نشر في مدريد

تعالو شوفو وش قالي المكتب

شهم الشرارات

04-06-2022 - 04:10 pm

السلام عليكم ورحمة الله وبركاته
اشتريت التذاكر والحجز مؤكد بتاريخ 2 اكتوب والعوده ب12 اكتوبر
إلى اسبانيا بمشيئه الله تعالى ...
ولما رحت استخرج الفيزا " الشنغن " من السفاره الاسبانيه قالو لي
لازم يجي معاك الشخص الثاني ( طبعاً رايح انا واخوي )
ووضعي انا مايشمل شروطهم لأني طالب ...
واخوي بفترت الموعد راح يكون مشغول جداً لظروف قاهره
" طبعاً حنا من منطقة الجوف "
وانا ما عندي مشكله اخلصها بكل اجراءاتها بس هم يقولون لازم تخصلونها سوى
وشروطهم على حسب وضعي راح تدخل على حساب اخوي ...
والمشكله اللحين اني قاص التذاكر وعندي موعد بالمستشفى هناك وملتزم بالموعد
واخاف السفاره تعقدها ...
اتصلت على مكتب بخصوص استخراج الفيزا قال السفاره الاسبانيه لازم حضور
شخصي يعني مافيه وسيط يخلصها لك
وشار على رآي انه يخلصها لي بس وين ....
يقول راح اخلصها لك من السفاره الفرنسيه وهذا اتحاد اوربي وراح تدخل بدون
تعقيدات ولا مشاكل ...
قلت له بس التذاكر ترانزيت ...الرياض >< مدريد ...
يعني ماراح ادخل فرنسا وانا سألت واحد يقول الفيزا الفرنسيه من شروطهم
انك اول نقطه تصلها في اوربا هي فرنسا ..
قال لي اترك الكلام عنك وهذي شغلتي وانا ادرى بيها بس انت تعال وخلصها
مني وراح تتسهل ..
ويقول انا اضبط امورك كونها خبرتي وراح تدعيلي ...........
يعني يا شهم ادفع فلوس وراح تجيك جاهزه بدون متاعب بحالة مصداقية كلامه
والاستشاره هنا لقلة خبرتي هل كلامه صحيح حتى لو التذاكر ترانزيت السعوديه >

التعليقات (9)

الشمالي الغربي

04-06-2022 - 07:41 pm

حياك الله
دول الاتحاد الاوروبي المشمولين بفيزا الشغن تدخل اي من 26 دولة بالفيزا
يعني فيزتك من السفارة الفرنسية تقدر تسافر اسبانيا - ايطاليا - المانيا - استراليا بدون ان يكون اول نقطة تدخلها فرنسا .
لك تحياتي

Ahmedany

04-06-2022 - 08:43 pm

أستخرج فيزا من أي دوله تحت مظلة الأتحاد الأوروبي ( فرنسا,إيطاليا,ألمانيا,النمسا,السويسرا,إلخ..)
وأذا سألوك في مطار أسبانيا قولهم غيرت وجة السفر..وترا الأمور سهالات عندهم يعني لا تحاتي

ابيهاااا

04-06-2022 - 09:44 pm

انا بطلع الفيزا ان شالله من السفاره الاسبانيه
وبنزل اول شي هولندا وبعدين بطلع اسبانيا اتصلت على السفاره الهولنديه وقلت لهم انا عندي شنقن من السفاره
الاسبانيه هل استطيع ادخل هولندا اول وبعدين اروح اسبانيا قالو ماعندك مشكله
ونت اذا اسالوك قولهم انا بطلع فرنسا بعد اسبانيا

سفير إسبانيا

04-06-2022 - 10:45 pm

اخوي لو التأشيره من السفاره الفرنسيه عادي لو تكون محطة وصولك اسبانيا ما فيه اي مشكله
بس لاحظ السفاره الفرنسيه تاخذ موعد ممكن يكون بعد اسبوعين او اكثر موعد تقديم الاوراق بعد تقديم الاوراق تاخذ 21 يوم وتستلمها كذا راحت عليك السفره بس انا عندي حل لك التأشيره تاخذ 10 ايام وتطلع من السفاره الايطاليه بس اذا قررت خبرني عشان اخذلك موعد من السفاره لتقديم الاوراق وانت تجي في موعدك وتقدم الاوراق بنفسك واي خدمه انا تحت امرك

fatheroflions

04-06-2022 - 11:46 pm

إخوتي الكرام مع احترامي لكم كلامكم كله غلط في غلط

ماشاء الله تبارك الله مع احترامي الشديد للجميع أرى أنكم تفتون بطريقة غريبة جداً

إخوتي الكرام مع احترامي لكم كلامكم كله غلط في غلط

الاخ الشمالي الغربي اخونا شهم يقولك تذكرته الرياض مدريد الرياض ,,,, كيف ستقوم السفارة الفرنسية بإعطائه الفيزا ؟؟؟؟؟
علشان تعطيه السفارة الفرنسية فيزا شنقن لابد أن يكون لديه حجز طيران مؤكد لفرنسيا ذهاب وعودة وكونفيميشن من فندق في فرنسا هذا بالاضافة للطلبات الاخرى المشتركة للسفارات الاخرى فلا تضللو الرجال بآرائكم الغريبة
اخوي سفير اسبانيا خبرك قديم ,,, ما عاد فيه مواعيد للسفارة الفرنسية الآن , لأنها باختصار لا تستقبل مراجعين لاستصدار فيز سياحية , صار الموضوع أسهل , تروح لمكتب الvsf إللي على طريق الملك فهد بلا موعد وبلا شي
القانون هو القانون وروحو شوفو قصة واحد من الشباب بمنتدى باقي الدول الاوروبية يحكي معاناتاه في مطار امستردام واحتجازه هناك وارجاعه لمطار الملك فهد بالدمام بسبب أن الفيزا من دولة غير هولندا
اخواني ,, سبب تأخرنا وتخلفنا العقلي هو عدم احترامنا للنظام ,, النظام يقول لك أن البلد التي تصدر منها الفيزا لابد أن تكون هي نقطة الوصول الاولى ومن يقول غير ذلك فهو كذاب ,,,
أخي شهم بالنسبة للرجال اللي يقولك هذي شغلتي هذا ما عنده سالفة كمعلومات هو يعتمد في كلامه على مبدأ أحياناً تضبط وأحياناً لأ ,,, ووعدك على هذا الأساس , إذا سكرت كل الأبواب بوجهك فإذهب إليه علماً بأن الموضوع مخاطرة

Abo Sa3aD

05-06-2022 - 12:47 am

تبي اسهل طريقه ؟؟؟
ادفع 1600 ريال ***يمنع ذكر اسماء المكاتب السياحية,,الادارة*** وهم راح يطلعون لك الفيزا من السفارة الاسبانية وريح بالك

سفير إسبانيا

05-06-2022 - 01:48 am

اخوي سفير اسبانيا خبرك قديم ,,, ما عاد فيه مواعيد للسفارة الفرنسية الآن , لأنها باختصار لا تستقبل مراجعين لاستصدار فيز سياحية , صار الموضوع أسهل , تروح لمكتب الvsf إللي على طريق الملك فهد بلا موعد وبلا شي
:
:
:
:
أخوي fatheroflions اذا انت تقول ان السفاره الفرنسيه ما تعطيك موعد لتقديم الاوراق اسمحلي اقولك انت لا تعلم شي

سفير إسبانيا

05-06-2022 - 02:49 am

اخواني ,, سبب تأخرنا وتخلفنا العقلي هو عدم احترامنا للنظام ,, النظام يقول لك أن البلد التي تصدر منها الفيزا لابد أن تكون هي نقطة الوصول الاولى ومن يقول غير ذلك فهو كذاب ,,,
:
:
:
:
:
اخوي fatheroflions .......انا ما اقدر اقول الكلمه الي قلتها الاخيره
اما من ناحية النظام يقول لك أن البلد التي تصدر منها الفيزا لابد أن تكون هي نقطة الوصول الاولى فهذا كلام غير صحيح وخاطئي
انا مسافر أسبانيا قبل شهر في 6/8/2009 والعوده في 21/8/2009 ومحطة وصولي مدريد والفيزا مستخرجها من السفاره الايطاليه ولم انزل في ايطاليا
للتوضيح اخوي ارجوك اذا رديت على موضوع حاول ترد بكلام صحيح لكي يسفد منك الغير .
وشكرأ

سفير إسبانيا

05-06-2022 - 03:50 am

اخوي سفير اسبانيا خبرك قديم ,,, ما عاد فيه مواعيد للسفارة الفرنسية الآن , لأنها باختصار لا تستقبل مراجعين لاستصدار فيز سياحية , صار الموضوع أسهل , تروح لمكتب الvsf إللي على طريق الملك فهد بلا موعد وبلا شي
أخوي fatheroflions المكتب اللي تقصده ( vsf ) إللي على طريق الملك فهد
اساسأ المكتب ماخذ مواعيد من قبل وكل يوم ياخذ موعد للأيام القادمه عموماً الي عندك قنصليه والقنصليه ترسل أوراق تقديم الطلب الى السفاره والسفاره الفرنسيه في جده

مدريد المسافرون العرب

تعالو شوفو وش قالي المكتب

إخوتي الكرام مع احترامي لكم كلامكم كله غلط في غلط