- السلام عليكم ورحمة الله وبركاتة
- بسم الله الرحمن الرحيم
- يوم السبت 10 سبتمبر
السلام عليكم ورحمة الله وبركاتة
أعزائي أعضاء هذا المنتدى الجميل أرجو أنكم تقبلو هدية العيد المتواضعة مني واللي هي تقرير عن رحلتي الثانية للوردة اللي جيت منها قبل شهر رمضان بيومين وأن شاء الله تحوز على أعجابكم ورضاكم خصوصا اني راح انزل صور كثيرة زي العادة وبعضها غير موجودة في هذا المنتدي بس ( حقوق الصور والتقرير محفوظة لي طبعآ ) :36_15_24: وترا كل ما كانت المشاركات كثيرة في الموضوع كل مانزلت التقرير بسرعة يعني هالله هالله بالمشاركات والتشجيع :36_1_37:
:36_3_11: وكل عام وأنتو بخير مقدما :36_3_11:
بسم الله الرحمن الرحيم
يوم السبت 10 سبتمبر
بسبب عدم قدرتي على فراق الوردة كثيرآ وخصوصا أن آخر رحلة كانت قبل حوالي 5 شهور أخذت لي أجازة من العمل بطلوع الروح :36_1_29: وبعد حب خشوم وطلبات دامت أكثر من شهر لين وافقو :36_1_33: فحجزت لي من مكتب سفريات كانو اللي في الخبر في شارع الملك خالد وطلعت علي التذكرة ب2460 ريال وكانت مباشرة دمام-مانيلا-دمام وكانت يوم السبت الساعة 7,45 المساء. وهذي المرة رحت بدري بسيارتي الخاصة للمطار وكان معاي اخوي علشان يرجع السيارة للبيت وخصوصآ أن المرة اللي فاتت كانت بتروح علي الرحلة بسبب تأخر خويي علي :36_1_28: بس ربك ستر ولحقنا. المهم أقلعت الطيارة في وقتها زي المرة اللي فاتت :x1: ويقولون ربعنا دائما يتأخرون يمكن في الرحلات الداخلية فقط لأنهم مو شايفين أي منافسة للرحلات الداخلية مش زي الدولية.المهم قبل دخول قاعة الأنتظار نشبو لي على الوزن الزايد وكان عندي 8 كيلو زايد بس نشبو لي عليها صح ,بس زي العادة بعد طلبات وحب خشوم تكرمو علي ومشوها :36_1_12: وبصراحة جزاهم الله كل خير دائمآ متعاونين مع المسافر بس أحيانا مزحهم يكون ثقيل :11ight_li وبصراحة أنا ما أنعطى وجة هذي ثاني مرة يكون عندي وزن زايد تقول ما عندهم أكل هناك :36_11_15: والشباب ما قصرو المرة الفاتت مشوها لي ولا حطونون بعد من الدرجة السياحية الى الأفق من دون واسطات ولا شئ .بس هذي المرة أنا حطيت نفسي من السياحية الى الأفق وطبعا بواسطة ( حب الأخشوم ) :36_1_12: . المهم بعد ما جلست في الأفق لاحظت عدم أمتلاء المكان بالركاب يا دوب كانو 7 ركاب والباقي كانو مضيفون الخطوط . المهم زي العادة ما قدرت أنام في الطيارة وقضيتها تفرج على الأفلام وتمشيه في الطيارة و سواليف مع المضيفين والمضيفات.
صورة من الطائرة وقت الأقلاع من مطار الدمام
بعض الجزر قبل الوصل لمانيلا
مانيلا من الجو
ووصلت الطائرة مطار مانيلا الساعة 9,45 الصباح بتوقيت مانيلا طبعآ وزي العادة الأمور مشت تساهيل بدون أي تعقيدات بس نشب لي اللي يفتش الشنط قبل ماتطلع من بوابة المطار وكان غثة من جد وقعد يتفلسف علي كم عندك وزن أيش عندك في الشنط والكراتين واللي كنت ملاحظة أن اللي بجنبة قاعد يمشي الناس زي الحلاوة, بس الظاهر كان يبغة بقشيش بس قلت أمعصي أعطية شئ و علشان كذا طولت بالي معاه وفتحت كل الشنط والكراتين بكل سعد صدر :36_1_21: ولما ما شاف مني أي فايدة وأني مطول بالي معاه مشاني . ولما طلعت من المطار كان الجو رطب جدا وكنت مواعد صديق فلبيني يمر علي المطار ووصل عندي بعد 15 دقيقة وبعد السلام ركبت السيارة ورحت الى فندق ريجنسي وكان عندي حجز قبل ما أوصل بس للأسف ما عطوني الغرفة بالجهه اللي أنا ابغاها واللي كنت أسكن فيها كل مرة لأن كان الفندق فل وكانو منتظرين أحد النزلاء يعمل شيك أوت ذاك اليوم بس مددو زيادة أسبوع :36_1_28: .المهم الغرفة اللي أخذتها كانت لا بأس فيها
صورة من غرفة الفندق
وطلعت علي ب2380 بيسو وكانت غرفة وصالة ومطبخ. المهم حطيت عفشي وأخذت لي دش وبعد كذا أخذت لي غفوه وما طلعت اللا في الليل مع خويي بسيارتة وعلى الساعة 12 الليل رجعت الفندق وسمتها نومه :36_1_50:
يتبع............................................ :36_3_13:
وتقريرك بوقته بالنسبة لي
يعطيك العافية وما قصرت ...متابع معاك مع
تحياتي