- :smile002:
:smile002:
:7: قاعد ادور لكم تصريفه على نومتي الطويله ذي عاد مالها عذر كافشيني :3: اكمل القصه لكم المهم يوم اني قمت من النوم واناظر الساعه وانا منقلب راسي ما دري وش السالفه مدري ويني فيه انا احلم نسيت احسبني في بيتنا:biggrin: قمت اضحك كني مهبول واثر الساعه وحده ونص ليلا قلت (ما بدهاش) اعلمكم ان ثقافتي مصريه الحاصل اني نزلت وادور اخوياي ما لقيت احد والبيت مظلم الحقيقه ( خفت):shocking: قلت وين راحو ذا الخبول وقمت اسب وقلت وش ذا الخوه بعدها قمت اصايح على الشغاله:5: ولا سمعت لها رد ودورت في جميع الغرف ولا لقيتهم وانزل مع الدرج بشويش طبعا ماهو اتكيت بس عشاني خايف (مرتاع) نسيت اقولكم اني اول مره اجي هالفله يعني ما اعرف خفايها وانزل درجه درجه الين جيت الصاله وبرضه هجده والمجلس كذلك واذكر اني اول ما جيت شايف غرف تحت ورحت لها وافتح ذاك الباب وانا خايف يوم سمعت صرخه قويه جماعيه يقول فيها اسمى(هديف) علي بالهم بيروعوني وزعلت صارو سامعيني وانا بنزل من فوق قالو خلينا نخوفه وتهاوشت معهم :120: ورفيقكم حبيب على طول رضيت تخبرون الا نفس هناك زينه واسئلهم عن العشا:222: وحطو هاك العشا طبعا لا يغيب عنه حبيب المائده ( الرز) عليه هاك اللحيمات حقت الطلي اللي الظاهر عمره شهرين والرز مرشوش عليه سمن يعني النكهه اه بس منها خصوصا هناك يا زينها :121: ويوم خلصنا تقهوينا الاتاي بعدها تسحبو ربعي كلن راح لغرفته ونا ما فيني النوم قلت اطلع فوق :icon_stud واقراء كتاب الين جاني النوم ونمت 000 وسبع وانا قايم حشا رايح للدوام وانزل تحت والناس كلهم نايمين ولا حبيت ازعج احد وزبطت ذيك القهوه واقعد اتفنجل في المجلس قلت اغير المكان وطلعت في الحديقه جو يرد الروح بس انه برد شوي :11ld: ايه بعدها افطرنا .(سفره الخير).......... ورحنا نتمشى في الكورنيش ( اللاكوت) على طاري اللاكوت اذكر اني في ايامي الاوله لزيارتي للمغرب ما كنت اعرف وش يقولون وقمت اتعلم شوي وحفظت بعض الكلمات اذكر جاني واحد شحاذ صغير عطيته المقسوم يوم قام يلاحقني قلت له ( زيد) ويلحقني واقول زيد ويلحق انا احسب ا( زيد )يعني ابعد او وخر يوم قلت له وش تبي قال انت تقول زيد يعني امش معي وانا احسبها (وخر)) .. ووخر هذي لها سالفه اذكر اناي كل ما قلت لا حد هنا ك شي قالي وخا كلمابغيت حاجه قالو واخا وانا ابعد عنهم واقول لخويي عن الموضوع قام يضحك علي قالي عن معناها نقدت على نفسي ايه ما علمتكم عزمنا مره في كافيه واقوم البس هاك اللبس:kashkhah: طبعا المغرب تتميز بالكافيات الفخمه مره والراقيه وانا منحوس ومقرود يوم تو النادل حاط الطلب وانا اغني اغنيه ماجده الرومي ((((ذوب في الفنجان قطعتين((( على بالي وارفع الفنجال ومدري وش اللي لفت انتباهي والتفت وينكب الفنجال على قلت الله لا يعيد ذا القهوه وصار شكلي محرج :icon_cycl واناظرهم بعين وحده مستحي ضحكو علي شوي ومسحت نفسي وانتهي الموضوع على خير *هذا اللي انا توقعته طبعا نسيت اقول اسم الكافيه فينيسا اللي جنب التوين سنتر = طبعا كلمنا السواق عشان يجي ياخذنا انا قلت بغسل اجل قالو طيب دخلت اغسل والمغاسل في الدور الثاني اول ما تطلع الدرج على اليسار نزلت وادور:sofa: ربعي في طاولتهم ما لقيتهم قلت وين راحو مو معقوله انهم مشو . طبعا نسيت اقوللكم اني ما جبت الجوال من القراده قلت ماله داعي مادام ان الربع معهم تلفون وانا مالي حاجه فيه واصلا كان بالشاحن((( طبعا اللي حصل مع الربع ان واحد منهم فهم مني غلط اني بروح للبيت والغبي يحسب اني في شارع التحليه عند اهلي ومعي سيارتي طبعا هو التنكه فيينا بس طيب ورحت ادور حل قلت انا اعرف اسم الحاره والقط تاكسي واقول رح لغاندي قلت اذا جيت الحاره بعرف البيت على بالي دليله ((قارمن)) جهاز تحديد مواقع وادور ومليت قعدت ساعتين ادور واللي ذبحني اني ماعرف ارقامهم لانها مخزنه بالجوال . اخوياي رجعو البيت مالقوني سالو الشغالات والحارس قالو ما شفناه هم خافو واالحمدلله انهم كانو ذكيين قالو بنرجع للمكان اللي حطيناه فيه انا الهمني الله اني ارجع لنفس المكان قلت اكيد بيجون ويدوروني يوم جيت والقا واحد منهم واخمه كني لي عشرين سنه ما شفته :m12: ورحنا للبيت وكان يوم جميل من بدايته نكبه قلت الظاهر انها عقوبه الله في صديق اخوي عاد انا تعبت وتعبتكم اكمل بعدين :smile001:
الله يقطع بليسك( يوم جيت والقا واحد منهم واخمه كني لي عشرين سنه ما شفته ) مادري لية الأحساس هذا فينا حتى اثناء وجودنا في دول عربية
أخي تمنيت ذكر موقع السكن وكم الثمن.... إلخ
بنتظارا لبقية