج مرة حلو والنهر الكسول ورحنا حديقة التماسيح بس مامدانا نروح جسر الزمن واتعشينا ورجعنا الفندق وتاني يوم فطرنا واستينا السواق ورجعنا جوهانسبيرغ ومن مطار جوهانسبيرغ على كيب تاون ورحنا على طول على فندق رديسون ساس وحلو طبعا مو زي فخامة بلس بس المنظر مرة حلو اخدنا جناح بغرفتين وارتحنا شوية ورحنا على الووتر فرونت بالباص حق الفندق المجاني وبعدين رجعنا برجولنا مع عائلة سعودية كبيرة ساكنين في شقق فندقية جنب فندق رديسون وقاعدين شهر ماشاءالله وتخيلو الشقة مرة حلوة وبس في الشهر كلو ب10 الاف مرة بلاش واكملكم ان شاء الله رحلتنا الباقية اللي قضينا اسبوعين في كيب المرة الجاية سلام
مشكور اخي افهم والله يسلمك انت والاماراتية نت والله صحيح سن ستي حلوة بس احس كفاية هية حلوة لاتنين شهر عشل ان شاء الله لمن اتزوج اطول فيها بس مع اهلي وعائلة كفاية
ان شاء الله انبسطت كتير
ترانا متحمسين كتير لأخبارك