- بعد كل هذي المرمطه رحت المطار فجر اليوم الثاني لسفر ولكن!!
- التعب بدى واضح علي والحراره ارتفعت واخذت ادوية لاتمالك نفسي
السلام عليكم
طبعا رحلتي كلها مقالب
وكلها فرح
وكلها تشويق
اول شي حدث وزعلني اني كنت حاجز الرحلة دايركت على الخطوط الجوية الكويتية
ولكن المفاجأة رحت اخذ البرودنج ولا الموظف يرجع لي جواز زوجتي ويقولي بهدوء اعصاب فلانه ما تسافر!!!
انا انصدمت طبعا:112:ليش يا ابن الحلال؟ قالي باقي في الجواز صلاحة اقل من ست شهور قبل الانتهاء
وماليزيا لا تسمح بدخول من لدية صلاحية اقل من ست شهور
وطول الطريق وانا راجع البيت مع الاهل وانا ساكت من الموقف
وعلى طول اليوم الثاني رحت الجوازات وجددت الجواز ورحت مكتب السفريات وعدلت الحجوزات وخليت الطيران على الاماراتية ترانزيت لانه الاقرب من الرحلات الموجودة
بعد كل هذي المرمطه رحت المطار فجر اليوم الثاني لسفر ولكن!!
التعب بدى واضح علي والحراره ارتفعت واخذت ادوية لاتمالك نفسي
الحمدالله وصلنا مطار دبي واذا المطار تحت التعديل ووقفت الطياره بعيد هن المطار واخذنا باص وكلنا واقفين والسواق اعوذ بالله خلطنا خلط والمسافه مو شويه وزحمه اكثر من رحله واكثر من باص بنفس الوقت المهم وصلنا وبعد ما عديت الحاجز الامني رحت ادور على بوابت رحلتي القادمة الى ماليزيا ولكن الرحلة بعد 4 ساعات والصراحه انا وزوجتي ما عرفنا النوم من الكويت ولا اعرف كيف عدت ال 4 ساعات علبنا وناطر البوردنج لرحلة ماليزيا وتاخر ساعه وبعد ما فتح البوردج ركبت الطيارة و تاخرنا ساعه داخل الطيارة وحسيت بخنقة والله وبعد ما طرنا بساعه تقريبا صجت زوجتي من النوم وانا كنت صاحي طبعا
وتقولي فك الحزام وقلتلها وشصاير قالت ماادري تعبانه وشفت وجها مصفر بالمره ونادين المضيفة الاجنبية وشرحتلها الوضع وجاتني المسؤؤلة وتتكلم عربي وجابتلي اوراق اعبيها وجابو ا الاكسجين لزوجتي وفضواا اربع كراسي لها وخلو عليها متابعه الحمدالله الوضع احسن حالتها تحسنت ماكان في نفس والضغط نازل
وبعد ساعه انتكست مره اخرى وعملو نفس الاجراءات وانا صاحي حتى وصلنا ماليزيا النوم مستعد اشترية بفلوس طبعا لكن من خوفي والله ما هان علي اغمض جفت حتى اطمن على صحت المدام
ومن مطار كوالا اخذت تكسي لمنتجع صنواي ليجون واول ما وصلنا طلبت العشاء والنوم على طول
وثاني يوم الصبح بعد الفطور وطمنت على المدام ونزلنا السوق وتعشينا ورجعت الفندق لانه بعدها عندي رحلة لبيننق على طيران ابر اسيا .
ولمره رحت الفندق طلبت الجوازات وتقول الموظفه مافي ولا جواز عندي!!!!!!!! اذكر انها اخذت جواز واحد وتامين وقالت بالخروج تاخذه وجابو المسؤل ورجعوا للكاميرات الموجوده وتقول بالكاميرا مبين انه رجعنا الجواز وطلعوا معاي الغرفة وندور الجوازات والحمدالله لقيته ولكن الواحد توشوش من التعب والسفر وعدت على خير وحجزنا من الفندق على الابر اسيا .
اليوم الثالث خرجت من الفندق الى مطار اير اسيا وصلنا وطلع علي وزن زايد ودفعت ماكلن لي خلق اشيل الاغراض بيدي ماتسوى دفعة 10 ريجنت على كل كيلو زيادة وعملت البوردنج
الطياره باقي عليها اكثر من ساعه وانتم بكرامه قلت للمدام بدخل التواليت شوي ولا اسمع ولد ينادي بالتواليت اسمي وطلعت بسرعه ولا يقولي زوجتك بره طلبت مني اناديك الطياره طارت عنكم؟؟؟
:112::112::112: شالسالفه يا ناس ورحت وقلت للموظف تو الناس رحلتنا مو الحين ودقق بالبوردنق ةلا حاطين زوجتي برحله وانا بالرحلة اللي بعدها الخطا من الموظفة وتم التعديل والحمدالله وطرنا لبيننق بسلام
الفندق في بيننج كان الجولدن ساند خوش مسابح وبحر وبرشوت والسوق الصيني بره لصق بالفندق
قضيت فيها الايام في زيارت لمصانع والمجمعات ورحت بوكت ميرا منها رحله شوي طويلة بس حلوه
طبعا انا كنت حاجز العوده ايضا على الاير اسيا الى كوالا ولكن ما رحت واخذت سياره لانه زوجتني قالت ما ابي طياره مسكينه تعقدت من المقالب
الرحلة طويلة 5 ساعات تقريبا مع التوقف والراحه ووصلنا كوالا بليل والسن كان في برج التايم سكوير اللي عجبني كثير الخدمات المجمع والسوق والسينما وكل شي بره قريب مني
وخليت رحلاتي كلها من كوالا يوم جنتج ويوم افاموزا ويوم ماينز وندر لاند ويوم داخل كوالا الحدائق والمنارة والبرجين واالاسواق والاكواريم وغيرها هناك الكثير من الاماكن
طبعا الصور والتفاصيل الاخرى في الايام القادمة ونوقف اليوم الى هنا
