عدت لكم من جديد وبكتب لكم معاناتي مع المكتب اللي وهقوني بالحجز حيث حجزت عن طريقهم على الخطوط السعودية وقطعت التذكرة واتفاجا من موظف الخطوط بانه ما اظيفت التذكرة الى الجهاز وبهذا السبب كان الغا الحجز بعدين صرفوني على الخطوط الاماراتية وبنفس السعر بعد قال لي الموظف (هات الفرق)بعد تدخلات والحاح وافقو على الا اعطيهم شي ؟؟؟؟؟ طرنا الى دبي ثم جلسنا اربع ساعات في المطار منلطعين لين طرنا قرب الفجر الى كوالا .... طلع لنا مشكلة ثانية ... الطائرة بتوقع في بنجلاديش لمدة لاتقل عن ساعة اضافة الى ان بنجلاديش بعيدة عن مسار الرحلة (يعني ماهي على الخط) ومعنى ذلك بيزيد من ساعات االرحلة (القصيرة) يعني انواع المرمطة ... لكن شهادة حق ... الخطوط الاماراتية خدمة رائعة جدا جدا انا ماادري وين مخزنين كل هالوجبات ؟؟؟ كل شوي وجبة ...لا وبعد جاب لي المينو يقول وش تبي ؟؟؟؟!!! خدمة رائعة وتوزيع العاب للاطفال .. المهم مااحب اطول نزلنا لكوالا وعند الجوازات نصيحة للي معاه زوجته شف الكاشير اللي فيه موظفة علشان بتطلب من زوجتك كشف وجهها ...بعدين طلعنا الى كوالا جلسنا فيها يوم بعدين الى لنكاوي وفي فندق لنكاوي لاقون الفندق الرائع والهادي ولايوجد فيه اجانب كثير وقريب جدا جدا من المطار ب10 رنقت فقط واطلب من الفندق سواق اسمه ذو الكفل ممتاز جدا بس مايعرف عربي 100% يعني كلمة منك وكلمة منه وبتمشي اموركم لنكاوي حقها يومين بس !!!
بعدين اتجهنا الى بينانج اللي جوها مثل السعودية حر ونصيحة لاتجلس فيه اكثر من 3 ايام ما فيها زود كثير من الاشيا اللي فيها يمكن شفتها بلنكاوي ...بس لايفوتك الجبل والتلفريك الآن معطل مافيه الا تستأجر جيب ب70 رنقت ويطلعك واحسن وقت من بعد الظهر وطالع وفيها حديقة الفراشات اللي يضيق خلقك فيها لانها مكتومة شوي يعني لاتجي وقت الشمس تراك بتخيس فيها ... ثم اتجهنا الى كوالا وسكنت في فندق على شكل برجين اسمه (برجايا تايم سكوير ) جديد وضخم مرة فيه خمس طوابق اسواق ومدينة العاب كبيرة كله في الفندق ومكيفة وفيه مايقارب ال46 طابق وماهوبعيد من البوكيت ... وقريب من المطاعم المعروفة مثل ماكدونالدز والطربوش وطقتها ،،، لكن احذر الذهاب الى حديقة الطيور في كوالا لانك بتنصرع من الريحة .... والدخول غالي ب28 رنقت ؟؟؟ هذا اهم ما يخطر في بالي وبكتب لكم خواطر تلحق ان شاء الله ...