1. كمثال بسيط:

السلام عليكم ورحمة الله وبركاته
كانت لتقارير هذا المنتدى الفضل الكبير بعد الله في نجاح سفرتي الى ماليزيا , وهذا السبب الرئيسي الذي دفعني إلى كتابة هذا الموضوع , وهو رد جميل لأعضاء المنتدى
كانت رحلتي الى كوالالمبور من 12/08/2013 الى 21/08/2013 واحب اوضحلكم بعض الامور اللي استفدتها واتمنى انها تفيدكم
موضوعي يتلخص في ثلاثه نقاط رئيسية وهي:
1- التنقل بالمترو
2- الجنتنق
3- معلومات متنوعه تهم المسافر
1- التنقل بالمترو
يعتبر المترو في كوالالمبور افضل وسيلة نقل رخيصة التكلفة وهو خيار ممتاز جداً لمن يرغب برحلة اقتصادية ومحطاته منتشرة بكل مكان واغلب الاماكن السياحية المهمة تجد بالقرب منها محطة للمترو

كمثال بسيط:

احد الايام بغيت اروح منتجع صنواي لاجون وسألت تاكسي من عند الفندق اللي سكنت فيه وكان المشوار من الفندق الى المنتجع يكلف 50 رنقت
فرُحت لمحطة المترو القريبة من الفندق وسالتهم عن اقرب محطة الى منتجع صنواي لاجون ورحت للمحطة اللي قالولي عليها ب3.5رنجت ومن المحطة اخذت تاكسي الى صنواي لاجون ب13رنجت بمعنى المجموع صار 16.5 رنجت بدلاً من 50 رنقت أي وفرت 33.5 رنقت في الذهاب
بداية واهم شي يكون معاك صورة خريطة محطات المترو وهذه هي الخريطة
هذه صورة للمحطة القريبة من الفندق واسمها PWTC وطبعاً الاجهزة اللي على اليسار هي لشراء تذاكر المترو
جميع محطات المترو يوجد مكتب للاستعلامات مثل هذه
وللمعلومية جميع الموظفين بهذه المكاتب متعاونين جداً واي مكان ابروحه اسالهم وهم يشرحولي بالتفصيل اقرب محطة للمكان اللي بروحه
مستوى المترو في كوالالمبور ومحطاته ممتازه لكنها اقل مستوى من مترو دبي كمثال مو كل المحطات مكيفة يوجد محطات مفتوحه مثل هذه
ويوجد محطات مكيفة مثل هذه
وهذه صور من داخل المترو
2- الجنتنق:
محطة (KL Centrak) هي المحطة الرئيسية عندهم وهي محطة كبيرة
فيها ميني ماركت مثل 7-eleven وهو منشر في كل مكان عندهم ومطاعم عالمية مثل ماكدونالدزوبرجر كنج وكنتاكي وكافيهات ومحلات تجارية واكشاك لبيع التذكارات ومكاتب سياحية
والاهم من هذا كله فيها مكتبين تنظم الذهاب والعودة الى جنتنق
وهذه صور المكتبين جمب بعض
المكتب اللي على اليسار(Go Genting) ينظم لك الذهاب والعودة بباص لكن اليوم اللي رحت فيه كان نظام اصدار التذاكر متعطل
فرُحت للمكتب اللي جمبه اللي على اليمين ونظامه يجمع مجموعه اقل شي 3 اشخاص وتروحوا لجنتنق بسيارة تويوتا انوفا الشخص الواحد = 35رنقت طبعاً بدون عودة

• * هذه تجربتي وممكن تحصلوا اقل من هذه العروض لكن انا كان وقتي ضيق وماكنت اقدر ادور البدائل الارخص **

بالنسبة للمسافة تاخذ ساعه تقريباً بالسيارة
بالنسبة للعودة من جنتنق لا تشيل همها لانه فيه تكاسي كثير عند محطة التلفريك
وفي محطة التلفريك يوجد مكتب باصات للعودة الى كوالالمبور وبالضبط الى محطة KL Center
واخر باص عندهم يرجع الساعه 9مساء
والشخص الواحد ب10 رنقت
واذا انت ناوي ترجع بالباص " وانا افضل الباص لانه ارخص بكثير " افضل اول ماتوصل جنتنق تشتري تذكرة للعودة بالباص
افضل وقت للذهاب الى جنتنق الصباح عشان لا يفوتك المنظر من التلفريك
بالنسبة لتذاكر التلفريك في نوعين من التذاكر
· تذكرة عادية وقيمتها 6 رنقت للشخص الواحد : هذه تنتظر سرا طويل – حسب الزحمة - الى ان يجي دورك وتطلع التلفريك (الوقت اللي رحت فيه كان الانتظار اقل شي ساعه )
· تذكرة اكسبريس وقيمتها 30 رنقت للشخص الواحد : بمجرد ماتروح للتلفريك تطلع بدون ماتنتظر دقيقة وحده
وافضل شي قبل لا تشتري التذكرة استكشف الوضع وشوف كيف الزحمة
اذا كان زحمه شديدة اشتري اكسبريس صحيح غالية لكن ولا يضيع الوقت في الانتظار واذا كان فاضي اشتري العاديه
انا في الذهاب بالتلفريك اخذت تذكرة اكسبريس لانه كان جداً زحمه
ورجعت بالتلفريك من اعلى الجبل الساعه 8:30 مساء لانه موعد الباص الساعه 9 وكان فاضي جداً واشتريت التذكرة العادية 6رنقت
والوقت المستغرق في التلفريك 20 دقيقة
الاخوان في المنتدى ماقصروا وكتبوا تقارير عن جنتنق ولكن في ملاحظة مهمة جداً
في تنبيه في موقعهم يوضح ان الملاهي الخارجية ستغلق بداية 1/سبتمبر/2013 ولمدة ثلاث سنوات لتحسينها
3- معلومات متنوعه
1- في المطار يوجد قطار يوصلك الى محطة KL Center وقيمه التذكرة للشخص الواحد 35 رنقت وتستغرق الرحلة نصف ساعه تقريباً (حسب عددكم احسبها وشوف وش الأوفر القطار او التاكسي)
2- لا تحول فلوسك كلها الى رنقت من المطار لان المطار معروف سعره اعلى من السوق .
3- التكاسي تعتمد بشكل كبير جداً على المكاسرة في السعر , غالباً يعطيك التاكسي اعلى من سعر المشوار يصل احياناً الى ضعف المبلغ , ونادراً ماتحصل تاكسي يحسب المشوار بالعداد
فمثلاً كنت في يوم بشارع العرب وكنت بارجع الفندق بالتاكسي وسالته عن السعر قالي 35رنقت ورفضت ومشيت وبعدها هو اللي ناداني وعرض علي 15 رنقت (فرق 20رنقت)
4- افضل مكان اذا تحب تشتري هدايا وتذكارات بسعر رخيص تلاقيها في سوق اسمه Central Market
وللعلم هو قريب جداً جداً من السوق الصيني وتروحله مشي وفي محطة مترو قريبة منهم
رحت السوق اللي بالبرجين التوأم وشفت مجسم صغير للبرج قيمته 35 رنقت وفي سنترال ماركت لقيته نفسه بالضبط ب8 رنقت , طبعاً السوق كله عباره عن تذكارات لماليزيا من تيشيرتات ومجسمات واقلام ودفاتر ....الخ
5- في يوم العودة يفضل انك تروح للمطار قبل الموعد اقل شي 3ساعات والاسباب:

• المطار بعيد عن وسط المدينة يبعد بالتاكسي تقريباً ساعه
• كان حجزي على الخطوط الماليزية وكان الكاونتر لقص البوردنق زحمه غير طبيعيه وعدد الموظفين قليل وانتظرت تقريباً نص ساعه لقص البوردنق وشحن الشنط فقط
• بعض البوابات لركوب الطياره تكون بعيده وتروحلها بواسطه قطار

وأخيراً أتمنى ان يكون التقرير البسيط افادكم
تحياتي