ريما 2007
27-11-2022 - 06:52 pm
معليش موضوعي مخربط لاني مكتئبة ...كنا ناوين نروح اوروبا وحجزنا الفنادق وعقدونا بالفيز وزهق الوالد وكنسل امر الفيز وقال انسو اوروبا....طبعا انا فرحت لاني ماابغى اروح اوروبا بس رحمت الوالد لانة يحب البراد والطبيعة الخضراء...
المهم هو عطاني المجال بما اني دلوعة البابا الله يحفظة اني اختار اي دولة نسافر لها بس بشرط.....تكون التذاكر مو غالية يعني ماتعدى اربعة الاف للشخص الواحد.....لانا ماشاءالله جيش انا وامي واخواني وخواتي ...يعني بيكون ميزانية...ثاني شرط وهو المهم ان الفيز ماتكون معقدة....يعني الفيزا تكون سهلة......
واسئلتي الله يعافيكم جاوبوني تكفون قبل مايجيب الوالد الجمس ويضفنا فية ويودينا الطايف
بلا فيز ولاتذاكر ولاتعقيدات
اسئلتي :
هل امر إستخراج الفيزا سهل بالنسبة لنا يالسعوديين؟
كم سعر التذاكر التقريبية للشخص الواحد.
وسؤالي:جنوب افريقيا تصلح لنا كعائلة سعودية.....يعني فيها ملاهي اسواق مطاعم نظيفة وعربية امان...اهم شي الامان والنظافة........يعني هل تصلح للسياحة....وهل هي غالية او رخيصة....
الله يعافيكم يالمشرفين والمشرفات لاتحذفون موضوعي ......اول مرة اكتب هنا...وإذا ودكم تحذفونة ومضايقكم خلوة يومين بعدين احذفوة...او عطوني روابط او اي شي يفيدني.....تكفون.....مابغى اسافر للطايف
الطايف اقدر اروح لها اي وقت بس الخارج اوقات الاجازات....يعني هدية نجاحنا...وابوي يقول إذا تعقدت الامور مالكم غير الجمس تركبونة وتروحون للطايف
امزح معاك
وصلتي لهدفك اختي ريما
بالنسبة للفيزا يوم واحد وتطلع
بالنسبة للبابا بيحب البراد بينبسط هناك لان الفترة هذي الجو بارد هناك درجات الحراة منخفظة
بالنسبة للخضار للاسف ما اتوقع يكون خضار الفترة هذي لان الوقت هذا شتاء هناك
التذاكر على الشخص 3300 ريال تقريبا على السعودية لجوهانسبرج والرحلة الداخلية بحدود 400 ريال الشخص رايح جاي
وعموما جنوب افريقيا تصلح للعوائل اتجهي على كيب تاون على طول امان واسواق وترفيه ومطاعم وكل اللي نفسك فيه
وعندك البوابة هذي تجولي بين مواضيعها وراح تتعرفي على كل شيء في جنوب افريقيا
بس عندي سؤال كم موديل الجمس؟؟؟؟
اتمنى لكم اجازة سعيدة
واذا حبيتي اي مساعدة اخرى انا متاكد ان اعضاء المنتدةى هذا ماراح يخيبو املك
وانا مستعد اسوي لكم برنامج سياحي متكامل لجنوب افريقيا بس اعطيني وقت