- رافع لي الكازوزه يقول لي : تبي شراب !! الرجال شكله منتهي مره
هذه ليست دعاية عن المطعم بل حديث عن تجربتي الشخصية
مطعم المذاق الايطالي من المطاعم الحديثة نسبيا في مدينة الرياض
يقع هذا المطعم في حي الريان نهاية تقاطع شاريع بريده مع شارع خريص خلف هارديز
المطعم جميل واضاءته خافته في الدور الارضي المخصص للافراد اما الدور الثاني فهو للعوائل ويتميز بحسن التنسيق
الاسعار مناسبة له كمطعم من الدرجة الممتازة
المذاق اعجبني والخيارات عديده من الماكولات الايطاليه كالبيتزا على الحطب والمكرونه بانواعها والمشاوي والسلاطات والحلويات ومختلف المشارب
موقع المطعم في حي الريان خلف هارديز تقاطع شارع بريده مع خريص
صورة للمطعم من المدخل الرئيسي
الفرن اول مايواجهك في الدور الارضي والعامل وش حليله خلاني اخذ له عشرين صوره ماصلح منهم الا هاذي
صورة لكاونتر المحاسبة والطلبات
العمال ودودين والجو العام مريح نفسيا
رافع لي الكازوزه يقول لي : تبي شراب !! الرجال شكله منتهي مره
صورة للطباخ - والبنغالي اللي على يمين وش حليله ملكع من جد يقول لي وش رايك بالاكل مو سيء ؟ والطباخ يسمعه فقلت للبنغالي : جربته قبل كذا والاكل مالح مره شكل الطباخ جديد !! والطباخ يسمع والتفت له وهو يبتسم وقلت له امزح معك اكلكم رائع وخذت لهم صورة تذكارية
الدور العلوي ويوجد غرفة صغيرة لالعاب الاطفال
وهذي الطاولة حقتنا بس انتبهو تراها مكشوفه من بره واحرصو على تغطيتها لاني مره كنت جاي ادخل هارديز والتفت على المطعم وشفت كل شي على المكشوف في الجلسات الفوقية فانتبهوا
الدور العلوي المخصص للعائلات
الطاولة حقتنا واعجبتني حركة المناديل
قائمة البيتزا على الحطب
قائمة الحلويات يمي يمي
كبير الجراسين والمدير في نفس الوقت مبسوط مره انه اول مره واحد يصوره ياحبي له تكفوون
المقبلات شطه ومكدوس وزيتون مطحون
سلطة السيزر حقت المعزبة
الجرسون جايب اول طلب .. كان متخوف في البداية من التصوير قلت له يارجال اذكر الله بس وتبسم مافيه شي يخوف واخذت له صوره مع انه باين عليه انه متخوف شوي
وش حليلهم هالجراسين في غاية اللطف
البيتزا على الحطب طلبنا نوعية : روميو وفيها كل شيء حلو
طلبي المفضل كبسانتي المورني - ماكولات بحرية بصلصة الثرميدور
الفاتورة وفيها طلباتنا بالتفصيل
رأيي بالمطعم
المطعم اعجبني بس فيه ملاحظة من ناحية الدرايش المكشوفة فوق فالعائلات لازم تنتبه من هذا الشي
الخدمة: 10
الاسعار : 8
الجو العام : 8
التعامل : 9
سرعة الطلب : 9
المذاق : 9
النظافة : 10
وسلامتكم
ملاحظة : الصور من جوالي نوكيا 95 ( من قدي )
ويارب الموضوع يعجبكم
اخوكم ............................. ارابيسك
شكله يفتح النفس
عجبني شكل الفرن
يعطيك العافيه