. . بسم الله الرحمن الرحيم ، السلام عليكم ورحمة الله وبركاته . عزيزاتي و أعزاءي أعضاء ورواد العرب المسافرون هذا تقرير بسيط وممتع لرحلتنا العائلية الأولى خارج السعودية واللي كانت السنة الماضية 2013 < بدري تنزلي التقرير . . الصراحة ما كان في نيتي أنزل تقرير مرره ، بس أمس وأنا استعيد الذكريات وأقلب الصور افتكرت كيف أن الرحلة كانت سهلة جداً وميسرة ولله الحمد بسبب تخطيطي السليم لها ههه قبلها بشهر تقريبا، مع أني ما أخذت المعلومات التفصيلية الكافية وما وضعت جدول بالحذافير مجرد الأيام والأماكن .. بس الحمد لله كانت رحلة موفقة ولم تصادفنا مشكلة ولا عائقة .. وطبعا هذا التخطيط وهذي المعلومات كانت عن طريق النت ومواقع السفر والسياحة، وكان 80% منها من هذا المنتدى العظيم ، فحبيت أرد الجميل وأفيدكم وأمتعكم بهذا التقرير . . أول شي معلومات عن الرحلة : الأشخاص: عائلة مكونة من 7 بالغين و 2 أطفال ( 11 سنة + 3 سنين ) تاريخ الرحلة: الأحد 13 اكتوبر 2013 إلى الجمعة 25 اكتوبر 2013 الناقل : الخطوط التركية سعر التذكرة ( الطايف – اسطنبول – طرابزون والعكس ) للشخص البالغ: 1600 كانت رحلتنا فترة حج ومطار الطايف مطار اقليمي يعني يصير دولي في المواسم وكان سعر التذاكر مغرري ومناسب الحمدلله ، خصوصا أننا ما حجزنا بدري - قبل الرحلة بأسبوعين- . . وهذي شنطة السفر . . وماما الله يسعدها جهزت العزبة على قولهم : ( بن – هيل – بهارات القصيم – عصير تانج اكياس – اندومي – كليجه – معمول – رز – قدر ضغط – بكرج قهوة – حليب – وأكياس سكر وشاهي وكابتشينو ) وهذي أكثر شي استفدنا منها في اوزنجول ، لأننا استأجرنا شقة في كوخ بدون فطور .. . . يلا نبدأ الرحلة اتوجهنا للطايف على الساعه 1 الليل لأن رحلتنا كانت 5 الفجر ووصلنا المطار وكان فاضي وصغير ، وما فيه أحد غيرنا والمسافرين في نفس رحلتنا بس . . وانتظرنا واتقهوينا : . . الين وصلت المحروسة : . . . . وهذ صورة من الداخل: . . الطياره كانت صغيرة وما فيها وسائل ترفيه، اتوقع لأن الرحلة كانت أقل من 5 ساعات بس أكلهم كان لذيذ . . . . . لا تسألوني ايش الشي الأخضر لأني ما أكلته . . انطلقنا ولله الحمد ، وهذي صورة من الأجواء . . . . وطلع الصباح .. . . . . سبحان الله السحاب تحت الجبال .. وأهم شي طبعا إني جلست عند النافذه . . وبحمد الله وصلنا اسطنبوول . . واكتفي بهذا القدر ونكمل في الحلقة الجاية