وصلت المطار الساعة 8.30 يعني قبل الرحلة بحوالي ساعتين ( مطفوق خايف تروح علية الرحلة ) و سعدت بتصال من اخوي زخ مطر يودعني و يتمنى لي رحلة سعيدة ( الله يصبرك و ينولك الي بالك انشالله ) .
لو تشوفوني يا شباب الحين في جالس في المطار الملك فهد باالدمام انتظر الطيارة و معي قارة الهند و مجاورها المشكلة انا الطيارة لازم تمر ابوظبي قبل ما تطلع الى كازا و مؤظفين المطار يمرون علينا و يصرخون علي يحسبوني مثلهم بس الحمدالله شايل معي مسبحة عشان يعرفون اذا مرو على افرها قدامهم عشان يعرفون اني عربي عاد لو تشوفوني الحين كاني شايب اردني لابس بدلة كاملة و كرفتة J . صعدت الطيارة الساعة 10.30 و طارت الطيارة الساعة 11.15 يعني كا ن في تاخير حوالي نصف ساعة و وصلنا ابوظبي الساعة 12.00 بتوقيت الامارات و على طول طيران لان ما كان عندي وقت لان الترانزين في ابوظبي حوالي 45 دقيقة فقط افضل من الخطوط الاخرى الي خمس ساعات و على محلات الصرافة نيشان عشان اصرف كم درهم عشان المطار في كازا وبعد كذا على بوابة السفر الى كازا ولما طلعت الطيارة تفاجئت انا الطيارة فاضية ماهي مثل ما يقول مكتب الخطوط انها مليانة و كنت مبسوط لاني باخذ راحتي في الطيارة و اولا ما جلست في المقعد استسلمت الى النوم ولا صحيت الى على ريحت الاكل ( دب خايف يروح علية الوجبة J ياشباب لاحد يخلي المارس الي مع الوجبة و الي ما يبية يخلية لي ) وبعد الاكل جلست اشاهد الفلام الموجودة التي لم تكون بذالك المستوى و فجاءة و انا اشاهد الفلام تفاجائت بانا انوار الطيارة تغيرت الى انوار غرفة نوم رومنسية جدا تمنيت اني لو كنت شاعر عشان اكتب قصيدة في هذا الجو الرمنسي J بعد كذا رجعت انا لانا كان باقي على الرحلة حوالي 7 ساعات و بعد خمس ساعت نوم عميق صحيت على انوار روما الايطالية الجميلة استغربت على اني نمتي كل هذا الوقت بس بعد ما شفت انوار روما عرفت انا قريبا نصل الى درة العالم و كنت اتمنى انكم معي في هاذي الحظة لكي تشعرون بنفس الشعور الي انتابني في هاذة الحظة و في اثناء كتابتي هذا الكلمات يعلن قائد الطارة عن ربط الحزمة للهبوط الى مطار محمد السادس وسوف اكمل تقريري بعد الخروج من المطار انشالله.