- فعشان كذا أحتمال كبير ,, انزل قاموس " قصمنجي - عربي "
- بداية ثانيه غير اللي فوق بقدم شكري لعدد من الأشخاص
- وبس خلاص
- وبداية " غير البدايات اللي فوق " ماكانت السفرة في بالي أبدا ,,
- طق التذكره وادخل العرب المسافرون ,, وابدا التخطيط يالله ,,
- ,, بداية الرحله ,,
,, بسم الله الرحمن الرحيم ,,
بداية ,, اعذروني من االكتابه في الفصحى ,, لوجود مشاكل عائليه بيننا ,, يعني بحتسي عامي ,,
فعشان كذا أحتمال كبير ,, انزل قاموس " قصمنجي - عربي "
بداية ثانيه غير اللي فوق بقدم شكري لعدد من الأشخاص
- الأخ ,, ياخي إفهم ,, لسعة باله معاي ,, ولنصائحه
- الأخ ,, عقاب ,, لسرعة تجاوبه ,, وبالتفصيل الممل
- بنك الرياض ,, لانهم موظفيني ويصرفون علي
- ساحة الإستفسارات لسعة بالها ,, لأني كنت ضيف ثقيل عليها ,,
- التقارير الموجوده وخاصة تقرير The Programmer و Hesham
وبس خلاص
وبداية " غير البدايات اللي فوق " ماكانت السفرة في بالي أبدا ,,
ماخططت لها ولا شي ,, جت بمحض الصدفة ,, والسبب كان أن إجازتي السنويه في وقت أقل مايقال عنه أنه يشبه خشتي المملوحه ,, ولكن لعب في راسي احد الغاليين ,, وقال ورا ماتروح وحيدا ,, قلت هاه ,, وهالهاه كانت بداية التخطيط للرحله ,, ولكن نقطه ثانيه مابقى من اجازتي الا اسبوعين وشوي ,, ياولد وش السوات ,,
طق التذكره وادخل العرب المسافرون ,, وابدا التخطيط يالله ,,
واقولكم ,, كنت متخوف من الفكره ,, وخصوصا انها اول مره ,, بس ياولد ,, بياكلن العووا يعني ولا وشو ,, وابدا بديت انا واللي قالي الفكره نبحث وندور ,, وبرضه ساحة الاستفسارات ماقصروا والله ,, وانا والله وازبط جدول للرحله ,, اللي كانت عباره عن 12 ليله ,, ويوم للذهاب ويوم للرجعه ,,
,, الجدول ,,
الطيران من الرياض ,, وعلى طيران الاتحاد ,, يوم 19 ابريل ,, والعوده في 3 مايو ,, وكان سعر التذكره 2230 ريال عدا و نقدا
4 ليالي في Pattaya والسكن في http://www.accorhotels.com/accorhotels/fichehotel/gb/mer/5649/fiche_hotel.shtml ,,
4 ليالي في Phuket والسكن في الفندق المقلب http://www.phuket.com/patongpremier/ ,,
4 ليالي في Bangkok والسكن في http://www.bangkok.com/royalivorynana/ ,,
,, بداية الرحله ,,
كانت الرحله الساعه 4.30 فجر الخميس ,, قلت بخلي النوم بالطياره ,, ولكن باحتاج لي خوي وخصوصا اني بطلع من هنا لابو ظبي ,, وبجلس ساعتين في مطار ابو ظبي ,, وبطلع بعدها على بانكوك ,, ولم يكن صاحبي إلا اللاب توب و الايبود ,,
أقلعت الطائره ,, في وقتها ,, وماامداني اجلس واهوجس شويتين ,, الا وقال سواقنا ,, بدينا بالنزول وانا اتمطط ,, لان وراي ساعتين جلسه بالمطار ,, ومطار ابو ظبي صغير بالمره ,, وكنت ناوي اجلس وافتح لاب توبي ,, وادخل نت او اي شي ,,
نزلت اخذت لي قهوه ,, من احد المقاهي ,, واجلس بطاولتي وحيدا ,, مع صديقي المذكورين سابقا ,, ولكن مامداني ارشف قهوتي ,, الا ويسلم علي رجال ,, وعرف بنفسه " بو عزوز " وكان من " الكويت " ,, كان وحيدا وبدون صاحب ,, طبعا كان السؤال بعد التعرف ,, وين الوجهه ,, وطلعنا كلنا موجهين على نفس الرحلة الجايه ,, على بانكوك ,, وسألته عن الجدول ,, وكان نفس طريقتي ,, متوجهين إلى بتايا ,, ومع السوالف ,, عرفت انه رجال سنع ,, وسولفجي ,, وقرر هو من البدايه ,, اننا نكون اخويا ,, انا لما ارتحت له ,, رحبت بالفكره ,, واعذروني ياصديقي فقد وجدت من يرد علي سؤالي
