السلام عليكم و رحمه الله
شحالكم عساكم بخير ..
ف الصيف قررت اروح فندق بانيان تري في اماره راس الخيمه ..
تم حجز الفندق
ب سعر

هالسعر يشمل فطور ل شخصين و rain forest treatment
هو عباره عن شي تسويه ف السبا .. ماي حار و بارد ينرش عليك و اونه زين حق دوره الدم ف جسم الانسان
نحن ما رحناه لان ماكان شي وقت
كل الفلل اللي ف الفندق تكون مع مسبح خاص ..
اعذروني عالصور .. تصوير جلكسي
قبضنا خط دبي العابر

الفندق مكانه قبل دخله راس الخيمه .. نسيت كم رقم المخرج

وصلنا الفندق

سوينا جيك ان ، اللي كان جدا سلس و سريع
و تريينا الغولف كار عشان تودينا فلتنا ..

ترا الفندق موجود محميه .. و بتشوفون حيوانات نفس غزلان و حيوانات بريه

الحمام عزكم الله .. كبير جدا

نسيت اصور السرير -.- .. نحن كنا ماخذين اصغر فله .. و 3 يرقدون فيها بكل راحه
ريوق الفندق حلو و متنوع .. عندهم اجبان و لحوم و كورن فليكس و اكلات عربيه و بيض و بانكيك .. يعني بيعجبكم ..
الفندق فيه 3 مطاعم
بوفيه ، تايلندي و شيشه لاونج
الفندق شوي بعيد عن سنتر راس الخيمه ..
و طبعا لازم نزور عاشوق للايسكريم بما ان نحن في راس الخيمه

تقيمي للفندق : 10 / 10 .. وايد استانست و غيرت جو .. و برد مره ثانيه ان شا الله ..
و عفكره .. شي 2 بانيان تري ف راس الخيمه .. الوادي و الشاطيء ..
انتهي -