- بسم الله الرحمن الرحيم
- 1 فبراير :
بسم الله الرحمن الرحيم
احييكم واتمنى ان اكون موفقا لكي انقل لكم صور ووقائع جميله وتشد انتباهكم من ناحية التجاره والسياحه والاسعار بالتفصيل بعدما وجدت ان موضوع الاسعار دائما هو الاهم من ناحية الاسئله المتكرره من الاعضاء ومني شخصيا :
اردت ان اكتب يومياتي من واقع الحدث اذا سمحتم لي واوعدكم بالتقارير الدسمه باذن الله والصور الي تتكلم عن نفسها راجيا بذلك رضى الله عز وجل ثم افادة الجميع علما باني يوميا احتاج الى توجيهاتكم وسوف اشاوركم ونخوض التجارب معا واتيكم بالاخبار وباذن الله تكون جميله وحلوه وموثقه
بالصور وبسم الله توكلنا عليه :(ملاحظة سوف تكون الاخبار على السليقه ولن اتكلف ابدا اهم شي اوصل المعلومه )
المعطيات :اولا : اول مره اسافر لصين ولوحدي ومحتاج مساعدتكم اليوميه والمتابعه تكفون
ثانيا : الرحله من 1 فبراير الى 10 فبراير
ثالثا : سبب الرحله طلب الرزق ومحاوله ايجاد افاق جديده في عالم التجاره
رابعا : الطيران الخطوط السعودية رياض كوانزو رياض
خامسا : فندقي لكل الرحله في فندق يكسيو 4 نجوم بحي اكسيو قريب جدا من المنطقه العربيه وهاذا عنوان الفندق وعن طريق موقع اقودا للفنادق
http://www.agoda.ae/asia/china/guangzhou/yuexiu_hotel.html
السعر لليله 260 ريال الفندق جدا نظيف وجميل وموقعه امام حديقه رائعه جدا
1 فبراير :
وصلت المطار بعد تاخير ساعه ونصف في الرياض الساعة 12:15 ظهرا والحمد لله على السلامة كانت الرحله مدتها فقط 7 ساعات ونصف طبعا غريبه لكن المسار ف الذهاب 7 ساعات ونصف من فوق البحرين والعوده اكثر من 9 ساعات سالنا ليش قالو في الذهاب نختصر الطريق والعوده من جنوب عمان وفيها تمغيط شوي الله يعين اهم شي نوصل بالسلامة
وصلت الفندق ودخلت والموظفين رائعين بس ادنى جمله انجليزيه مكونه من 3 كلمات يروحون في داهيه مره الانجليزيه عندهم ميح والله يعين بس يفكون الخط والمشكله ان كل واحد صيني يعرف شوية انجليزي يخلط الصيني بالانجليزي بالهجه الصينيه الي كلها نفخ ونرفزه وبعدها والله ما تعرف اش يقولون
يمكن اول يوم كان صعب شوي نشوف الى بكره وبعده باذن الله تتسهل اكثر من ناحية اللغة علما بان لغتي الانجليزيه ربع 25% فقط
سافرت ماليزيا وتايلند والفلبين سريلنكا كلها كوم والصين كوم اخر ناس مالها علاقه باحد هاذا احساسي الى الان وكل واحد حاله في شانه ولا يمكن يبتسم ممنوع من الابتسامه
طيب انا ابتسم لهم كلهم هل اوقف عن الابتسامه ؟
الافارقه مملين الدنيا وياويل اي عربي القاه في الطريق اوقفه واساله واتعرف عليه وكل واحد يروح لحاله طبعا هاذا في اول الرحله الى ان الله يفرج لي وييسر امري وانطلق من حالي
ركبت التاكسي ولا يكلمني الا بالصيني لو ما اوريه اوراق كنت مستعد بها بالصيني ومترجمه بالعربي لكان الى الان وانا في الشوارع ادور لفندقي
لهاذا من المهم جدا ان تاخذ كرت الفندق والكتيب الارشادي للعرب ومترجه لان السواق مايفهم الا فقط تاشر له على الكلام المترجم والمفاهمه على السعر طبعا بالاله الحاسبه والله يسهل من عنده
رحت لسوق الكمبيوترات ابي محول الاب توب لانه خربان عندي وجبته من الرياض حتى اغيره فلقاني واحد اول السوق وقال كلام ملخبط فهمت انه يقول تعال انا باسنعك رحت وراه من دور في دور الى وصلناعند مصلح يقدر يصلح المحول
المحول هاذا اشتريته تجاري التجاري من اكسترا من الرياض ب 150 ريال فقال لي الرجال انه بيصلحه ب 250 يانق يعني حوالي 130 ريال سعودي قلتخلاص ماابي قال لا تعال وطلعلي الالهوقلي بكم اكتب قلت ولا ريال ما بي اصلحه اساسا انا ابي مثله ولا احسن منه لكن وين يفهم
نزلت ودورتبعيني لين شفته بكل سهوله يباع عند وحده صينيه قالت الواحد 50 يانق يعني جديد احسن من حق اكسترا ب 25 ريال قلت هات 2 عدد وكانت اول احتكاك بالبيع والشراء واحس اني توفقت ولله الحمد فما بالكم لو ان الموضوع جمله
يعني شراء محولات متنوعه بسعر 15 يانق بسعر 7 ريال مو مجدي كتجاره لمن يبحث عن تجاره
وهاذا السوق موجود في سوق الكمبيوتر في الرياض وكلها تباع على 120ريال وليست مثل الي انا شريته من ناحية الجوده . واليكم صوره المحول : كمثال
انتهى يومي ومواصل فوق 24 ساعه ومصدع ونشوفكم بكره مع تجاره جديده وعلوم طيبه باذن الله
