الحمد لله على السلامة
كم غرفة يالغالي

مشكور على ردك يا كواليتي وبنسبه للغرف في كل فندق او منتجع 3 غرف مع سرير اضافي في احد الغرف
اليوم بنكمل لكم تقريري عن كيرلا بقدم لكم نصيحه أو بعض المعلومات لكل من أراد القدوم إلى كيرلا وبعض هذي النصائح تم ذكره بعض الأعضاء في السابق وهذى نصائح تعبر عن وجهتي نظر ليس بإلزام
1- كيرلا أنصح للي يبي يروح لها انه تكون شباب أو يكون واحد ويا زوجته ولا انصح به العوائل وخاصة الأطفال .
2- الأشخاص لي متعودين على رافاهيه وعدم الاستغناء عن الخدمات لا أنصح بذهابهم .
3- انصح لكل من أراد الذهاب إلى كيرلا أخذ معه عزبة الطبخ لأنه أذا ماجازله الأكل تقدار تطبخ وهناك متوفر عندهم التيوس والدجاج .
4- أخذ معك بعض من النواشف وخاصة الجبن السائل لأنه لا يتوفر في الهند جبن وانما عندهم الجبن شبيه لم الزبده وهذى ماشفته في جميع فنادق كيرلا أخذ معك بعض من المعمول أو التمر .
5- كيرلا لا يوجد فيه ألا مول واحد كبير ويقع في كوتشي ويوجد في المول سوبر ماركت كبيره ولذلك على كل من أراد أن يتقضا ويشتري حاجاته يخذه من ذا المول قبل الانطلاق إلى المناطق الاخرى معلومات عن المول يوجد فيه مطاعم ممتازه ويوجد فيه مطعم عربي ممتاز انصح به ويوجد في كيرلا مول اخر كبير بس انه قريب الافتتاح ويوجد في المول هذى مطعم كنتاكي تم افتتاحه قبل الوصول بشهرين تقريبآ .
6- أخذ معكم بخاخ للبعوض وبعض العلاجات شعبيه والخلاطات على انه يوجد عندهم صيدلية في كل المناطق ويوجد فيه علاجات تم تجربه ولا أحسن منها
7- ومن ناحية الجو وما يناسبه من ملابس في كوتشي الجو حار اذا كانت شمس طالعه اما اذا كانت غائمة ولا أحسن منه
أما في مونار الجو بارد فأنصح فقط بأخذ جكيت نوع جلد ضد المطر أفضل و قبعه اما باقي المناطق الجو فيها عادي.
8- الشعب الهندي شعب طيب وحبيب وخدوم ووده يرضيك بأي طريقه بس ما يعاب عليه في عملية التفاهم يبيلك شوي تزن عليه لين يفهم وش تبي وبعض الأوقات يرفع ضغطك في تسليك ولذلك الافضل لك تكون مبرد الاعصاب معها واذا عصبت عليه يخاف ولايعرف وش يسوي بس يبقى شعب على النية ولا يوجد فيه أي خبث ومن ناحية الأمن فأنه كأنك في سعوديه لاخوف عليك وأنا جربتهم بنفسي قاعد اتمشا في سوق مونار في ليل ولا احد ناظرني أو حاول يسرق .
9- من ناحية الدين فأنهم ينقسمون إلى مسلم مسيحي هندوسي بس لا يوجد فرق بينهم ولا يوجد بينهم حساسيات ويوجد كثير من المساجد والكنايس ومعبد الهندوس بس أكثر ما شفته عندهم الكنيسة مثلا موقف صار لي في الهند شفنا مسجد ووقفنا فيه للصلاة الظهر والعصر جمع المهم يوم خلصآ من الصلاة جاء السواق وقال تبرعوا للمسجد طبعآ آنا استغربت بسبب أن سواقآ دينه الهندوس المهم صار المسؤال عن المسجد قاله قلهم يتبرعون .
10- انصح بكل من أراد ذهاب الى كيرلا الاتفاق مع مكتب سياحي ويكون المكتب من كيرلا لأنه راح يوفر عليه الفلوس والتعب لي راح يواجه بسبب أن المكتب سياحي له سعر خاص وأنت يسايح لك سعر مرتفع بشكل قوي يعني انا في احد الفنادق
سئلت موظف الاستقبال بكم الغرفة للشخصين قالي 4500 ربيه وبعد الخصم4000 ويوم جاء وقت الخروج من الفندق شفت السعر الحقيقي المدفوع 2500 ربيه للغرفة وأنصح لكل من أراد الاتفاق مع مكاتب سياحية ان يبحث عن مكاتب لم يتم التعامل معها من قبل سعوديين مثل مكتب جهاد أو شمس دين في الأسعار المبالغة جدآآ مثلأ مكتب جهاد قالي 18000 ريال ولا وسيارة نوفا تويوتا صغيره وانا انشالله راح انزل لكم قائمة اميلات فيها جميع المكاتب السياحية في كيرلا كما فعلت راسلت حوالي 20 مكتب سياحي وتم في الاتفاق في الأخير على 5 مكاتب سياحية وبعدين تم مناقشته بتفصيل وفي الأخير خذين واحد ولا أحسن منه في التعامل وصدق في كل ما قاله لي في الاميل و الفنادق والمنتجعات وسيارة
المهم في نهاية الحديث انتظروني في الباقي وهو راح يكون بداية خطة رحلتي في كيرلا وصوره الأكثر من رائعة
المعذرة كان في أي خطاء أو نقص

الحمدلله على السلامة ,,,
معلومات قيمة وجهد تشكر عليه خاصة في عناوين المكاتب السياحية وعدم الإقتصار على اثنين فقط..

معلومات جيده وقيمه اخوي يعطيك العافيه

اكمل فالتقرير من بدايته جميل

مشكور اخوي على الرد وانشالله اول ما احمل صور راح أنزل التقرير

اليوم ببداء الانطلاقه الفعليه وعرض الصور عن كيرلا جنة الله في ارضه وصدق كل من قال هذي المقوله
اليوم الاول الوصول الى مطار كوتشي تقريبآ ساعه 6 صباحآ ثم بعد ذلك اجراءات الجوازات ولا اسرع منها بعد ذلك أخذ العفش و ثم القيام بتحويل الفلوس وأنصح بتحويل الفلوس في الهند لأنه أسعارهم حلوه ومعقوله بس لازم تكسر راسه لأنه اول ما تجي يعطيك سعر مرتفع بعد كذا يخفض لك وكان سعر التحويل 12.15للريال ولا انصح بتحويل الفلوس في السعوديه بسبب كثرة حجم الفلوس وتنقلها معك
ولا يفرق تأخذ معك ريال سعودي او دولار كلها واحد بس كانك تبي نصيحه حوله دولار كلها اريح في الحجم
بعد ذلك توجه الى فندق المريدين
صور من الطريق

الوصول الى الفندق

ثم راحه الى ظهر وبعد توجه الى مول الكبير من اجل الغداء وتسوق ونشتري جميع احتياجاتنا في الرحله

بعد كذا توجه للفندق

في اليوم الثاني الفطور في الفندق والفطور لابأس فيه

بعد الفطور التوجه للشلالات اثربلي يتبع في .....

يعطيك العافية اخوي على النصائح الرائعة ..
ومثل ما قلت بخصوص المكاتب لأن جهاد حسين كان رائع ولكن أحس بعد الدعاية اللي صارت له وبعد توجه السياح للسياحة في كيرلا انكبوا عليه الناس وضاعت علومه >> مو انه صار يخطي لكن تعاملهم صار مو ذاك الزود وصار ينافخ عليك اذا بغيت تغير الفندق ولا تشتكي من شي .. فالأضل التوجه الى مكاتب غير معروفة أو على الأقل مكتب مو مشهور
متابعينك لا تتأخر علينا
كل الود
كواليتي

بعده توجه الى شلالات أثربلي
1
يتبع .................