اشكر كل الاخوان الي استفدت من تقاريرهم لترتيب رحلتي انا وزوجتي وبنتي الي عمرها سنه و شهور
التخطييط جا متاخر لضروف العمل وصعوبة الحصول على اجازه ولكن الحمد لله قبل السفر بثلاثة اسابيع تمت الموافقه وبديت بحجز التذاكر ولقيت الانسب لي هي الخطوط المصريه وكانت قيمة التراكر بسعر تقريبا. الذهاب - - والعوده - - ولحسن الحض تم الاتصال بي من قبل الخطوط المصريه وتم تاخير الاقلاع الى الساعه صباحا بدل الفجر في نفس اليوم وصار الانتضار ساعه وحده في مطار القاهره.
خطة السير كانت الدمام - القاهره – فينا والعوده ميونخ – القاهره – الدمام
فينا ليالي وجلست في شقق دراق فالسنتر والشقق ممتازه جدا ما يعيبها الا مدخل المصعد والمصعد ضيق. المواصلات في فينا كانت بالميترو فقط ولا انصح باستاجار سياره فيها. فاليوم الخامس من الرحله الصبح رحت مشي لمكتب هيرتز لتاجير السيارات وكنت حاجز سياره لمدة يوم واستلمتها وتوجهت لسالزبرغ وسكنت في فندق بست وسترن 4 نجوم ليالي المدينه حلوه بس الفندق بصراحه كان سيئ ولا فيه جوده وماانصح به اطلاقا وسبب حجزي له كان بعيد عن السنتر ومواقفه مجانيه وفيه بلكونه وحديقه. بس زي ماقلت مااعجبني.
بعدها توجهت لكابرون وسكنت ليالي في شقق كابرون رنتال وكانت الشقق ممتازه وفيها بلكونتين ودورتين مياه ومطبخ ونضيفه مره. بصراحه كابرون من افضل المناطق الي سكنت فيها هاديه مره والشقه مطله على الجبل والمدينه.
بعدها توجهت لميونخ ليالي في فندق الشيراتون ارابيلا نجوم فالكلوب بصراحه فندق ممتاز وانصح به بقوه موقع وقيمه ونضافه وخدمه.
في اخر يوم تم الذهاب للمطار الساعه ونص من الفندق وعبيت بنزين من محطه قريبه من المطار وسلمت السياره ورحت لصالة المغادره والحمد لله انا اكتب هذا التقرير بجوالي وزوجتي وبنتي نايمين بجنبي فالطياره
بالنسبه للسياره كانت اوبل استرا بوكس وكلفت مع ضريبة الترجيع في بلد ثاني الي هي يورو وقيمه البنزين وكنت اعبي فل ب ريال والسياره مشيتها تقريبا كم
تحياتي
بالنسبه للاماكن الي زرتها في المدن المذكوره هي السنتر والا ماكن الي اعجبتني من تقارير الاخوان السابقه
فينا اعجبني فيها السنتر ماتمل من الجلسه والتمشي فيه
سالزبرغ السنتر + حديقة الحيوان
كابرون اعجبني الهدوئ والمرتفعات والتزلج على الجليد والبحيرات
زل ام شي حلوه بس يوجد بحيرات افضل منها خصوصا انها مستهلكه وكثير فيها العرب
ميونخ اعجبني السنتر بالنسبه للتسوق مافيه فرق عن السعوديه !! كل الماركات موجوده بالسعوديه ونفس السعر والجوده واحيانا يكون عندنا ارخص ! حسيت ان فيه مبالغه من ناحيه التسوق في ميونخ !!
بالنسبه لصالة البي ام دبليو في ميونخ كانك داخل صالة عرض الناغي بس الفرق انها اكبر وفيها لمسات دعائيه انصح بزيارتها مع الاولمبك بارك يكفيها ساعه
جميع الفنادق كان الفطور فيها مجاني بس ما افطرت الى في اخر يوم لاني اضطريت اقوم الساعه وهذا كان بدري لا تنسون ان السفر للراحه
سامحوني على القصور
تحياتي