COLOR="Black"]بسم الله الرحمن الرحيم بدايةً اسعد الله مسائكم بكل خير والحمد لله على السلامة هذا تقرير مختصر لسفرتي الأولى لبلاد العمة والعذر والسموحة على التقصير والصور ان شاء الله بالحقها بعد مدة نظراً لنشغالي بالعمل هاليومين ونبدا بالتقرير:
في يوم الثلاثاء 1 اغسطس اقلعت عند الساعة الثامنة والنصف مساءً من مطار الملك خالد بالرياض على خطوط الجارودا وكانت الوجهة إلى جاكرتا كان عددنا أربع شباب وكنا مجهزين العزية وكل النواقص حتى رز أبو كاس وفقاك العلب ههه(توصيه عمي بارون) جايبينه معنا عموماً وصلنا إلى مطار جاكرتا الساعة 9,30 بتوقيتهم وأول ماوصلنا ذهبنا إلى المكتب الخاص بالفيز وفيزنا وكان قيمة الفيزأ 25 دولار (طبعاً كنا صارفين كل فلوسنا دولارات من الرياض وكان 100 دولار ب900الف ربية هناك) بعدها ذهبنا إلى موظفة الجوارزات وختمنا دخول ثم اتجهنا إلى مكتب كاها بالمطار وحجزنا يومين بالميكوري سليبي وكان سعر السويت ثلاث غرفة بمطبخ 650الف ربية وكانت شقق راقية وروعة بالجمال بقينا في جاكرتا يومين زرنا خلالها سوق الأتريوم بيت السعوديين وسوق تامان انقرك وتمشينا داخل جاكرتا مع السواق وكان السواق يشرح لنا كل مكان نمر عليه مرينا خلال هاليومين مطعم حظرموت وكان والله جميل ومطعم السندباد ومطعم الجزيرة وعلى فكرة كان مطعم الجزيرة راقي وجميل جداً .
بعد يومين اتجهنا إلى بونجاك (آآآآآآه) وبقينا فيه خمس أيام أول ماوصلنا اخذنا فلة من أجمل مارأت عيني في مجمع لورا وكان سعرها 900الف ربية طبعاً بتقول غالية لكن كانت تحتوي على 7غرف نوم ودورين وبلكونه ترد الروح ومسبح وموقف لسيارة السواق وغرفة للحراس والشغالة وغرفة للسواق وكانت على مطل , عموماً خلال هالخمس أيام زرنا الشلالات السبعة وحديقة الورود ومزارع الشاي وحديقة سفاري ومدينة بوقور , وبعد خمس أيام من الوناسة وراحت البال قالوا الشباب بنروح لباندوق قالنا لهم أوكية طلعنا بالندوق وجلسنا فيها ثلاث أيام كانت في فيلا تبع وأحد من المسؤالين الاندنوسيين كان عازمنا والله ماقصر قام بالواجب وزيادة المهم زرنا البراكين ورحنا لمنتجع أظاهر اسمة ساري كان كل شيء موجود بة جلسنا بالمنتجع يوم تقريباً غطسنا بالمياة الحارة وسوين المساج الحكيم وكان يوم روعة حقيقتاً , المهم بعد ثلاث أيام بباندوق قالوا الشباب مشينا على جاكرتا قلنا لهم أوكية رجعنا لجاكرتا وسكنا 3 أيام في شقق أسمها ميترا بحاري حتى الشقق كانت اجار بالسنة والشهر وتوها صايرة أجار يومي مافية سعوديين إلى احنا أم البقية كلهم صينيين واندوسيين عموماً الشقق كانت نظيفة وحلوة وسعرها رخيص مرة أظاهر كانت 560 الف ربية وكانت الشقة أربع غرف نوم وصالة ومطبخ وكان الامن فيها جداً ممتاز جلسنا ثلاث ايام رحنا فيها لبلازا مول ومنقادو مول ومطعم بندر جاكرتا وحديقة دينا فنتاسي .
كانت الرحلة 13 يوم والله من أروع دول العالم الي زرتها لكن صادفنا مشكلة يوم العودة كنت مأكد حجزي ويوم وصلت المطار قالوا لا حجزك ملغا وعذرهم قالوا انت كاتب جوالك السعودي ليش ماحطيت جوالك الأندنوسي عموماً خطوط جارودا سيئة جداً ولقيت حوالي 45 سعودي نفس مشكلتي المهم اضطريت ادفع 200 دولار(بخاشيش) عشان اطلع وكنت مضطر للعودة في نفس اليوم نظراً لظروف عملي والحمد لله ركبت الطيارة بعد عنا 3 ساعات في المطار على الأعصاب وتوجهناإلى الرياض , ولكن مجملاً البلد روعة وقمة في الجمال وشعب طيب وحكومة ممتازة.
والعذر والسموحة على الأطالة ..............دمتم لي سالمين