مرحبا اخوي ابو الحص بخصوص الوقت انصحك بشهر اوغست واي طيران تاخذ القطريه والسكن في انتر لاكن وتكلفة السفر الجواب صعب جدا لان كل واحد علي حسب مصاريفه يختلفون الناس وبصراحة اوربا غاليه .وعندي ملاحظه لا لا لا لا لا لا تفكر و تاخذ اعيالك لانهم ما راح يستانسون وراح يتعبونك هذه كلام مجرب .وبالتوفيق

هلا افوق الوصف
كيف حال الكويت بس والله انها تسوى سويسرا
شكرا لك اخوي

ابو الحص
هلا بك أخوي
بالنسبة لأرخص طيران فعندك
طيران الإتحاد
الأردنية
التركية
القطرية افضل من المصرية بمراحل
ولاتهمل الخطوط السعودية (الرحلة مباشرة وأسعارهم الجديدة جدا ممتازة)
تكلفة الرحلة بالتذاكر والسكن وجميع المصاريف لمدة 14 يوم تتراوح بين 30-35 الف ريال
الطيران = 6000
السكن = 10000
السيارة = 3500 ضف لها 1500 ريال بنزين للفترة
أكل وفسح = 7000
مصاريف اخرى*= 2000 ريال

• فيزا شنقن وتأمين طبي......

وقت الحجز بيكون اغسطس لأن سبتمبر يوافق شهر رمضان الكريم
وشهر أغسطس وهذي السنة بالتحديد بيكون مزدحم جدا
لذا توجد لديك فرصة ممتازة في اجازة عيد الفطر في آخر شهر سبتمبر
بالتحديد من 20 سبتمبر
والله أعلم

ما عليك زود يا اخوي ابو الحص ولا شكر علي واجب قولي متي نيه الروحه
واوجه تحيه كبيرة للمستشار واخونا الكبير apo aziz اللي اتشرف بمعرفته

الله لا يهينك
الف شكرا
كم تبعد زيورخ عن انترلاكن؟
وكم تبعد انترلاكن عن جنيف؟
شاكر ومقدر

ابو الحص
أخي العزيز تجد في آخر الدليل جدول المسافات
اذا لم تجد ماتبحث عنه فراح تجد مواقع المسافات في نفس الدليل
ارشح لك منها موقع قوقل ماب لأنه يعطيك تفاصيل الرحلة بكل وسائل النقل
بالتوفيق

أبو عزيز
بارك الله فيك في هذا اليوم الفضيل
معلوماتك جداً قيمه ومفيده
ونصائحك ثمينه
يحفظك الباري ويديم عزك .

يامال العافيه ابو العز
شكرا