سلام عليكم
طبعا انا حاليا متواجده في جزيره الاكثر من راائعه بصراحه (جزيره لنكاوي ) وبالتحديد في فندق (لنكاوي لاقون )
وهذا ثاني يوم لي بلنكاوي وباقي ليله انشالله وارجع كوالا
اول يوم كان يوم جميل والرحله خفيفه من كوالا الى لكناوي 55دقيقه تقريبا ثم من المطار الصغير (مطار لنكاوي )
شفنا مكاتب كثير ه بالمطار في عروض حق الرحلات
حجزنا حق اول يوم وثاني يوم
طبعا الوصول كان ساعه 12 ظهر
وعلى ما حجزت بالمطار حق الرحلات وصلنا الفندق الجميل بصراحه لنكاوي لاقون ولقيت اغلب العرب هناك واستقبالهم حلو بس للاسف انه الجو بلنكاوي موت حر رطوبه مو طبيعيه
المهم الغرفه كانت الفلل اللى بوسط البحر بصراحه تحفه رائع ورومانسي جدا رغم انه البعض يقول مو حلو
بس بالعكس الغرفه نظيفه وتكرمون الحمام عجبنى نظامه من الداخل اكثر من صن واى لقون ريسرت
المهم اتفقنا انه التاكسي يكون ساعه 3 ظهر حق رحله المانغروف
يعنى ارتحنا ساعتين بس ورحنا الرحله الجميله بصراحه والحجز من المطار 250 رنقت حق شخصين انا وزوجي
وتاكسي 35 رنقت يوديك و35 يرجعك يعنى ياخذك من الفندق وياخذك على الرحله وينطرك ويرجعك حق الفندق
الرحله جميله بمعنى الكلمه (خفافيش والتمساح والنسور وحدود تايلند والقرده وغير الطبيعه والجو بالقارب جدا حلو
طبعا القارب انا وزوجي فقط مو قروب اذا قروب ارخصلكم بس افضل بروح
المهم بعد ماخلصنا من الرحله رحنا مطعم فاشل بصراحه ووصخ شفت بعينى مع انه الخليجين اكثرهم هناك والاكل الله يزيد النعمه
اسمه مطعم السلطان واهو يبعد عن الفندق 10 دقايق
وتعشيت بمطعم جدا رائع يمكن يبعد ربع ساعه عن الفندق اسمه القصر مؤكولات هنديه وعربيه بصراحه كليت منهم البيتزا ووروبيان مشوي وعصير بطيخ واو مو طبيعي
ورجعنا الفندق
ثاني يوم اللى اهو اليوم طبعا الحجز كله من المطار انه السائق يجي ساعه 9 الصبح
وهذه الرحله 250 رنقت يوديك 6 رحلات ب6 ساعات بس طبعا التذاكر انت تدفعها
بس اهو التكسي يضل معاك بكل الرحلات
واذا بتزيد ساعه تدفع 25 رنقت (يعنى كل ساعه 25 رنقت ) وعلى فكره سياره مو تكسي
سياره فن صغيره او تيوتا مريحه بصراحه والسواقين مسلمين ونفسيتهم حلوه
المهم طبعا الرحله المفروض تكون
1- التلفريك
2-الشلالات
3-مدينه كواه
4-حديقه التمسايح
5-عالم تحت البحار
6- متحف وطنى اعتقد
7-نصب النسر
بس انا لغيت التلفريك لانه باجر انشالله راح اسكن ليله وحده بفندق برجايا لنكاوي واقدر انى اروح تلفريك مشي والحديقه الشرقيه
فخليتها :
1-الشلالات وايد حلو بس الصعود شوي متعب والحشرات الناموس ذبحنا بس تستاهل بصراحه
2-التماسيح ما انصحكم فيها كل تماسيح وتشوفون شلون يوكلونهم والحديقه جوها رطوبه خسنا من الحر ومافيها شي يسوى
3-المتحف هم داخل موت حر وحاطين الاشياء الثمينه اللى متبرعين فيها اامراء الدول بس اللى يحب المتاحف يروح انا عن نفسي كانت افشل رحله رحتها ماتسوى
3-رحنا مطعم اسمه اربيكا مطعم عربي والستاف عربي في مدينه كواه بمجمع بلازا وايد اكله حلو تختار السمك ويشوولك ياه وانا جربت مندي دياي لذيذ انصحكم فيه وكل عرب وعصير رقي مو طبيعي
ورحنا مجمع بكواه بصراحه السوق اللى عندهم مو قويه عاديه وبسيطه
4- حديقه الطيور وايد حلوه واخذت لقطه مع النسر (اهو يصورنكم صور تذكاريه ) وايد حلوه الحديقه
5-كنسلنا عالم تحت البحار لانى حسيته مثل الاكواريوم وزهقت من الحيوانات كل مكان حيوانات وسمك ماشالله
6- نصب النسر وصورنا المنظر وايد حلو ضروري تروحون هالمكان
7-رحله على البحر وتحقق حلمي واخيرا وركبت برشوت وجتىسكي متعه حقيقه بصراحه والحمدلله مافي
امطار
والحين رجعنا الفندق استمتعنا بالرحله وايد ولنكاوي شي خيال بس الحر اللى ذابحنا
لانه الحر بالجزر اكثر من العاصمه
ووالحين بعد شوي بتمشى على البحر لانى بصور منظر ( غروب الشمس ) وبشرب عصير بارد
والعشاء في مطعم مقابل فندقنا شكله حلو ويمدحونه اسمه بلاد الشام عربي بجربه اليوم انشالله واعطيكم خبر
اى سؤال انا حاضر
باجر باذن الله رحله التلفريك والقريه الشرقيه
وحديقه الفواكه
وانشالله اذا في وقت برجع حق البحر والبرشوت
اتمنى يعجبكم تقريري