بسم الله الرحمن الرحيم
السلام عليكم ورحمة الله وبركاته
اولا أحب اشكر هالمنتدى وأعضاؤه على عطائهم المستمر ومساعدتهم لإخوانهم سواء كان عن طريق التقارير الممتعه او عن طريق إجاباتهم عن استفتاراتنا يعطيهم ألف عافيه وينكتب بميزان حسناتهم إن شاء الله
بعد هالمقدمه الطويله راح ابدأ بتقريري المبسط واللي اتمنى انه يساعد بقية الاعضاء
فكرة الرحله:
السبب الرئيسي لرحلتنا إن أختي كان عندها كورس بكوالالمبور لمدة 5 أيام
وبما إنها المره الأولى اللي يكون عندها الكورس هناك قررت الصق معاها وما أفوت السفره :36_1_15:
وما قصرت الله يخليها خذتلي التذكره على حسابها :36_3_11:
وبدأنا بالتجهيزات وصرنا نبحث بمواقع الطيران وكنا محتارين بين الاتحاد و الامارت
عن نفسي كنت أفضل القطريه بس المشكله الترانزيت عندهم طويل فشلناها من بالنا
أخر شي قررنا نروح على طيران الإمارات وحجزنا التذاكر من مكتب سياحي ب 230 ريال للشخص
وهذي صوره للتذاكر مع الجوازات
مدة الرحلة:
0أيام ( 66- 166)
خط الرحلة:
مسقط – دبي - كوالالمبور
كوالالمبور- دبي – مسقط
كان عندنا ترانزيت بدبي ل 4 ساعات و 40 دقيقه
بس الوقت مر بسرعة قضيناه بالسوق الحره
وهذي صوره من مطار دبي لبوابة العبور للطائرة
وصلنا كوالالمبور الساعه 9 ونص بالليل تقريبا وكنا حاجزين بفندق برينس لان الكورس كان فيه
فحجزنا من موقع الفندق لشقه مكونه من غرفتين لان صديقة اختي كانت معانا وكان في تخفيض للي يحضروا الكورس
بصراحة فندق نظيف و راقي استغربت محد من الأعضاء ذكره
يقع بالقرب من فندق كراون بلازا و الماريوت
وهنا بعض الصور للفندق
نجي للغرف
غرفتنا كانت بالطابق ال 23
وهذا الممر للغرف
وهذا رقم غرفتنا
هذي الصالة
وهذا المطبخ
بصراحة مطبخ متكامل فيه كل أدوات الطبخ لكن ما استخدمنا الطباخه إلا مره عملنا فيها نودلز :36_13_5:
صورت كل ادوات المطبخ عشان انزلهموهنا غرف النوم
هم غرفتين وحده وااسعه وفيها تلفزيون والثانيه شوي ضيقه وكل غرفه فيها حمام الله يكرمكم
وهذي صور للحمام _الله يعزكم_
كل يوم الصبح كانوا يحطولنا جريده عالباب
ناخذها ونحطها عالطاوله لحد ما صار عندنا 9 جرايد
:3:
في الجزء المقبل راح اعرض لكم بقية صور الفندق والمراكز التجاريه اللي رحنا لها
اتمنى ان هالجزء عجبكم
تابعوني
تحياتي لكم:
ألم الماضي