- السلام عليكم ورحمة الله وبركاته
- بعدها اقلعت انا وزوجتي من الدمام الى جده...على طيران ناس
- ملاحظة مهمه جداً :
السلام عليكم ورحمة الله وبركاته
بالبدايه...احب اقول شئ واحد...انه لولا اني بأشرف بقعة بالارض (مكة المكرمة) وابعد عن الكعبه اقل من نص كيلو...والا اشتكيت هذا الفندق على ادارته قبل كل شئ وثانياً على هيئة السياحه...لأن اللي شفته ماراح اعطيه ولا حتى اسم فندق...راح اعطيه شقق وغرف مفروشه مع نجمتين,,,ولو فيه نجمه ونص عطيته
سأذكر اغلب اللي حدث معي بالتفصيل...وارجو من الجميع مشاركتي وابداء الرأي...وبالنهايه انا ما جيت وكتبت هالموضوع كرهاً بالفندق...لا والله...ولكن حباً لأخواني المسلمين الذين يريدون القرب من بيت الله العتيق ان يختارون اماكن افضل من هذه الاماكن...بما انهم راح يدفعون مبالغ...طائله على خدمات سيئة
سوف اذكر السلبيات...وطبعاً سوف اذكر الايجابيات...حتى تتم المقارنه...وتكون عادله لنا ولهم...
البداية تم حجز ابراج زمزم عن طريق
https://www.booking.com/ بمبلغ 730 ريال غرفه مطله على الحرم شامله الفطور...(المصيبه اللي تفشل ان المكتب الوسيط بين الفندق والموقع...مكتب كويتي...تخيلو...اني اكلم مكتب بالكويت عشان يأكد لي حجز فندق عندي هينا بالسعوديه...الله يفشل المكاتب السعوديه اللي للحين ما تطورت حتى تتواصل مع المواقع العالميه)
بعدها اقلعت انا وزوجتي من الدمام الى جده...على طيران ناس
والوصول الى جده واستقبلوني سواقين التكاسي النصابين اللي يبون يوصلوني الى مكة المكرمه بمبلغ 150 ريال بينما ايجار السيارة ب 85 ريال لليوم...يعني اذا جالس يوم او يومين...استأجر سيارة احسن لك...
استأجرت سيارة وكملت طريقي الى مكة المكرمة...ووصلت بعد اللف والدوران الى النفق اللي تحت الحرم حتى ادخل مواقف فندقنا...ابراج زمزم...والمفاجأة الاولى ان مواقف السيارات لليوم الواحد بمبلغ وقدره 200 ريال !!!ومن زين المواقف اعمال بناء جاريه تحت الارض الى درجة ان الغبار يخليك ما تدري وين تروح
زحمه الأستقبال الى درجة عدم التنظيم كأنك بمقصف مدرسه تبي تشتري زعتر وعصير بالاضافه الى مصعدين مختلفين بعيدين عن بعض من خارج الفندق حتى تصل غرفتك
وقفت سيارتي مؤقتاً لمدة ربع ساعه ونزلت سويت تسجيل الدخول وسألت الاستقبال عن مواقف السيارات...قال لي افضل حل لك انك توقفها بمحبس الجن وتروح لها ب 10 ريال بتكسي وترجع منها للفندق ب 10 ريال...مواقف حكوميه مضلله ومحميه والدوريات ما تفارقها...وكان هذا هو الحل الافضل بالنسبه لي...
السلبيات:1-السرير مفرد
2-الثلاجه فاضيه
3-الانترنت موجود وايرلس لكن قابلني لوفتحت صفحه
4-التلفزيون موجود ولكن مفصول ومافي فيش يعني بالعربي ما اشتغل التلفزيون ابد
5-الريموت مأكوله الازرار
6-الكعبه على زاويه صعبة الرؤيا
7-مافي سجادة لصلاة
8-اضاءة الغرفه باهته جداً
9-بطانيه واحده فقط
10-لافرشاة اسنان ولا اعواد اذان بالحمام ولا ابسط الادوات اللي تلقاها بالفندق ابو نجمه وحده
11-الحمام يوجد فيه بقع سوداء
12-البانيو فيه بقع صداء حمراء
13-كوي الثوب العادي والتسليم بعد ساعات و كوي الثوب المستعجل
14-الغرفه نظافتها يوجد بعض البقع في اماكن متفرقه من الغرفه ولكن بدون اي روائح كريهه
15- التحكم بالتكييف موجود بالغرفه ولكن لا يعمل ابداً...التحكم عن طريق ادارة الفندق
14-بيع ماء زمزم بالاستقبال بمبلغ 40 ريال بينما سعره بالخارج 5 و 10 ريال
الإيجابيات :1-الملابس بعد الكوي
2-التكييف قوي جداً الى درجة غير طبيعيه
3-السريرين نظيفين
4-الفطور - بوفيه - جبار من ونص حتى ونص
5-الفندق مليان خليجيين فقط...النسبه العضمى منهم قطريين...بعدهم كويتيين...بعدهم عمانيين و إماراتيين
ملاحظة مهمه جداً :
وقت تسجيل دخولي للفندق موظف الاستقبال اخبرني بأن الحجز عن طريق المكاتب السياحيه الداخليه ارخص من بوكينج.كوم...قلت له على يدك...دلني عليهم...واخبرني بمكتب موجود بنفس الفندق بالجهه الاخرى من الاستقبال وذهبت لهم ووجدت عندهم غرف غير مطله ب 450 ريال وحجزت عندهم اليوم الثاني...واسترجعت فلوس اليوم الثاني من بوكينج.كوم...لأني بكون وفرت اكثر من 250 ريال بتغييري للحجز
برضو من خلال وقفتي بالرسبشن..اكتشتف ان موظفين الاستقبال يأجرون اللي يجي مباشره من دون حجز ب 650 او 700 ريال بينما يأخذون اسم الزبون ويرسلونه لشركات السياحه...ويسجلونه ب 450 على الفندق...والفرق يتقاسمونه موظفين الاستقبال مع موظفين شركات السياحه...ويكونون ضربو عصفورين بحجر واحد...اجرو الفندق وحصلو لهم مبلغ 75 ريال على كل غرفه...وانت ماشي
ارجو الانتباه من هذه النقطه ياشباب...موظفين الفندق...يمتهنون السمسره لصالح شركات السياحة والاستفادة من ذلك عن طريق الشركات ((ان شاء الله انكم فهمتو وش اللي صاير)) من وراكم
وبالنهايه ادعم هالموضوع...بالصور...اللي ان شاء الله تثبت لكم كلامي
الكعبة المشرفة...وزاوية ضيقة لرؤيتها...الله لا يحرمنا وياكم الاجر
سريرين مفردين...والطلب كان سرير مزدوج
جدار متغير لونه الى الاسود...ولا ادري كيف يرضون هذا الشئء على فندق 5 نجوم
ستارة الغرفه وفيها من الصبغ!!! والبقع!!! الشئ العجيب
أحدى مخدات الغرفه...وفيها بعض البقع...الغير مقبوله ابداً
ريموت التلفزيون وقد تم اكل بعض منه!!!
احدى الطاولات بالغرفه وفيها بعض البصمات...
سلك التلفزيون وفيش الكهرب!!!مختلفين...ولا يوجد آدبتر لتحويل بينهم
فرن الغرفه الكهرب...وبه بعض الصداء بالاضافة انه لا اعرف كيف سيعمل من دون مساكات
الدرج الموجود تحت المغسله...وكان يوجد به بعض الاشياء وتم تنظيفه وبقي بعض الصداء
حبل الستارة
الزاوية الاولى بدورة المياة اكرمكم الله
الزاوية الثانيه بدورة المياة اكرمكم الله
الزاوية الثالثة من دورة المياة اكرمكم الله
بانيو الاستحمام وفيه بعض البقع
وبالنهايه...عسى الله ان يتقبل عمرتنا ودعائنا...ويجزانا على صبرنا خير الجزاء
وبصراحة كثرت الملاحضات على هالفندق بالذات
وهذا حال الكثير من فنادق مكة للأسف
تصور أني وجدت في إفطار فندق نوازي الواقع خلف مريديان القريب من الحرم و المعروف
صراصير
ومن الوقاحة يقول المشرف على المطعم التركي الجنسية هذا شيء عادي وطبيعي
وإشتكيت إلى إدارة الفندق و إلى أمانة مكة المكرمة وإلى بلدية أجياد
وللأسف ما تغير شيء