.
.
.
السلام عليكم ورحمة الله وبركاته .. أتمنى انكم تكونون في اتم صحة وعافية
مثلي مثل أخواني وخواتي اللي سبقوني في كتابة التقارير السابقة .. احب ابتدي بالشكر
لجميع الاخوان والخوات اللي اتحفونا بمواضيعهم اللي من ذهب عن ماليزيا ..
وبنقز اهم شي في الموضوع وهو المقدمه التعريفيّة عن ماليزيا مثل السكان والموقع والمناخ
والعمله .. لان مشاءلله عليكم اكيد صرتوا تعرفونها وحافظينها .. ونبتدي بالمهم .. بسم الله
في صيف 2006 كان الوالد الله يحفظه ماعنده عمل وصادفت اني انا وواحد من الاخوان عندنا إجازة
وجلسنا نتناقش عن نية سفر عائلية .. ومن هنا ومن هنا لقينا ماليزيا افضل خيار .. سافرنا لها ووفقنا
الله وكانت من أروع السفريات اللي جربتها .. وكنت انتظر الصيف اللي بعده عشان اسافر مره ثانية
ولكن الصيف اللي بعده اختلف الوضع العائلي وقرروا انهم مايسافرون .. قلت اجل الله يستر عليكم
انا مسافر .. واكملت حجوزاتي مع بعض الشباب ل السفر لماليزيا لمدة 31 يوم :36_1_11:
وكانت التغطية المصورة تبتدي من البيت :8888: ..
صوروة دولاب الملابس قبل ماسوّي الشنطة ..
صورة الدولاب بعد مارتبت الشنطه
لاننا مطولين اخذنا الدولاب كله .. طبعاً تاريخ الكاميرا زي ماهو واضح كان متأخر شوي
وزبطته بعد الصورة ..

• __________

وتوكلنا على الله انا وأخوياي ورحنا للمطار وكان مودينا مجموعة من أخويانا المساكين يقولون
لبقوا غلط عشان كننا متأخرين ويوم طلعوا الا السطحه شايله سيارتهم .. ودخلنا بسرعه وركبنا
الطيارة وكنّا اربعة أشخاص 3 عند الشباك بعدين ممر بعدين انا وجمبي واحد وزوجته الله يستر عليهم
معاريس فريش :55654: .. وكانوا كويسين لين قبل مانوصل لماليزيا ب 3 ساعات تقريباً ..
كل شوي الرجال يقولي لو سمحت دورة الميارة ( اكرمكم الله ) .. وانا بحكم اني ع الممر لازم اقوم
وتقريباً في الثلاث ساعات هذولي قمت فيها 8 مرات عشان يطلعون ويجون .. بس الحمدالله سهلها
الله ووصلنا المطار
وصلنا لمطار كوالا ورحنا على طول مع القطار اللي ينقلك للصالة الثانية .. طبعاً اللي مايدل وين
القطار فيه .. ابد يمشي مع اللي قدام وبيوصل للقطار
وحنا في القطار كل ماجت عيني في عين خويي الا نتبسم .. مبسوطين شكلنا
وبصراحة الجو في المطار واثناء نقلك من القطار رائع جداً ..
وفيما كنّا ننتظر الشنط رحنا نشوف المناظر اللي يطل عليه مطار كوالا
الله يخلف على مطاراتنا ..
وهذا رجل من رجال الملاحه في الخطوط السعودية .. يوم شفناه درينا ان السير وصل ههه

• _

بعدها اخذنا الشناط وطلعنا للسيارة .. بس قالوا مانركب اربعه في سيارة وحدة .. اكثر شي 3
قلت خلاص فكه منكم .. روحوا انتم للهوتيل وانا بركب مع السواق وبلحقكم للهوتيل ..
اخترت اني اركب بلحالي عشان اصور على راحتي .. وركبوا هم مع السواق وركبت انا مع سواق
وهذي صور من السيارة والسواق والطريق
يتبع صور الطريق