- سعر التذاكر : 2 كبار - 2 اطفال : 7600 جنيه مصري (انا وزوجتي والطفلين)
- اليوم الاول 17 ابريل
- ودي صور المول :
موعد السفر : 17 ابريل الى 23 ابريل
الخطوط التركية : القاهرة - اسطنبول - القاهرة
سعر التذاكر : 2 كبار - 2 اطفال : 7600 جنيه مصري (انا وزوجتي والطفلين)
الاقامة : فندق هوليداي ان - اسطنبول سيتي - منطقة سور توب كابي - امام محطة ترام Pazartekke مباشرة
سعر الفندق كان 95 يورو في الليلة للغرفة المزدوجة من على موقع الفندق ولما وصلنا اخدنا upgrade سويت عشان معايا العضوية البلاتينية لسلسلة الفنادق وكمان بسبب العضوية الانترنت مجاني 24 ساعة ولغير الاعضاء ب 10 يورو في اليوم تقريبا.
الطيارة وصلت 6 الصبح والخروج من المطار كان سريع جدا واخدنا تاكسي للفندق ب 25 ليرة
تم الوصول الساعة 7 الصبح واخذنا الغرفة علي طول –ونمنا شوية صور الفندق :
اليوم الاول 17 ابريل
زيارة سريعة لمنطقة السلطان احمد - ميدان تقسيم و شارع الاستقلال - جواهر مول
الساعة 11 ركبنا الترام لمحطة السلطان احمد و بعد كدة ركبنا المترو تاني لمحطة كاباتاش وبدلنا بالمترو محطة واحدة لتقسيم. اتمشينا شوية في شارع الاستقلال و حولنا الفلوس من هناك – بس لقينا المحلات هناك غالية اوي و فيها فصال جامد – بس في نفس الشارع محل MANGO كبير و فيه اوت ليت في الدور اللي تحت. ولانه كان يوم الاحد فالشارع كان زحمه جدا
رجعنا تاني للمترو وروحنا جواهر مول , مول كبير اوي بس اسعاره مش رخيصة
ودي صور المول :
اتغدينا في مطعم اسمه Bay Sultan تقريبا طبق كباب اسكندر و طبق كفتة و طبق بطاطس وكان حسابه حوالي 35 ليرة و بعد كدة قعدنا في مادو ناكل جاتوه وشربنا عصير و كابوتشينو (بصراحة المحل ده تحفه ولازم اي حد يروح اسطنبول يروحو )
بعد كدة اتمشينا شوية في المول ونزلنا السوبر ماركت اللي تحت جبنا شوية حاجات و كانت الساعة بقت تقريبا 10 بالليل وتعبانين اوي فاخدنا تاكسي على الفندق على طول.
اليوم الثاني :18 ابريل
تسوق في منطقة مارتر – مول اوليفيوم اوت ليت
صحيت الصبح ونزلت اتمشى حول الفندق ولقيت قدامه على طول سوبر ماركت كارفور اكسبريس جبت منه شوية حاجات ورجعت
بعد كده نزلنا عشان نروح سوق منطقة مارتر
بالترام الى محطة Zaytenburnu وبعد كدة بدلنا وركبنا المترو في اتجاه اكسراي محطة واحدة ونزلنا في محطة مارتر.
السوق حلو جدا واسعاره ممتازة وفيه كل حاجة بس عيبه انه في محلات كتير بتبيع جملة فقط. واشترينا منه حاجات كتير اوي
ملابس اطفال و حريمي و جينز.
بعد كده كنا تعبنا من المشي فاخدنا تاكسي الى مول اوليفيوم اوت ليت ب 7 ليرة
اول حاجة اتغدينا في مطعم اسمه HD ESKANDER (كباب اسكندر) وكان سعر الوجبتين حوالي 20 ليرة
نزلنا من المطعم كملنا تمشية في المول وعلى فكرة ده اكثر مول عجبني واسعاره حلوة اوي في الماركات
كملنا المشتريات وكان معانا حاجات كتير فرجعنا للفندق بتاكسي
وانتظروا باقي التقرير
في انتظار باقي التقرير
بس سؤالي هل من الافضل استئجار سيارة خاصه في إسطانبول ام استخدام المواصلات العامه زيك ؟!؟