1. السلام عليكم ورحمة الله وبركاته

السلام عليكم ورحمة الله وبركاته

كأول مشاركة لي في هذا المنتدى العظيم الذي استفدت منه استفادة عظيمة من خبرات متنوعة كان لزاما علي ان اشارك بما حصل لي لعله يكون دليلا لمن يواجه لا سمح الله ما واجهته.
اول يوم وصلت فيه الى اسطنبول قررت استئجار سيارة من المطار وتم ذلك بعد مفاوضات واخذ وعطا سيارة ديزل ب 70 ليرة اليوم و5 ليرات يوميا قيمة جهاز الملاحة..استلمت السيارة وبحكم معرفتي المسبقة ببعض الشوارع توجهت مباشرة الى منطقة اعرفها وكان امامي بجانب احد الارصفة سيارة للتو واقفة فطلبت من صاحبها ان يزيح سيارته قليلا حتى استطيع ان اوقف سيارتي،اوقفتها واتجهت انا وزوجتي الى احد الاسواق المجاورة وبعد ساعة عدنا ولم يكن العود احمد،لم نجد السيارة ولم نجد من يتكلم العربية ولا الانجليزية ولا اي لغة غير التركية والتركية فقط وغصبا عنك لازم تفهمها((غريب ذلك الشعب في تمسكة بلغته والاعتزاز بها والمحافظة عليها رغم اننا في الجانب الاوربي،مو زي حالنا اول ما نلاقي اجنبي على طول دو يو اسبيك انقلش..)) لجات للغة الاشارة التي اتقنتها فعلا ولكن الطرف الاخر يختلف فهمها من شخص لاخر وهذا ما ادخلني في سوء الفهم منهم الى حلول ليست هي مقصدي فقد كان سؤالي بلغة الاشارة انه كان لدي سيارة اوقفتها هنا وتسوقت وعدت ولم اجدها صح السؤال طويل بس لازم يطول،احدهم دلنا على شارع طويل جلست رايح جاي فيه واخرتها طلع يحسبني ابغى فندق واخر جب لي تكسي..... والله حالة حتى هديت الى رجل شايب كان يناظرني وانا رايح جاي قلت يمكن هالشايب يكون احسنهم وبالفعل تهاوشنا ((يعني شرحت له)) بالايادي هز راسه وراح جاي سيارته قلي اطلع على وين يبو الشباب الله يستر لفلف بي من شارع شارع دار دار زنقه زنقه حتى وصلنا حجز سيارات قلت والله انك نشمي وبوسة على الراس ونزلت ولقيت السيارة عندهم وش السبب ولا احد يتكلم الا بالتركي قلت لهم بس فكوني كم تبغون دفعت لهم 70 ليرة وضربت الباب......ساعة واحدة فقط بعد ذلك وانا واقف عند احد الدكاكينابغى لي موية وعصيرات وناوي ع البحر قدامي شاحنة والله اني شايفها وهي راجعة ريوس بس كل شي فيني صلبما تحركت عظلاتي الا بعد ان وصلت التريلة نص الكبوت قمت ادق بورياصلا هو ما حس فيني ابد نازل هو نفس الدكان وهو داخل الدكان استوقفتهههو وين يبو الشباب منت شايف وش سويت انفجع الرجال وكانه يقلي من الي فيها قلت له اناانا محاكيك ما فيني شي سليم ترى ولان اللغة معدومة قلت بكيفك تصرف ورحت قعدت في السيارة وقفلت على نفسي وسواليف انا وام العيال عن جدولنا والتغييرات الطارئه علية والناس ملتمه حولنا ولا كأنهم قد شافوا حادث خرجت وصحت باعلى صوتي قلت افجعهم ومنها الاقي ظالتي قلت((مين فيكم يتكلم عربي او انقليزي يجي اذا هو رجال)) والله نصهم انفجع وتنحى شوي الا جاني الشيخ نجدت جزاه الله كل خير قلي انا اتكلم الانقليزي مكسر قلت الله جابك وش السواه الحين قالي ابد ولا يهمك انا شاهد بالحادث وهو الغلطان وهذا كرتي اذا جاء المرور كلمني وبس قلت طيب وبعدين قال الان انت صور الحادث اهم شي وخصمك يصوره كمان وانتظروا المرور بس،دق ع المرور مشكور وجلس معي تقريبا ساعة وبعدين استأذن قال انا باروح بيتي بس اذا جاء كلمني،امحق مرور كني بجدة جاء بعد 3 ساعات قبل لايجي دوريات امنية رايحة جاية بس يقولوا مش شغلنا،جاء المرور طبعا بكم مثلي لا احد منا يفهم الثاني دقيت على الشيخ نجدت واعطيته 5 دقايق كنهم يتهاوشون في الاخير العسكري واخصم مناحلة وانا اتفرج نفسي افهم وش الهرجة قام الخصم كتب كلام في المحظر وطالعني العسكري وكنه يقول انت خلك انا باكتب عنك وبعدها خلانا نوقع ع المحظر وقال صورتو السيارات قلنا ايوه قال خلاص هذا رقم لك وله قلت وش اسوي فيه قال رح اعطه شركة التاجير ومالك شغل بالباقي قلت الان والا بعدين قال متى ما تحب طبعا كل هذا عن طريق المترجم جودت عبر الجوال،طلب مني العسكري ان اخرج بالسيارة من تحت التريلة يوم خرجت قلي بامكانك السير بها مع السلامة قلت مع السلامة وكملت رحلتي عليها 4 ايام المظحك اي ما اوقف في مكان الا الناس كلهم يناظروني ويضحكون تعودت على هذا وسرت اضحك معهم وكأني الوحيد في اسطنبول الي ما شي بالحادث،قبل السفر بساعتين اتجهت الى المطار وابلغت شركة التأجير بالحادث قالوا وين التقرير قلت ما اعطاني المرور حقكم الا هذا الرقم قالوا خلاص هاته ومع السلامة قلت ياجماعة امشي ما تبغون شي تأكدوا حلفت عليهم قالوا الله واياك روح ع طيارتك.
هذا ما حدث للعبرة...........واي سؤال انا تحت امركم