بارون
01-05-2022 - 11:28 pm
في واحده من سفراتي الى العمه واجهتنا مشكله مع الخطوط الجاروديه حيث تعطلت الطائره
بعدما قمنا باستخراج (البوردنق) طبعا وحنا راجعين .
المهم ان الخطوط حجزو لجميع الركاب ولكن قسمو الركاب على مجموعات وحنا بين المجموعه اللي حجزو لها على فندق الهوريزون . (جيران الملاهي _دنيا فنتاسي) على البحر .
الجلسه في الفندق استمرت يومين على حساب الجاروديه . القهر اني انا والمجموعه اللي معي سواء من ربعي او من العرب اللي على نفس الرحله متحسفين انهم ما سكنو في الفندق من اول ما وصلو للعمه .
بعد هالروحه ذهبت الى مناطق اخرى في اندونيسيا (ما طبيت جاكرتا ) انزل في مطار جاكرتا واقرب رحله على سوربايا .
اذا ممكن نبي فزعتكم اللي متعودين عليها . انا ناوي السفر الى جاكرتا المره الجايه (قريب ان شاء الله)
اذا عندكم اي معلومات جديده عن الفندق لان السالفه كانت قبل ست سنوات ولا ادري اذا تغير فيه شي
اسعاره (مع اني ما اعرف وش كانت ذيك الايام) واذا عندكم اي اراء حوله
هل تنصحون السكن فيه ولو انه بعيد شوي عن قلب العاصمه
زين لإنة بمنطقة ساحلية وهادئة جداً والجو نظيف ولطيف وعندك المطاعم البحرية وكل شي طازج.
وشين اذا بغيت بتطلع مشوار لداخل جاكرتا بصراحة بتاكلها في بعض الأوقات لأنه الزحمة مثل منت عارف طول النهار وما قريب منه الا منطقة منجادوا اللي فيها الأسواق
وانت قارن