أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام
اضع بين ايديكم هذا التقرير المتواضع عن رحلتي إلى مصر خلال الفترة من 13 وحتى 27 اغسطس الماضي .
وكلي امل بأن يحوز هذا التقرير على رضاكم وان يكون في مستوى تطلعاتكم وإن كان يفتقر إلى الصور .
كانت رحلتي في البداية القاهرة ثم الاسكندرية وكنت مظبط حجوزات الطيران على كذا ولكن رغبة في الابتعاد عن زحمة القاهرة عكست مسار الرحلة حتي يخف زحام القاهرة ولكن لم استطع تغيير الطيران
لذا كان علي ان اخذ القطار على الاسكندرية عند وصولي إلى القاهرة .
في يوم الوصول انهيت جميع اجراءاتي في المطار بسهولة ثم استقبلت موظفي الليموزين واللي يقول ب66 واللي يقول ب55 المهم تركتهم وطلعت ومسكوني اصحاب التكاسي بعضهم يقول 50 ووانا ارفض ( واللي قاهرني اني اقول لهم 35 و 40 وهم يرفضون ومع ذلك يمسكون العربية ) المهم لقيت شايب وافق بالأربعين وكنت ابغى ب30 ولكن لظروف الحر لأتي واصل على العشرة ونصف صباحا ولوجود زوجتي وبنتي الصغيرة وافقت على 40 ركبنا ويوم وصلنا البوابة قال ادفع 5 للعسكري وانا ما ادري عن هذا قلت له تراها مخصومة من ال 40 وهو ما وده قلت العلم عند محطة القطار ( لأني طالع على طول للإسكندرية بالقطار ) المهم واوصل واحجز على قطار الساعة 12 ويالله حصلت وكان السعر على الفرنساوي ب 35 جنيه الفرد ونوصل للاسكندرية على الساعة 2 ونصف ظهرا ويوم وصلنا وآخذ تكسي واقول له بكم يقول لي اركب وبعدين نتفق قلت له لا لازم تقول لي رفض ولظروف الحر والسفر ركبنا وانا عارف انا بنختلف . قلت في نفسي ما علي منه مانيب معطيه اللي في بالي . توني طالعين واذكر اني باشتري شرايح واخليه يوقف عند محل اتصالات وآخذ شريحتين من فودافون الساحر ب 30 جنيه واشحن وحدة بس ب 100 جنيه عشان الاتصال الدولي ( علما بأن الشريحة فيها ب 5 جنيه اتصال يعني 10 دقائق محلية لأن الدقيقة ب نصف جنيه ) ولطعت السواق حدود الربع ساعة ويوم وصلنا لفندق ريجنسي التعبان جدا جدا جدا ( ما كنت ادري عنه لأني حاجزه من الرياض ) واقول له بكم ويقول لي 50 جنيه قلت له ما لك إلا 30 قال اني انتظرتك عند محل الاتصالات ( حطها جميلة ) قلت عشان كذا باعطيك 30 ولا المشوار من محطة سيدي جابر لريجنسي في ميامي ما يتعدى 15 جنية ( هذي كانت معلومة منكم ) المهم قام يحلفني ببنتي قلت مانيب معطيك الا هالثلاثين واتركه وامشي ) ارتحنا في الفندق شوي والمفروض انا ننام لأن لنا يوم كامل ما نمنا . ارتحنا شوي وتمشينا على طريق الكورنيش المليان ناس وقهاوي ثم رجعنا الفندق وغيرنا ملابسنا لأن الجو شوي رطوبة . وعلى طول للكارفور منها نتمشى ونتسوق ( لأني كنت ناوي اشتري مفرش ومخدات للسرير لأنها كانت وسخة جدا وكلها بقع صفراء ما ادري وشي ). تسوقنا في الكارفور وتعشينا ثم رجعنا للفندق بتكسي ( والمشوارين كلفوا 20 جنيه لكل واحد ) رجعنا الفندق ونمنا وهكذا انتهى اليوم الأول .
في اليوم الثاني نزلنا البحر المقابل لفندق ريجنسي من الساعة 1.5 الظهر وكان الجو حليو ( فيه شمس خفيفة ) وأخذنا شمسية وطاولة و2 طرسي ب (24) جنيه وجلسنا وتسبحنا لحد الساعة 4 تقريبا ثم طلعنا الفندق ونمنا شوي لحد الساعة ثمان ثم نزلنا وتمشينا في شارع الكورنيش اللي على البحر ( عبور الشارع صعب جدا لأن السيارات تمر بسرعة عالية ومحد يهدي لا سيارة صغيرة ولا باص ولا دباب ) . الناس كانت جالسة على الكراسي الاسمنتية على طول الشارع يسولفون ويأكلون فصفص وترمس وتشرب كازوزة والبياعين باسطين وعندهم بضائع متنوعة من اكسسوارات إلى اباجورات واسعارهم مقبولة هذا غير اللي يبيعون ترمس وفصفص وبرشومي المهم المشي في ذاك الشارع وناسة مشينا حول الساعة ( لابد انك بتلقى حقين التايم شير وقرقهم الزايد ونصبهم لما يقولون شوف العايلة اللي شالت بنتك لسا فايزين معانا بالجايزة - يعني ما شال بنتي الإاللي فازوا بالجايزة عشان لفت الانتباه - عموما بتلقاهم كتير وخاصة في القاهرة ) وحنا نمشي على بالنا بنوصل جسر ستانلي رجلية . تعبنا من المشي ونأخذ تكسي لجسر ستانلي قال ب5 قلنا يالله والله ومشى بنا مسافة طويلة لو مشيناها رجلية كان متنا من التعب . قعدنا في منطقة الجسر شوي. وعلى الرغم انها منطقة حلوة والجلسة فيه جيدة لكن كنا جايعين مرة قلنا يالله نتعشى في مطعم ابو شقرة اللي في جرين بلازا . ونوقف تكسي لجرين بلازا وتعشينا في مطعم ابو شقرة المقلب ( صراحة اكلة خايس ) بعدهاتمشينا في السوق لعبنا البنت في ملاهي جرين بلازا للأطفالوكنا نبي ندخل سينما لكن الوقت كان متأخر ثم رجعنا الفندق . وهكذا انتهى اليوم الثاني
حمدالله على سلامتكم ورحله موفقه
ماهوانطباعك العام عن الرحله أنبسطت ؟
لوكان فيه صور؟
لوذكرت موجز عام عن كامل الرحله وبعدين ندخل في التفاصيل
أسعد الله أيامك
الله يعينك اكلت عند ابو شقرة فعلا مطعم اكلة تعبان جدا والحمد لله على النعمة الصراحة انا زيك تعشيت فيه قبل اسبوع طلبت مقبلات حمص وبابا غنوج وأول ما حطهم على الطاولة وذقتهم قلت له شيل المقبلات ما بيها وجاني مديرهم مالك يبيه , قلت يا خوي هذي مهي مقبلات حرام عليكم شيلوها من المنيو ازين واذا كان اكلكم بنفس المستوى ترا راح اطلع على طول عاد قام يبرر ويبربر . ويوم وصل الأكل كان مقبول , المهم اكلت وقلت التوبة اصلا انا ما اكل الا بمطاعم الوجبات السريعه بس قلنا نغير . اما الشاطئ فتوني راجع من الأسكندرية شاطئ الشيراتون روعه ونظيف وممتاز وجنبة كوفي شوب قعدته بالليل ترد الروح تبع الشيراتون بعد. وحتى لو ماكنت ساكن تقدر تدخل برسوم للشاطئ 80 جنية . بس والله يستاهل وتفتك من الوصاخة والزحمه على الشاطيء ولك مشتروات ب 25 جنية مجانا والخدمه من مناشف ومراوش واللازم منه . راح اكتب موضوع متكامل ان شاء الله عن رحلتي للأسكندرية والشاطيء الشمالي . رجعت من هناك الأثنين الماضي 29/8/2005 وكانت من اجمل الرحلات التي قضيتها في مصر.
بالنسبة للرحلة عموما ممتعة وانا انبسطت في الاسكندرية . لكن يوم رحت للقاهرة تحسفت على الأيام اللي جلستها في الاسكندرية لكن عموما كل المدينتين حلوة ولكل وحدة مميزاتها .
في اليوم الثالث . خصصته للتسوق نزلنل لمحطة الرمل ( شارع صفيه زغلول والشوارع القريبة منه ) الساعة اربعة ونصف تقريبا اولا تغدينا في مكدونالدز ثم تمشينا على المحلات ( لا أنا ولا زوجتي عجبتنا البضائع المعروضة في تلك المحلات ثم حضرنا فيلم ( عيال حبيبة ) في سينما بسيطة شوي لكن مليانه عالم والله وناسة سواء الفيلم او الناس . بعدها طلعنا للمنشية ب 5 جنيه لأنها قريبة منها وبالتحديد شارع فرنسا وسوق ليبيا ( وهما مجاوران لزنقة الستات ) وكان فيها معروضات جميلة وكثير هناك اسواق الجملة للملابس واللعب ومستلزمات المدرسة وحول 12 ذهبنا للزنقة وواضح من بدايته ان ممره صغير جدا وكانت بعض المحلات مفتوحة والباقي اغلقت فأخذنا تاكسي لجسر ستانلي وتعشينا في الطازج وجلسنا شوي في المقهى ثم اخذنا عربة ( كاريته ) من منطقة الجسر للفندق استغرقت 45 دقيقة تقريبا ب 35 جنيه بس ممتعة تمر على العالم وهي على المقاهي ووصلنا الفندق حدود الساعة 2.5 ريحنا شوي ثم نزلنا للشارع اللي ما ينام وجلسنا على أحد المقاهي لقبيل أذان الفجر فطلعنا للغرفة .
كانت رحلتي في البداية القاهرة ثم الاسكندرية وكنت مظبط حجوزات الطيران على كذا ولكن رغبة في الابتعاد عن زحمة القاهرة عكست مسار الرحلة حتي يخف زحام القاهرة ولكن لم استطع تغيير الطيران
لذا كان علي ان اخذ القطار على الاسكندرية عند وصولي إلى القاهرة .
في يوم الوصول انهيت جميع اجراءاتي في المطار بسهولة ثم استقبلت موظفي الليموزين واللي يقول ب66 واللي يقول ب55 المهم تركتهم وطلعت ومسكوني اصحاب التكاسي بعضهم يقول 50 ووانا ارفض ( واللي قاهرني اني اقول لهم 35 و 40 وهم يرفضون ومع ذلك يمسكون العربية ) المهم لقيت شايب وافق بالأربعين وكنت ابغى ب30 ولكن لظروف الحر لأتي واصل على العشرة ونصف صباحا ولوجود زوجتي وبنتي الصغيرة وافقت على 40 ركبنا ويوم وصلنا البوابة قال ادفع 5 للعسكري وانا ما ادري عن هذا قلت له تراها مخصومة من ال 40 وهو ما وده قلت العلم عند محطة القطار ( لأني طالع على طول للإسكندرية بالقطار ) المهم واوصل واحجز على قطار الساعة 12 ويالله حصلت وكان السعر على الفرنساوي ب 35 جنيه الفرد ونوصل للاسكندرية على الساعة 2 ونصف ظهرا ويوم وصلنا وآخذ تكسي واقول له بكم يقول لي اركب وبعدين نتفق قلت له لا لازم تقول لي رفض ولظروف الحر والسفر ركبنا وانا عارف انا بنختلف . قلت في نفسي ما علي منه مانيب معطيه اللي في بالي . توني طالعين واذكر اني باشتري شرايح واخليه يوقف عند محل اتصالات وآخذ شريحتين من فودافون الساحر ب 30 جنيه واشحن وحدة بس ب 100 جنيه عشان الاتصال الدولي ( علما بأن الشريحة فيها ب 5 جنيه اتصال يعني 10 دقائق محلية لأن الدقيقة ب نصف جنيه ) ولطعت السواق حدود الربع ساعة ويوم وصلنا لفندق ريجنسي التعبان جدا جدا جدا ( ما كنت ادري عنه لأني حاجزه من الرياض ) واقول له بكم ويقول لي 50 جنيه قلت له ما لك إلا 30 قال اني انتظرتك عند محل الاتصالات ( حطها جميلة ) قلت عشان كذا باعطيك 30 ولا المشوار من محطة سيدي جابر لريجنسي في ميامي ما يتعدى 15 جنية ( هذي كانت معلومة منكم ) المهم قام يحلفني ببنتي قلت مانيب معطيك الا هالثلاثين واتركه وامشي )ارتحنا في الفندق شوي والمفروض انا ننام لأن لنا يوم كامل ما نمنا . ارتحنا شوي وتمشينا على طريق الكورنيش المليان ناس وقهاوي ثم رجعنا الفندق وغيرنا ملابسنا لأن الجو شوي رطوبة . وعلى طول للكارفور منها نتمشى ونتسوق ( لأني كنت ناوي اشتري مفرش ومخدات للسرير لأنها كانت وسخة جدا وكلها بقع صفراء ما ادري وشي ). تسوقنا في الكارفور وتعشينا ثم رجعنا للفندق بتكسي ( والمشوارين كلفوا 20 جنيه لكل واحد ) رجعنا الفندق ونمنا وهكذا انتهى اليوم الأول .