وانا نفس الوضع اخوي ابوسارة
عندي رحلة يوم 15 / 7 لطرابزون
وخايف ماالاقي
وكلمت الحران قالوا نعرف شركة يأجرون سيارات بطرابزون المدينة
بس يقولون ب400 ريال !!!!!!!
اللي عندة خبر يفيدنا وخاصة اخواننا المشرفين

وش السيارات الي عندهم ؟
المشكله انا حجزت عن طريق car trawl واكدوا حجزي وامس ارسلوا لي ايميل يعتذرون
بجد وهقوني والحين قاعد ادور ومحيوس ولاني عارف وش باسوي
المشكله جربت احجز من كم موقع على النت لكن للاسف اغلبها فل او يقولون انتظر رد يعد يومين على الايميل والمشكله تنتظر وفي الاخير مافي
ماادري وش السواة شكلها نوم في الفندق الين نخلص ليالي طربزون هذي الي كرهتها من قلة قنادقها وسياراتها ومواصلاتها
المشكله اني حجزت فنادق وطيران والا كان كنسلتها وريحت مخي من جد

روحو لمركز المدينه وخوذوا سياره من هناك تلاقون سياره كبيره نوع فولكس فاجن كادي ب100 ليره ولا تاخذون من المطار نصيحه نصابين ويعطونك سيارات قديمه غير اللي يعرضونها عليك وتصرف بنرين كثير والخيارات في مركز المدينه كثيرره اذا ماعجبكم سعر روحوا غيره والله يسهل عليكم

ياخوان جربوا الموقع هذا انا اخذت منهم سياره مره في عيد الحج في استنبول والان انا في طرابزون واخذت منهم
http://www.firstrentacar.info/

ابو ساره حبيبي
زي ما قالت لك اختنا عاشقة اسطنبول
انت احجز من مواقع الشركات مباشره مثل ايفس وبدجت ( هذي موجوده في مطار طرابزون لها فروع )
يعني يردون عليك مباشره عيبهم السعر راح يكون مرتفع شوي مو مشكله
واذا ما حصلت سيارات عندهم , اطلع من المطار على وسط طرابزون , قل للتاكسي طرابزون ميداني
وقدام حديقة البلديه فيه كذا شركة تأجير محليه
يعني هونها وتهون ,, انت شكلك من النوع الي حساس جدا وعندك فوبيا السفر , ترى الدعوى سهالات
بالنسبه للسكن في اوزنجول قسم بالله متوفر ,, انا لي كم سنه اجي اوزنجول واقولك هالسنه متوفر اكثر
ياخي العام الماضي ناس نايمين في سياراتهم !!
هالسنه اقولك السكن متوفر وفيه موتيلات جديده وشقق اهالي فاضيه ,, صحيح انهم ضاربين في السعار شوي
بس انه متوفر يعني ما عندك اي مشكله ,
ابد واذا مالقيت سكن اسكنك عندي ننام انا وياك في كوخ وعيالنا في الكوخ الثاني وش تبي بعد ( :
وسع صدرك يخوي تراك ناوي تروح تستانس ,, فلها وربك يحلها
ملاحظه
دقيقتين بروح اجيب رقم واحد شغال في بدجت المطار ( مطار طراببزون )
كلمه واحجز منه مباشره
وش تبي بعد تدلل
لحقت على الموضوع
بعد اذن ابو تركي والأخوان المشرفين هذا رقم فرع بدجت مطار طرابزون
5وهذا موبايل مدير الفرع السيد كوكسال اوزترك
9مع خالص تحياتي
اخوكم بن زامل

وهذا موقعهم على النت للحجز المباشر دون شركات وساطه
http://www.trbudget.com

وابشرك شيكت على موقعهم ولقيت لك بنفس مواعيدك متوفره السيارات
وش تبي بعد يا ابو ساره
كلش ولا زعلك يخوي
http://pluto.budgetinternational.com/budgetonline/tr/ibe.nsf/ReservationStep2?OpenForm&SessionID=BDEDF6D0DBDD4436C12578C5003447C0
Grup E - ör: Fiat Linea 1.3 veya benzeri
Yolcu say s : 5Kap say s : 4Bagaj kapasitesi: 2 Bavul / 1 Çanta
KlimaVites mekanizmas tipi: Manuel
Kiralama ofisinde öde*Bu arac n uygunlu u kiralama onay na ba l d r.
377,47 TRY
السعر الي فوق بالليره وحق 3 ايام للسياره الكبيره شوي لأن الهونداي اكسنت خلصت
يعني يطلع عليك اليوم ب 125 ليره تقريبا يعني 300 ريال في اليوم والسعر اعتبره جيد
لها النوع من السيارات ,
http://pluto.budgetinternational.com/budgetonline/tr/ibe.nsf/ReservationStep2?OpenForm&SessionID=BDEDF6D0DBDD4436C12578C5003447C0#