- بس الكوفي حلو مره وراقي واكلهم حلو والناس الي فيه راقيين ومحترمين .
- انا سافرت مع اخوي الي جاني بعد يومين وكان اول مره يروح لمصر
السلام عليكم ورحمة الله وبركاته
انا حبيت اشاركم تفاصيل رحلتي
بس تري هذي اول مره اشارك بتقرير يعني لا تدققون كثير
التذكرة اخذتها من مكتب المؤيد بالرياض ب 2840 ريال وكانت علي ( الخطوط المصرية )
طبعا كان مسار الرحلة ( الكويت _ القاهرة _ الرياض ) بتاريخ 21/7/2008 م لاني رحت للكويت بالسيارة وتركتها هناك.
وصلت القاهرة وسكنت عند واحد من اصحابي المصريين لانه بحكم شغلي كنت اروح لمصر كثير ولي علاقات هناك وكان عنده شقه بالمعادي علي النيل حلوه مره بس بعيده عن المهندسين والمشوار يطلع الروح .
ثاني يوم نزلت المهندسين وكلمت كذا واحد من الي حاطين ارقامهم بالمنتدي وبصراجه كانت اسعارهم حيل مرتفعه وانا كنت دايم اسكن بشقة جنب المكتب حق صاحبي المصري فحاولت ابعد بس مالقيت والشقه الي كنت اخذها ب 250 جنية اخذتها ب 550 جنية بعد الخصم طبعا بس كانت حلوه ومجدده بالمهندسين شارع ابو المحاسن الشاذلي قريبة مره من هارديز وبيتزا هت .
طبعا اول مشوار سويته اني رحت لكوفي حلو مره اسمه لاجونا بشارع سوريا
بس الكوفي حلو مره وراقي واكلهم حلو والناس الي فيه راقيين ومحترمين .
انا سافرت مع اخوي الي جاني بعد يومين وكان اول مره يروح لمصر
رحنا للهرم وركبنا خيل وكان معاي صديقي المصري طبعا كان وياه سيارة ملاكي بسواق فما كنت احتاج السيارة بسفرتي بس انصدمت بالاسعار انا كنت اركب الخيل اقل شي ب 50 جنية بالشتاء طبعا خيل حلوه ونظيفه مو الكدش الي هناك وكانت هناك زحمة غير طبيعية حتي المقاهي الشعبية الي كانت هناك صار فيها مطرب ودي جي ومنيم جارج 40 جنيه طبعا حنا اخذنا الخيل ب 25 جنيه.
ومن كثر الزحمه الي بالقاهرة قررت اني اروح لشرم الشيخ انا واخوي بما اني ما رحت لها قبل فمريت مكتب سفريات مقابل الخطوط السعودية الي بالمهندسين وكان يوم الخميس الساعه 4 العصر فحجزت الفندق وكان فندق سوفتيل شرم والغرفة كانت ب 160 دولار لشخصين وبعد ما دفعت الفلوس دورت حجز طيران وما لقيت كان زحمة واتصلت علي السوبر جت ( النقل الجماعي عندنا ) وبعد ما لقيت فاخذت سيارة ملاكي طلب ب 600 جنيه يودينا من القاهرة لشرم بس.
مشينا من القاهرة الساعه 7 الصباح وكان الطريق حلو مره ووصلنا شرم الساعه 12 الظهر صلينا الجمعه ورحنا للفندق وكان روعه لابعد درجة بس فيه عيب بسيط جدا كان بعيد شوي عن المشايات الي بخليج نعمه يعني 20 دقيقة مشي .
ريحنا وبالليل رحنا للمشايات وكانت كلها مقاهي ومطاعم ومحلات المقاهي والمطاعم اسعارهم حلوه يعاملون العربي والمصري نفس الشي والاجنبي كانوا يدبلون عليه الاسعار اربع مرات بس المحلات كانت اسعارها غاليه مره يعني لاتشترون شي من شرم الشيخ .
ثاني يوم رحنا للشاطي طبعا كل فندق له شاطي لحاله وسوفتيل ميزته انه علي جبل وله خصوصية عن الفنادق الثانية ورحنا للغوص كانت فعلا متعه
حجزنا من شرم للقاهرة بالطيارة ب 860 جنية لشخصين .
يتبع .......................................
اعذروني حاولت انزل الصور بس ما قدرت
