كثيراً ما سمعنا عن مطعم القرموشي والمتخصص في الشعبيات من فول ومعصوب ومطبق .. وله فروع منتشرة في المملكة ، ومنها الرياض ..
فشاورت المدام وقلت لها وش رايك نروح لمطعم خفيف وشعبي ، بدل مطاعم التحلية والعليا والبيتزا .. فوافقت مشكورة ..
ذهبت أنا والمدام المحروسه إلى فرعهم قرب مخرج 5 ، تقاطع الملك عبد العزيز مع مخرج 9 ، ولما دخلنا ، كان المكآن كأيباً ، مما يويحي لك بمطاعم البطحاء ومنفوحة ..
كانت بقايا الأكل منتشرة في كل الطاولات ، وبحثنا عن طاولة نظيفة ثم جلسنا حولها ..
وعلى الطاولة يوجد ثلاجة موية مكسورة ، وعلبة مناديل وسكريه ومملحه .. (حلوه مملحه) ..
قلت للبنغالي وش عندكم : قال : فول ومطبق ومعصوب .. وسلامتك ..
قلت نبغى فول وشكشوكة .. قال شكشوكة ما فيه .. فيه فول قلابة أو عادي بس .
طلبت 1 فول قلابه ، و1 مطبق و2 شاي ..
وجلسنا 10 دقايق وجانا الطلب ...
الفول عادي جداً ، بل الفوال اللي جنب بيتنا أفضل منه مئة مره .. ولكن كما يقال : زمار الحي لا يطرب ..
أما المطبق فمقبول .. ولكن سعره دبل .. 4 ريال ..:112:
فصار عشانا كله ب 10 ريال ، والله يديم الرخص . .
لكن المشكلة إن فولهم جلس على كبدي إلى بكرة ..
وهذا هو القرموشي اللي صاجينا عليه الناس ..
وصدق من قال .. تسمع بالمعيدي خير من أن تراه ..