Aseel66
05-12-2022 - 04:10 am
السلام عليكم
مساء الخير على الاعضاء الكرام ..
مساء الروقان بعد العودة من رحلة شهر العسل بين بالي وماليزيا
الحمدلله كانت رحلة جميلة .. ان شالله احاول انزل تقرير كامل عنها ..
ندخل فالمفييد على طول
فندق رينيسانس الجميل في كوالا
بداية .. حصلتلنا قصة متعبة شوية فالتشيك ان بس نهايتها روعة
اول شي معلومات بسيطة عن الفندق ..
يتكون من برجين جنب بعض (جناح شرقي وجناح غربي ) فيها على مااظن 25 دور ..
نحن كان حجزنا في الجناح الغربي ..
طبعا الفرق بين البرجين عرفناه من الريسبشن وهو انه الجناح الشرقي مجددين تأثيثه
فالاسعار ممكن تكون اغلى فالجناح الشرقي ..
عموما اشوف انه اسعار الفندق معقولة جدا مقارنة بمستواه وموقعه الممتاز وخدماته ونظافته وكل شي
والاسعار تبدأ من 400 وشوية ريال الى ماشاء الله
اما الموقع .. وماادراك مالموقع
موقع جدا جدا استراتيجي
اول مااطلع من الفندق في الوجه عاليمين محطة المونوريل ( بوكيت ناناس ) وطبعا من خلالها نوصل لكل الاسواق والمولات والمناطق السياحية " تايم سكوير - العرب - تشاينا تاون..الخ"
..
وبالاتجاه يسارا بعد مانطلع للفندق تلاقي البرجين بتروناس في وجهك ..مشوار مشي 5-10 دقايق " احلى شي فالسفر المشي وفي الشارع اللي بين الفندق والبرجين يقابلنا عاليسار " مقابل البرجين " يوجد محطة LRT " تحت محل )H&M) اللي هو الاندر جراوند "مترو" وعن طريقه رحنا لسن واي لاقون ب 10 رينجت روحة ورجعة لشخصين احلى واسرع من التاكسي اللي 120 رينجت روحة ورجعة
يعني بالعربي مااحتجنا تاكسي الا لما طلعنا لجينتنق ..!
بالتالي موقع الفندق خيالي
واخيرا بعد المقدمة الطويلة دي حاتكلم عن قصة التشيك ان اللي اخد ساعة وشوية
بس قبل كل شي كيف انزل صور
كل مااضغط ايقونة ادراج صورة يطلع مربع .. اختار ادراج صورة فيختفي المربع بلا عودة
ياليت شرح او موضوع يفهمني الطريقة ..
يتبع ..
فنادق ماليزيا
الف مبروك شهر العسل
والحمد لله على نجاح رحلتكم وعودتكم بالسلامه
لا تبطين علينا بالتقرير