السلام عليكم ورحمة الله وبركاته
كل عام وانتم بخير
حبيت اعرض لكم تقرير بسيط لسفرتنا
صراحه مالي بالتقارير وهذي اول مره بحياتي
بس ان شاء الله اقدم اللي اقدر عليه .
في البدايه قررنا لهذي السفره بشهر رمضان
وحجزنا التذاكر على خطوط الاتحاد ل 5 اشخاص
الوالد والوالده ومحدثتكم واختي واختي
سعر التذكره تقريباً 2900
واخيراً جاء موعد السفر
ورتبنا اغراضنا وكل شي
وكنا متاثرين بالتقارير باللي ياخذون لوازم الطبخ ويطبخون
ف امي خذت شنطه بس لهالحاجات قدر وزيت ورز وبهارات ومكرونه وحليب وفاصوليا وقشطه وجبن ههه
مسويه بتطبخ والله مالمسنا منهم ولا شي الا الجبن بس
اصلا الوقت مايمدي للطبخ . وبالاخير صارو من نصيب سواقنا
ومن هنا اكتب نصيحه للحريم اللي بتسافر لاتاخذين هالحاجات اصلا انتي رايحه تنبطين ولا تطبخين وتنفخين
المهم
كان تاريخ السفر 30 اكتوبر يوم الاحد
وتوجهنا بعد صلاة المغرب الى مطار الدمام وخلصنا الاجراءات وكل شي
ونزلنا الى صالة الانتظار وكانت تعج بالشغالات وانواع الازعاج ههه
وبس فتحو الباب قام الركض ههه مساكين فرحانين بيرجعون لوطنهم
كان وقت الاقلاع 10ونص تقريباً
وبعد ساعه وصلنا مطار ابو ظبي
والاترازينت ساعه الا ربع وجلسنا بصالة الانتظار الى ان تم فتح البوابه
وهذي اول صوره التقطتها
وهذي الصوره قبل الهبوط بقليل
ووصلنا عصر يوم الاثنين مطار جاكرتا
وطلعنا علطول عالفندق
وابوي كان مخطط على جراند عليا شكيني
ورحنا له اول شي والحمدلله لقينا حجز ليلتين لغرفتين مع الفطور
فطورهم بايخ ماعجبني
صوره للوبي الفندق
وهذي غرفتنا انا وخواتي . ومعليش عالفوضه
وهالصوره من شباك الغرفه . وقدامنا بيتزا هت
ادمنا عليه هناك كل يوم نجرب فرع . كل فرع احلى من الثاني
وريحنا شوي وبعدها رحنا تعشينا ببيتزا هت ورجعنا نمنا وبكذا انتهى اليوم الاول لنا بجاكرتا
وباليوم الثاني
صحينا وصلينا ونزلنا للفطور
اللهم لك الحمد رز ودجاج ومكرونه من الصبح
ماتحملت الريحه
ورجعت طلعت الغرفه وسويت لي توست جبن بوك
وعلى فكره مافيه ثلاجه بالغرفه اذا تبغى تدفع
وعالساعه 9 رحنا لمكتب الاتحاد اكدنا الحجز وبعدها عالاتريوم صرفنا وتمشينا شوي
صوره من الطريق
وبعد ماطلعنا من الاتريوم رحنا عالبحر
كان الجو حلوو
ورجعنا الفندق وقبل لانطلع طلبنا من بيتزاهت عباره عن غدا وعشا ورجعنا ووصلوه لنا
وانتهى اليوم الثاني وعلى فكره بهاليوم كان سواقنا واحد الله بلانا فيه مايتكلم لاعربي ولاانجليزي توهقنا معه .
ومن بكرا وصل سواقنا انور الحمدلله يتكلم عربي وانجليزي وجداوي بعد ههه
وجهزنا اغراضنا وسوينا تشيك اوت وتوجهنا الى بونشاك
الى اللقاء في وقت لاحق ان شاء الله مع اليوم الاول في بونشاك