- وعطيتهم العلوم. البعض أيد التغيير والبعض عارض كالعادة بدون سبب مقنع.
سلام عليكم
أسعد الله أوقاتكم بكل خير
والله ماأدري كيف ابدأ ولكن الحاصل ياجماعة الربع
أني تفاجأت في زيارتي الاخيرة لجاكرتا في سبتمبر
بالتغيير الغير طبيعي بأسعار الشقق بألسون سنين
وإليكم السعار قبل وبعد:عدد الغرف السعر السابق السعر الحالي
1 285.000 505.000
2 515.000 625.000
3 600.000 790.000
4 1.000.000 1.200.000
طبعا يأخوان الأسعار هذه كنت آخذها قبل من مكتب هوريونا
والغريب في الامر ان اسعار هوريونا الان اغلى من الفندق دايركت
ايش الحاصل ؟ ماني عارف ... اقولهم مايصير هالكلام ..يقولون هذا الموجود.
طبعا تضايقت شوي تخبرون الميزانية تلخبطت .. المهم شار علي السواق ( موضوع جانبي الحين )
بأن أغير هالشقق . قلت تم ..قالي ابوديك شقق 5 نجوم وبسع ارخص من السون ..وكالعادة قلنا تم..
المهم وصلنا المقر الجديد بصراحة روعة وفي غاية النظافة والفخامة ..شقة غرفتين بالدور 28 ب 470.000 روبية فيها مطبخ على شكل كاونتر مجهز بكل اللي تحتاجه.. والغرف واحده سرير كبير والأخرى
1.5 يعني نفر ونص...وبها غرفة مستقلة للخادمة مع وجود غسالة للملابس ومكوى ايضا..
وعندك كمان المحطات التلفزيونية / الجزيرة/السعودية/دبي......وخدمة النت روعة ..
والسوكيرتي فيها بعد ممتاز جدا..
الزبدة توكلت على الله وسكنت ذيك الليلة وأول شي سويته أتصلت بالزكرتية اللي بيوصلون عقبي بيومين
وعطيتهم العلوم. البعض أيد التغيير والبعض عارض كالعادة بدون سبب مقنع.
مأطول عليكم اليوم الثاني الساعة 7 ص وانا بانشول مواعد لي رجال نبي نروح هالجزر المقابلة للشاطئ..
الساعة تقريبا 11 ص انواع الاتصالات والمسجات من السعودية (هذا وقته) ينشدون ويتحمدون عالسلامة بقوة....؟؟؟؟ إيش الهرجة ياجماعة ؟ يقولون انفجارات بجاكرتا ... طيب وين ؟؟ بالسفارة الاسترالية... قلت ماني بحولهم الحين .. وكل اموري طيبة.. عاد قلت للرجال اللي معي .. مادريت وش صار بديرتكم؟قال: لا ايش فيه؟ قلت : انفجار بالسفارة الاسترالية الله لا يردهم... التفت لي الرجال ثم فز وقام .. اقوله وش العلم (توقعت عنده وطنية) يقول الفندق اللي انت به عند السفارة ... افا وش ذا العلم انا ولد بوي.. قم مشينا نشوف عتادنا وأغراضنا ( زجاجة المعسل) .. ويوم وصلنا الفندق الساعة 4 العصر ...الحكومة والمصورين والعالم ..ماغير أتصدد عنهم لا يقولون عربي في ذا وش عنده..
طبعا زجاج الفندق متكسر وحالتهم يشكى إليها والخادمة زادت حالتها النفسية(مرض مزمن سابق)...
ويافرحة ماتمت .. والله وأضف أغراضي وأتحمد الله أني كنت خارج الفندق ...
وأرجع على الحبيب ألسون وآخذ شقة أربع غرف نوم (هذا الموجود وقتها) ب 1.200.000روبية
لكن تستاهل في الدور 21 وقلت في نفسي خلك على مجنونك لا تشوف اللي العن منه..
طبعا الفندق اللي كنت فيه يقع على شارع راسوناسعيد من مجموعة استون وغالبية سكانه من اوروبا
واللي عرفته انه جديد وكان افتتاحة تقريبا في july2004
aston rasunasaeed
بالقرب من مستشفى mms
طراها سعر الشقق
الماس سوكارنو
تحياتي
وعلى فكرة التسعيرة اللي إنت حاطها فوق يبغالها واحد مفتح علشان يفك شفرتها "والله صعبة " أصفار وأرقام وغرابيل .
تسلم يمينك يا سوكارنو وننتظر جديدك .