من سنوات وانا اتمنى ان ازور المغرب
والكثير من اصدقائي قالوا لي اني ااذ مارحت لها فكأني ماسافرت ..
رغم اني سافرت لدول عربية وشرق اسيوية الا انهم لم يعترفوا بها ..
وكنت احلم دائما بالسفر لها لكن مايعوقني اني مالقى صديق يخاويني
لين ذاك اليوم وكانت احدى ليالي شهر رمضان اللي قالي فيه صديقي وقريبي انه يتمنى يسافر اي مكان
قلت له انا خويك بس انتظر .. انا توني جاي من اندونيسيا وانتظر لين نهاية السنة
وافق على مضض
بعد فترة شد وجذب وبالاسبوع الاول من شهر ديسمبر 2007 كلمته وسألته انت بتسافر قال ايه
قلت وين ؟
قال مدري .. قلت شوف .. فيه 3 خيارات قدامك .. الاولى لبنان بس الوضع هناك سيء
قال خلها .. قلت الثاني اوروبا ..؟
قال برد .. لا ماتصلح
قلت بقت وحدة .. قال وشي .. قلت المغرب .. قال قدام
قلت له انت رجال صامل .. قال ماني رجال اذا رجعت بكلمتي .. قلت تم ..
رتبنا امورنا وقدمنا اجازانتا وشرى هو ملابس لانه مو حق سفريات مثلي على طول جاهز
وبعد شد وجذب مع المكاتب خذينا حجز طيران في 28 من البحرين على ابوظبي ومن ابو ظبي على كازابلانكا من طيران الاتحاد ب 2730 ريال .
كلمنا سواقنا هناك وقلنا له احجز لنا شقة بالنخيل وارسلنا له 2000 درهم .
وكل الامور كانت جاهزة للسفر
بقت مشكلة الايام .. وشلون تمشي الايام بسرعة ..
والحمدلله ماوعينا الا حنا بالطائرة متجهين لأبوظبي اللي وقفنا فيها 45 دقيقة ثم ركبنا طائرة كازا
كان شعورنا ماينوصف .. لاني من زمان كنت اتمنى اروح المغرب ..
خذينا بالطائرة ثمان ساعات وعشرين دقيقة.. وصلنا كازا صباح يوم 29 ديسمبر والنور توه يطلع
لمينا اغراضنا وطلعنا وكلمنا السواق ومن مطار محمد الخامس على طول على مراكش بدون توقف
خذينا الطريق الجديد اللي اثنين رايح واثنين جاي .. طبعا الرحلة استغرقت من 2.45 الى 3 ساعات
طبعا شفت مناظر ماتوقعتها .. حلوة حلوة بالزاف وقلت اصور للذكرى .. وعشان اتحسف بعدين :112:
وهذي بعض الصور من الطريق اللي بين كازا ومراكش .. ياحلو ذاك اليوم
طبعا حطيت الصور صغيرة واللي يبي يشوفها بالحجم الطبيعي يضغط عليها
هذي صورة وادي بس نسيت اسمه ..
وبالاخير الصورة اللي مافارقت ذاكرتي وهي عبارة الترحيب بالوصول الى مراكش
وهي احلى صورة عندي
طبعا الى هنا وابوقف .. لان وصولنا لمراكش يبيله جلسة وقعدة
اتمنى تعجبكم الصور والتقرير للحين .. والله الله بالردود .. لا تخلون اخوكم الصغير