بسم تعالى
راح اذكر لكم في موضوعي هذا ان شاءالله تقرير رحلتي لكل من بلجيكا و هولندا

• * ملاحظه :- اتمنى من الاخوه الاعزاء الخبرين بتصغير الصور يعلموني شلون اصغر حجم الاصور لعرضها لكم ان شاءالله

بداية كانت السفره من تاريخ 982008 حتى تاريخ 1982008 سريعه وخفيفه
والجدول كان من تاريخ 108 حتى 138 في بلجيكا واقمنا في فندق راديسون ساس ببروسل
ومن تاريخ 138 حتى 178 في هولندا في فندق سويس اوتيل بدام سكوير
ومن تاريخخ 17 حتى19 في فندق شيراتون بروسل
+ حجوزات التذاكر واسعارها
حجزت التذاكر عن طريق موقع طيران الاتحاد في بداية شهر 7
هذا موقع الاتحاد للطيران http://www.etihadairways.com
وطبعا حجزته دايركت لنه شفته ارخص من السفريات وخدمتهم وايد زينه
انا حجزت تذكرتين لي وللمدام وطلعوا علينا 526 دينار كويتي مع الضرائب وكل شي
بحدود اتوقع 1800 دولار اكثر او اقل بشوي
+ حجوزات الفنادق
حجزت الفنداق عن طريق موقعها الاصلي الا فندق هولندا وما انكر
اني كنت كل يوم ادش موقع Booking.com
شفت الفنادق وكنت بحز عن طريقه بس باخر لحظه خذيت اسم الفنادق ودشيت على موقعهم الاصلي عشان ارتاح نفسيا والحجز يكون دايركت من غير وسيط , اللهم فندق سويس اوتيل الي اب امستردام حجزته من موقع بوكينق دوت كوم
اليوم الأول ***
كانت رحلتنا بتاريخ 98 رحنا مطار لكويت الدولي الساعه 6 ونص وطارت الطياره ساعه 8 ونص متوجهةة الى مطار ابو ظبي الدولي
وصلنا مطار ابوي ظبي وقعدنا ترانزيت اتوقع 4 ساعات
بصراحه مطار ابو ظبي تحت الصيانه وتعبناو ايد فيه معنى بالليل وكان وايد زحمه وملل ولونه من داخل ازرق مو شرح يقمت القلب وضيج صغير
توجهنا انا والمدام الى فندق المطار عشان ناخذ غرفه ونريح فيها بس للاسف الشديد الغرف كلها فل
ف قالنا موظف الاستقبال تقدرون تقعدون بلوبي وبالغنفات المريحه وتاكلون وتشربون بالاكل املوجود اب بلاش فقلنا ماكو مشكله ونسيت جم خذا اتوقع 70 دولار على الشخصين
وصلنا الى بلجيكا الحمدالله يوم الاحد تاريخ 108 الساعه 7 صباحا
وتوجهنا عن طريق التاكسي الى فندقنا درايسون ساس الي كان يبعد تقريبا 10 الى 15 دقيقه بالسياره
وخذا منا التاكسي 43 يورو
الفندق كان يبعد 400 متر عن لقراند بلس ويبعد 400 متر تقريبا ايضا عن الستي دو
واخترت الفندق هذا بعد ما كنت حاجز قبله فندق رويال وندسور وكنسلته , لانه بنيانه يديد ومن داخل شرح وراقي واهم من كل هذا ان في انترنت وايرلس بالغرفه ومجاني ايضا لنه احتاج الانترنت نوعا ما بشكل يومي , وسعر الفندق كان من تاريخ 108 حتى 138 ب402 يورو بالكمال والتمام شامل الضريبه
وانواع الغرف عندهم غرفه الستاندر العاديه و البزنس كلاس والبزنزس سعره ما يفرق باليوم الا تقريبا 25 يورو
خدمتهم كانت وايد راقيه وفوق هذا نقذوني اول ما وصلت الغرفه وبصلي اكتشفت اني ناسي البوصله وما يبتها معاي وتوهقت مادري وين مكان القبله , بس الجماعه ما قصروا عطوني اوراق بالجيك ان ويوم تصفحتها حاطين مخصصين غرفه حق الصلاة وفيها سجادات صلاة وقرآن وفوق هذا مكان القبله ومكان المصلى ام غرفة الصلاة بالطابق السادس غرفة 602 ومفتوحه 24 ساعه , فتوجهت هناك وعرفت مكان القبلة
بلاضافه الى ذلك الرووم سيرفس مالهم كان جيد جدا وخدومين وايد وشكلهم يحاولون يستقطبون السواح العرب والاسلاميين لنه مسوين بروشرات وتعريف عن الفندق وخدماته باللغه العربيه ومخلين شخص كونسيرج يتكلم عربي ومأكولات عربيه حمص وفتوش وغيره من انواع الاكل بلاضافه الى الشيشه
وكانت رحلتنا في اليوم الاول لاكتشاف المدينه والامكان الي حوالي الفندق طبعا كان ذلك بعد ما خذينا قسط من الراحه وبدت رحلة الاكتشاف الساعه 3 الظهر خذينا الخريطه وقلنا نبي نشوف ونروح لقراند بلس الكونسيرج ما قصر وصفلي المخريطه الطريج واخوكم بذاك اليوم خذا تور ماكو مثله ضعنا تقريبا من الساعه 3 حتى الساعه 7 مشينا مشي ماعمرنا مشيناه كل الامكان السياحيه وصلنا لها مشي وطبعا عن طريقه الصدفه وقلنا ما ورانا شي اهم شي ديره امان نمشي ونصور ونستانس وصلنا صوب لقراند بلس وعدينا وصوب القطار وصوب القصر الملكي مالهم مادري شسمه وصوب متحف السيارات وشارع لويس افنيو حتى وصلنا مكان فوق جسر صرنا نشوف الاتوميوم من بعيد ... الحين تعبنا نبي نرجع الفندق شلون وين طريجنا نمشي وندش بين حواريهم ومكان مافيه سواح ماندري وين نروح بالصدفه شفت يمي فندق رويال ونسدور ومن بعدها خذيت تكسي صوبا وردينا الفندق الي احس راعي التكسي وده يضحك علينا لنه الطريج لي فندقنا بسياره ماخذا اكثر من 4 دقايق او حتى 3 دقايق وخذا منه 14 دولار شلون مادري معنى بعد العشر ايام والخبره القليله اكتشفت ان سعر الكيلو يورو واحد تقريبا مادري شلون قالنا 14 نصب علينا نوعا ما
طبعا هذي الامكان والعديد منها شفناها كلها بيوم واحد
وانا ياريت اتعلم شلون اصغر الاصور واوريكم الاصور الي انا مصورها بكامرتي لنه فيها اصور كل مكان رحلته احسن من الاصور الي اطلعها لكم من قووقل
وبعد هذا التوور الي انا كنت القايد ماله ريحنا بالفندق ودشينا منتدى العرب المسافرون عشان نشوف ونسوي جدولنا حق ثاني يوم
ولا انسا قبل لا ينتهي اليوم الاول رحنا سينما نشوف فلم وكانت السينما قريبا من الفندق وقريب من الشارع الي يوصل الشيراتون بختصار السينما مقابل فندق متروبول بالظبط
قصينا التذاكر ودشينا صالة العرض الي كانت مجلكمه وناعمه ودعاياتهم ما شاءالله الي ما تخلص وصكوا على دعايات ربعنا يمكن 30 ساعه او 25 دقيقه بس دعايات وخاصة دعاية كولا مسلسل بروحه
طبعا الفلم نسيت شنو اسمه كان ممل وخيالي والاخوان البلجيكيين ما قصروا كل واحد ورفيجته او زوجته كبلز والي يمي ماخذ راحته بشكل مو طبيعي لي درجة انسدح على الكراسي وريله شوي وتصير صوبي وطبعا بعد ما خزيته جم خزه يعني يا بو الشباب احترم نفسك زين حس بنفسه ونزل ريله
ما كملنا الفلم وطلعنا منه لنه خيالي ونوعا ما بايخ قلنا نروح نتعشا كملنا صوب فندق الشيراتون لقينا مطعم بيزا هت نبي نفتحه ولا طلع مسكر وكان في واحد افريقي يم الباب قال يسكر الساعه 10 حظ اوفر وحاول مره اخرى كملنا سيده ولقينا مطعم عربي واتوقع مغربي قعدنا وطلبنا منه المنيو والي كانت نوعا ما شكل الاصور ما يشجع المنيو ماله مصور الاكل وعارضه مو حاط مقاديره وجذي
بصراحه انا ما تشجعت اكل وما اشتهيت اكله وخليت المدام تطلب طلبنا والمدام الحمدالله كلت طلبنا كنافه وطلعت الكنافه مالتهم بس شيره من غير لا جبن ولا قشطه ولا شي
على العموم انا المطاعم العربيه او الي يشتغلون فيها عرب وخاصه بالدول الاوربيه والاجنبيه ما ارتاح لهم وماحب اكل من عندهم ماحس براحه بس لضروره احكام ومرات الواحد يشتهي ياكل لحم حلال فيضطر يروحلهم
وردينا الى فندقنا العزيز ونمنا وانتهى يومنا الأول على خير
قبل ما اختم الجزء هذا من التقرير اتمنى من اي واحد من الاخوه بس يدزلي رساله يعلمني شلون اصغر لصور عشان اعرضها لكم
وشاكرلكم