قوقعه
29-09-2022 - 10:41 am
السلام عليكم ورحمه الله وبركاته
اخواني واخواتي هاذا تقرير عن فندق زيكو في دبي موقعه يقع بجانب مركز ابن بطوطه
يعني الفاصل بين الفندق وبين مركز ابن بطوطه هي الاشاره بس
خلوني اقولكم السالفه بالتفصيل
واحنا كنا نتمشى مرينا بجانب هاذا الفندق وبصراحه لفت انتباهي مره
الفندق شكله وطلته فخم مره
وقمت احن على اهلي تكفون بس ابغا اشوفه المهم دخلنا وخذينا طله واتفقنا نسكن فيه ليله او ليلتين
وجيناهم من بكرا ومعانا اغراضنا
وانا حدي انبسطت لانه فخم مره
المهم الغرفه الوحده 400 درهم غرفه و بوفيه صغيرر وبلكونه سعرها 400 لليله
والسويت الكامل غرفه وصاله ومطبخ سعرها 550 اتوقع مو متاكده
طبعا بدون فطور
على العموم واحنا في الرسبشن صادفنا واحد جاي من البحرين وانصدمنا بصراحه انو ماخذ الغرفه ب200 درهم بسس
قالنا انو حجز في النت قبل جيته لدبي بكم ليله فقط
المهم
مالكم في الطويله
((واذا شفت في تشجيع راح انزل تقرير ثاني عن فندق اخر ))
نبداء على بركه الله
اللوبي
اول شي هاذا السيب او الممر الي يودي للغرفه
اخذت هاذي الصوره من البلكونه
ابغى مثل هلابجوره ماحصلت ابد
هاذا البوفيه تقدرون تسمونه مطبخ صغيرون
اطلاله من البلكونه على الشارع باليل
اطلاله في النهارالحين نجي للجناح الكامل غرفه صاله
هاذي الغرفه
هاذي صاله الجلوس
ماصورت هاذا كثير لانو جناح بابا وماما بس
على العموم
راح اذكر لكم مميزات الفندق وعيوبه
مميزاته بصراحه الفندق راقي وفخم جدا وشكله يشرح الصدر
عيوبه
اول عيب فيه
انو مافي فطوور ولا في اصلا مطعم في الفندق ابدا ونظامهم يقولو لك انو بجانبهم مطاعم كثيره اطلع اشتر وارجع
في مطاعم بجانبهم كثيره بس انا من عشاق صب واي ومن حسن حظي لانو مطعم المفضل رايحه راده عليه لول
وكمان من عيوبه انوو بصراحه يحاسبونك على اللبتون بشكل فضيع
وكمان استقبالهم وتعامل المضيفين فيه مو ذاك الزود
وسلامتكم
يمكن يكون التقرير مو مرتب العذر والسموحه لانو اول مره انزل تقرير
وحبيت افيدكم
وانتظروني في تقاريري الاخرى عن فندق اخر
وسلامتكم
