- السلام عليكم ورحمة الله وبركاته
- بس شكله ماعجبني عشان كذا مارجعت له مره ثانيه
السلام عليكم ورحمة الله وبركاته
هذي بعض المجمعات التجارية الي زرتها في باريس طبعا الاخوات ماقصروا ذكروا بعضها قبل كذا لكن حاولت اني احدد مواقعها بدقة اكثر واعطيكم رأيي فيها
1- قرية التخفيضات La Vallée Outlet Shopping Village اول ماتنزلين من المحطة الي قبل محطة دزني لاند واسمها D'EUROPE VAL على الرير الاحمر تسألين عنها في الانفرميشن يدلونك عليها مشي تقريبا خمس دقايق وقبلها مركز تسوق كبير تمرين منه لمن توصلين للقرية
بصراحه ماعجبتني القرية ولو دريت انها بالمستوى هذا مارحتها وضيعت وقت فيها
2- مجمع Galeries Lafayete اقرب محطة المترو رقم 9 اسم المحطةchaussee dantin la fayette
سوق فخم ورائع واسعاره نار واستمتعت بالتسوق فيه
3- =مجمع le dome في الاديفانس اخر محطة في المترو رقم 1 اللون الاصفر , اكثر سوق اعجبني لانه اسعاره حلوه وشامل ويادوب يومين تكفيه
4- مجمع Le Forum des Halles اسم المحطة Le sHalles المترو رقم 4 البنفسجي ماتسوقت فيه لاني وصلت له الساعه 6ونصف ولقيت اغلب المحلات مقفله يقفلون الساعه 7 مساء
بس شكله ماعجبني عشان كذا مارجعت له مره ثانيه
5- سوق اليهود ابو كير عند محطة strasbourg st-denis المترو رقم 4 البنفسجي اول ماتنزلين من المحطه فيه محلات كثير اسألي عن ابوكير ويدلونك عليه والسوق يعتبر سوق الجمله بس يبيعون فيه بالقطعه بس ماعجبني ( كل شي ماعجبها ) مع ان اسعاره رخيصه :112:
6- سوق البسطات وهو عباره عن اكشاك واسعارها رخيصه وتفتح يوم السبت والاحد والاثنين هذا السوق يقع بالقرب من محطة Porte de Clignancourt على الخط رقم 4 اول ماتنطلعين من المحطة تمشين تقريبا 10 دقايق
7- وطبعا على امتداد شارع الشانزليزيه فيه كثير من الماركات العالميه وسوبر ماركت Monoprix الدور الارضي ملابس واكسسوارات وادوات تجميل وتحت مواد غذائيه اسعاره رخيصه
هذا الي مفتكرته حاليا ولو تذكرت شي ثاني راح ارجع واكتبه
تمنياتي بتسوق ممتع للجميع
مره شكرا