انا من عشاق ام الدنيا مع اني لم ازرها الا 3 مرات :
مرة وانا عمري سنتين " ومرة في شهر العسل وانا عمري 20 سنة " ومرة قبل سنتين وانا عمري .......... ولا بلاش فضايح
طبعا وانا عمري سنتين كنت مو حايطة بشي وكان سفرنا لمدة شهريين على ما اعتقد ومن ضمنها شهر رمضان وعلى قولت اهلي انهم انبسطوا جدا جدا جدا .
واما في شهر العسل فكانت المدة اسبوع واحد فقط وكان في شهر مارس وكان الجو بارد يهبل ما خرجنا كتير بسبب البرد وكمان كانت الدنيا فاضية بس انا عن نفسي انبسطت بالمرة كنت مجرد مااوقف في البلكونة انبسط ياسلام عليكي يامصر كنا نازليين في شيراتون الجزيرة وكانت بلكونة الغرفة بتطل على نادي الجزيرة ومرة عملنا حاجة غريبة علينا كانت ايامها يتنعرض مسرحية حزمني يا لفيفي عبده رحنا مشي من الفندق لغاية المسرح في المنيل بس رجعنا بتاكسي عشان كانت المطرة شغالة على ودنو بس تاني يوم غيرنا الجزم اعزكم الله لان الجزم كانت ماتنفع للمشي فالرجلين اتجرحت والحمد لله بس لليوم احنا فاكريين المشوار دا عشان تخيلوا اننا ماحسينا بالتعب ابدا غير لما وصلنا البيت وما صدقنا اننا مشينا دا كله وانا مو متعودة على المشي كدا .
اما بالنسبة للسفرة قبل سنتين كانت وانا مع بناتي حفظهم الله بس جلسنا هناك 15 يوم كان نفسنا نمد بس ربنا ماكتب لنا نزلنا في فنق ميدل ايست في الجيزة كان فيه عرض جناح غرفتين وصالة وحمامين ب3500 ريال سعودي لمدة 15 يوم صراحة الفندق كان يعني بس في النظافة بس كنا مرتاحين وكان المسؤولين فيه من المدير للحمال كويسين معانا لدرجة ان مرة سبت بناتي التلاتة في الجناح ومعاهم بنت خالتي كانت اكبر وحدة فيهم كان عمرها يمكن 12 او 13 سنة وخافوا ونزلوا للريسيبشن وفي واحد موصيينو عليهم بجد اتوصىبيهم تخيلوا اشترالهم كيك وحلويات عشان يلهيهم وكان معاهم بنتي الصغيرة عمرها 3 سنوات يعني دا دليل على ان شعب مصر احسن واجدع ناس والي بيبان منهم دا فئة من الناس موجودة في كل مكان حتى في المملكة عندنا ولا لا . عموما بالنسبة للبقشيش انا كنت ماادفع ابدا غير الشي الطبيعي زي مابادفع في بلدي عشان على قولتكم اذا كانوا هم نصابين او استغلالية ليش مااعمل اني هبلة واستعبط عليهم بس في الاخر مصر عشقي الاول والاخير .
واتمنى ان تقبلوني بينكم انشالله مااكون تقلت عليكم
على فكرة انا مااعرف ارتب الكلام فلو في شي كدا ولا كدا فعدوها واعتبروا نفسكم ماشفتوا شي