اقلعت رحلتنا المتجهة الى بانكوك ( مملكة تايلند ) في الساعة الثامنة صباحاً يوم السبت 1/8/2009
مدة الرحلة 7 ساعات ونصف تقريباً ، وصلنا في الساعة السابعة مساءاً بتوقيت تايلند ،
وصلنآ تعبانين ونمنا على طول ،
اليوم الأول ،
الغرفة
مميزات الفندق :
1- الغرف وسيعة جداً ، والحمام كبير .
2- مرتبط بمجمع فيه اسواق ومطاعم وسينما وسوبرماركت وكل شي .
3- في وسط المدينة ، وقريب من مجمعات كثير .
عيوب الفندق :
1- الانترنت ب 700 بات باليوم = 70 ريال .
مميزاته أكثر ويستاهل الكل يسكن فيه ،
العنوان :
Centara Grand at Central World Hotel
999/99 Rama 1 Road, Patumwan , Pratunam / Siam, Bangkok, Thailand 10330
ملعب التنس من الغرفة
المباني حولنا
فطرنا بالفندق انا واهلي والأكل كان لذيذ جداً
لكن مشكلتهم أغلب أكلاتهم فيها خنزير ، انتبهوا واسألوا قبل ماتاخذون اي شي
طلعنا من الفندق ( المنظر قدام الفندق)
اخذنا تاكسي متجهين لسوق الأحد ( يفتح يوم الأحد فقط )
وصلنأ Sunday Market
طفلة تغني حتى تعيش
كآن الجو حآر جداً واخذنا بيبسي مع ثلج ( ب 40 بات ) = 4 ريال
انتهينا من السوق ورجعنا الفندق نرتاح شوي ،
طلعنا أنا وأختي مجمع جنب الفندق ، ناخذ المصعد وننزل الباركنغ ومن الباركنغ فيه بوابه تدخلنا المجمع ( موقع الفندق كان روعة ).
تغدينا في ماك واسعارهم مثل الخليج ، الوجبة ب( 180 بات تقريباً ) = 18 ريال .
وتمشينا في المجمع
انتهى اليوم الأول ،

تقرير احلى من كذا ما فيه الله يهنيكم الوعد يوم10مارس2011

تسلم أخوي وان شاءالله تستفيد منه قبل ماتسافر ،

متابعين و تقرير باين عليه حلو وشامل

حجز اول المقاعد ~
ورحلة موفقة اختي ~
ومتابعين بصمت ^_^

البتول
تسلمين حبيبتي ، وان شاءالله الكل يستفيد منه ،

محمد المطيري7
حياك الله ،
اشكر لك متابعتك واهتمامك ،

بدايتج ممتازه متابعين معاج

( اليوم الثاني )
قمنا الصبح ومافطرنا لأن كان عندنا تحاليل وفحص شامل في المستشفى
توجهنا الى مستشفى
Bumrungrad International

رحنا للاستقبال في الطابق الرابع على ما اعتقد ،
خذنا ابلكيشن لنا كلنا ، وكل واحد كتب معلوماته كامله مع رقم الجواز وكل شي ،
ونقدم لهم الابلكيشن مع الجواز وصورونا بكاميرتهم حتى تكون صورنا في نظامهم ،
قدموا لنا بطاقات للمستشفى ، وتفاعلهم كان سريع وممتاز ،
وبعدها رحنا لطابق الفحوصات ،
كل شي كان مرتب ومنظم ، والاماكن مرقمة ومكتوب عليها بالعربي ،
كل مانخلص غرفة نلقى ممرضة تتنظر وتوصلنا الى الغرفة اللي بعدها ،
بعد ماننتهي من الاجرائات شاملة ،
فيه بوفيه فطور بعد غرفة الفحص الأخيرة ،
رائع جداً جداً جداً ،
نظيف وراقي ويقدم للمراجعين لأنهم مو فاطرين ، وعندهم جميع انواع الجرائد ولقيت جريدة " الشرق " القطرية بينهم ،
بعد ماخلصنا فطور ، انتظرنا في قاعة انتظار ،
وينادون كل واحد بأسمه على غرفة مُعينة حتى يشرح له الدكتور نتيجة الفحوصات والعلاجات الازمة ( النتيجة فورية ) ..
دخلت على الدكتورة ومعاي مترجم ، قالت لي نتيجة الفحص وتفاجأت أن فيني فقر دم وثلاسيميا وتكسر بالدم ..
قدمت لي العلاج الازم ، واستخدمته فترة طويلة يومياً والحمدلله من فترة رجع دمي طبيعي ، ولكن الثلاسيميا والتكسر موجود
المترجم التايلندي كان يترجم كل كلامها من التايلندي الى العربية ، واكثر المترجمين خريجين جامعة الأزهر ،
وكلامه بالعربية كان رائع ويتكلم بطلاقة ،
والمستشفى كان كلها عرب ، والارشادات بالعربي ، والمترجمين موجودين ،
ما حسينا بأي غربة أو مُشكلة ،
قضينا كل اليوم بالمستشفى تقريباً حتى العصر ،
عنوان المستشفى :
3Sukhumvit 3 , Bangkok 10110,
Tel : +66 (0) 2667 2525
http://www.bumrungrad.com
وفي اليوم الثاني اخوي راح واستلم جميع ملفاتنا مكتوب عليها التقرير بالتفصيل ، منظم جداً مع ملف من المستشفى ،
خلصنا ورجعنا الفندق نرتاح ،
وفي الليل رحنا ( السوق الليلي )
النايت بازار
اشتريت يمكن 20 تي شيرت منها لي وبعضها هداية تذكارية ، سعر التي شيرت : 100 بات او 90 مع الخصم = 10 ريال
اسعار الاشياء التذكارية من السوفنيرات روعة ،
من 3 ريال الى 15 ريال ،
محل الأقمشة ،
السوق الليلي ، عندهم ملابس ، تذكارات ، أقمشة ، تذكارات ، شنط تقليد ، شنط تايلندية وأكثر ..
قضينا كل الليل في السوق الليلي ، ورجعنا الفندق ،
انتهى اليوم الثاني ،