:smile127:ان شاء الله بسافر الى فارنا ورحلتي كالتالي بالتفصيل من الاول/
1 - بالنسبه للفيزا // حصلت عليها من السفاره البلغاريه بالكويتيه قمت بالاتصال عليهم وجهزت متطلباتهم كالتالي/ خطاب دعوه من بلغاريا او حجز فنادق - صورتين ملونه 4*6 - تامين صحي - واهم الشي الدراهم عندهم نظامين تبيها تخلص بأسبوع قيمتها 24 دينار كويتي او ب 3 ايام ب 48 دينار كويتي . المهم قالو لي مانتعامل الا مع شركات معينه اذا تبي ترسلها بالبريد السريع (يعني مو لازم تحضر شخصيا) وهي شركة: DHL, ARAMEX, TNT . المهم رحت الى DHL وخذو مني ضربه ارسال ورجعه ب 700 ريال وحق الفيزه 48 دينار كويتي . عليك الحساب...... المهم سلمتها ل DHL يوم الثلاثاء الساعه 5 العصر مادريت الا بعد بكره يوم الخميس داقين علي الظهر يقولون وصل جوازك تعال استلمه....ماتوقعت كنت مأمل على السبت.
وهذا ايميل السفاره يوم رسالتهم وهذي رسالتهم:
Dear Sir,
The address of the Bulgarian Embassy in Kuwait is:
Jabriya
Block 11, Street 1, House 272
Kuwait
Please send us the documents with a visa pack return service with either DHL, ARAMEX, TNT, or any other company that offers the service. FEDEX does not offer this service for sure.
Best Regards,
الايميل هذا في عنوانهم بالكويت وايميلهم /
ورقم تلفون السفاره البلغاريه بالكويت / 009655314458
خلصنا من السفاره ودوشتها ولله الحمد2- بالنسبه للإعداد وتجهيزات الرحله // طبعا كأي شاب رحت لشارع العليا ورحت الى كم محل وشريت بدل بصراحه حلوه وخاصه الحين وقت تخفيضات اسعار حلوه الحمدلله
طبعا لازم الحين أجهز طيارتي الخاصه عشان أسافر وحجوزات وقروشه
هذي كلها خليتها ع جنب وسلكت طريق أخر (لازم جرب أنا -على قولة الهندي) قلت الباص مالك الا بالباص
طبعا لمعلوماتكم الباصات الي تغادر من الرياض الى انطاكيا مكانها مكان مكاتبهم يعني ماهي موجوده بمركز النقل العام الي ع طريق الدائري الجنوبي هي تكون في البطحاء
اما الباصات والشركات الي تروح حلب تحصلونها بمركز النقل العام اما الي انطاكيا لحالها مسكينه في البطحاء
وصف(كيف اذهب الى مكاتب الباصات التركيه بالبطحاء؟؟؟) اقولك// تمسك طريق البطحاء وانت باتجاه الشمال (لاتقول بعد مااعرف طريق البطحاء عشان أخمك بوقس) اذا ماتعرفه أسأل اي بنغالي بالشارع يعلمك (ههه) المهم اتجاهك شمال جاي من الدائري الجنوبي جتك اول أشاره روح سيده حتى يجيك كباري تطلع فوقها وتنزل (زي حقات الشميسي--اختراع) المهم يجيك كبري المشاة الاول وتمشي سيده وترقى كبري ثاني وتنزل ويجيك كبري المشاه الثانيه المهم بعدها لاتقوم تطالع الي حولك خل عينك يسار بتشوف بنك سامبا (سبيد كاش ) والطازج بيصير على يسارك بعدها وانت تمشي بيجيك اشاره (الي هي ثاني اشاره) من الاشاره هذي سوي U-TURN يعني ارجع (ديور) وبيصر اتجاهك جنوب وبيصير الطازج وسامبا على يمينك بعد سامبا على طول او عنده تقريبا بتشوف كبري الشماه فوق راسك وسيارتك (ههه) بعد كبري المشاه على طول اول لفه او نافذ يمين ادخل يمين وثم بيوديك الطريق يسار اجباري بعدها اذا خذك الطريق يسار على طول خذ نفس اول وعد من 1 الى 3 ووقف تلقى مكاتبهم على يمينك ويسارك هناك تحصلهم . فيه مكتب GUNINE , NUR ومكاتب اخرى حول خمسه هذا الي حافظه منهم .
المهم انا خططت بروح على GUNINE تبع شركة الزامل قلت لهم ابي اسطنبول دايركت ماابي انطاكيا قالو الباص حقنا يروح انطاكيا ويضبطك السواق مع باص تطلع معه الى استطنبول قلت كم قالو من هنا الى اسطنبول ب 450 ريال
المهم حجزنا ان شاء الله الأقلاع يوم الثلاثاء 18 /8/ 2008 بكره ان شاء الله .الباص انطلاقته من مدرج النقل العام الساعه 5 عصرا يعني اكون متواجد الساعه 4 او 4.30 عشان أخذ البوردنج (ههه)
المهم سألت كيف الرحله قالو كالتالي/ ان شاء الله نحرك 5 العصر الثلاثاء نوصل انطاكيا من بكره الاربعاء بين 12 و 2 بالليل ونمسي هناك لان مافيه باصات تحرك الا بكره صباح الخميس (انا عاد قلت ليش أمسي أبخذ تكسي وأتمشى وأخلي عفشي عند مكاتب النقل لاحقين ع النوم قدمانا رحلة اسطنبول-هذا الي ناويه ان شاء الله) المهم يقولون يحرك الباص ماقالو الوقت الى حد اليوم مدري المهم الرحله تقريبا 16 ساعه من انطاكيا الى استطنبول
وبعدها بأخذ باص ان شاء الله من استطنبول الى فارنا تقريبا 4 الى6 ساعات
يعني ان شاء الله يوم الجمعه بالكثير وانا في فارنا .
والباقي بعدين اذا وصلت هناك ان شاء الله كملت لكم تحت هذا الشخط باسم 3-------------------------------------------------------------------------------------------------------------
ing:
:sofa: