- السلام عليكم ورحمة الله جميعا
السلام عليكم ورحمة الله جميعا
بدات معرفتي في شاليهات الخليج من حوالي 7 او 8 سنوات وكنت اتردد على المكان لحبي للصيد والحداق والهدوء والخصوصية .
وخلال هالفترة الطويلة لاحظت هبوط مستوى الشاليهات ولكن في زيارتي الاخير تفاجات بصراحة بالتجديدات والخصوصية اللي تم اضافتها مؤخرا بوجود سواتر بين الشاليهات تمتد الى ساحل البحر تقريبا واللي اضافت مزيد من الراحة خصوصا للعائلات .
شاليهات الخليج تقع جنوب الخفجي على طريق الدمام على بعد 60 كم تقريبا وشمال محطة ابوحدرية ب 90 كم ومدخلها واضح وانت متجه للخفجي قادم من الدمام او الجبيل تلاقي لوحة مكتوب عليها منتزه الامير سلطان الخيري على اليمين وانت متجه للخفجي تدخل مع الشارع وتواصل الى ما يقطعك خط الخفجي القديم تقطعه وتواصل على طول الى بوابة منتزه الامير سلطان وقبل ما توصل البوابة تلاقي لوحة على اليمين مكتوب عليها شاليها الخليج مؤثثة وتمشى على طريق ترابي واضح تقريبا كيلو وتصل الى بوابة الشاليهات .
كان الجو في ذاك اليوم جميل جدا غائم بارد قليلا وكانت النية ان نستمتع بالصيد في هذا الوقت لان مافيه زوار وهدوء يساعد على الصيد .
صورة للشاليهات من الخلف كل شاليه له موقف خاص وباب خلفي
صورة لمنظر البحر يازين البحر
واضح الساتر اللي بين الشاليهات ممتد الى البحر والجلسة الخارجية ايضا مظلله وفيها خصوصية تصلح للشوي والتسدح
صورة من باب الشاليه اللي على البحر والمنظر
الشاطىء الذهبي ماشاء الله نظيف جدا وارزاق الله على السيف
يتكون الشاليه من 3 غرف نوم غرفة رئيسية فيها حمام وانتم بكرامة
وغرفتين نوم بينهم حمام
وغرفة طعام
وهناك ملحق خارجي يتكونن من غرفة وحمام اذا معك عامل والا سواق او شغاله
وفيه طبعا مطبخ متوفر فيه
ثلاجة
فريزر
فرن غاز (انبوبة الغاز موجودة)
جانب من المطبخ ويبدو الفريزر
وهاذي صورة ثانية
تبدو غرفة الطعام مع الطاولة
وهاذي صورة لغرفة الطعام
من زاوية اخرى
ومنظر للصالة المطلة على البحر من خلال شباك كبير وشباك ثاني اصغر
ومن زاوية اخرى
تلفزيون LCD ورسيفر .
دورات المياه يكرم السامع
ومن زاوية اخرى
الحمام الثاني وفيه غسالة ملابس اوتوماتيك
وخلال وجودنا هناك زارنا ضيف محبوب مرة
صورة الضيف
لزم عليه الاخ ابو عبدالعزيز وحلف عليه الا يقلط
واخيرا كان الضيف في محله المحبوب
مندي ياعيني ....
اتمنى اني قدرت افيد اللي يفكر في زيارة المكان علما ان لازم تجيب معك طعام كافي وموية للشرب والعزبة ضرورية لان مافي اواني طبخ ولا قدور ولا اباريق
اقرب محطة بنزين محطة الخنيني تبعد تقريبا 5 كيلو فيها سوبر ماركت كبير جدا ومتوفر فيه كل شي
وفيه محطة السفانية تبعد تقريبا 11 كيلو ايضا فيها كل حاجة اضافة الا وجود ورش لاصلاح السيارات والمهم هناك سوق السمك بامكانك تشتري سمك طازج والحراج بعد العصر عن صنادق الصيادين تلاقي السمك بعضه حي ورخيص مقارنة بسوق الرياض او الدمام
قبل ما انسى هذا جوال المسؤول عن الحجز في الشاليهات بعد اذن الادارة
لان الحجز ضروري قبل ما تطلع خصوصا ايام العطل ونهاية الاسبوع اذا ماحجزت قبل فترة كافية ما رح تحصل حجز
والاسعار في المواسم من 600 الى 700
والايام العادية على 500
جوال الحجز ***************
يمنع وضع أرقام الهواتف المحموله
مشرف البوابة
سلطان المجمعة
