اهلا بك... اذا كنت بالشارع مثلا تقدر تركب تاكسي وتقوله عداد ( تأشر بيدك ناحية العداد ...وتشوفه يصفر لك العداد ويبدأ من 2 ليره العداد ) بمطار اتاتورك قبل اسبوع..كلمت مكتب سياحي يوصلني لتقسيم قال 110 ليرهتركته وذهبت خارج صالة المطار وكلمت تاكسي اصفر قلت تقسيم قال اوكي قلت عداد قال اوكي ووصلت بسعر 65 ليرهيعني مكاتب السيارات تاخذ دبل منكنصيحه ياخوي اي شخص يكلمك ويسلم عليك ويتكلم عربي لا ترد عليهلو يجيك اردوغان يقولك السلام عليكم انت عربي تعال اوريك شغله لا تروح انا طحت بمشكله والحمدالله عدت علي خير وكلمت السفاره وقالولي كل يوم سواحيجوننا ويشتكون من عمليات النصب مره يجيك يقول تبي بنات ومره تبي مساج ومره تعال عندي شقق مفروشهالمهم لا تروح معاه ترا بيدخلك بمكان فيه مجموعه اتراك وياخذون فلوسك انا مشكلتي رحت معاه علي انه كافي !! ودخلت الكافي وسرقوني بالقوه

يعطيك العافية أخيكويتي هاوي سفر
على سرعة تجاوبك مع استفساري
باقي الاستفسار الثاني عن الحلاقة في تركيا أرجو ممن لديه الخبرة إفادتي

ههه الله يعينلو يجي اخوي إذا يتكلم عربي
ما أعرفه
سفرتي عوائل
وحتى لو لحالي التحذيرات تكفي
إن الانسان ينتبه جيدا
عذرا على الخطأ في التنسيق
صار لي سنوات عن الكتابة في المنتديات

بالنسبة للتاكسي اذا قدرت تستخدم المواصلات العامة فهو ارخص لك
لكن اذا بتستخدم التاكسي خل ببالك حتى اذا قلت عداد راح يلف فيك مع طريق طويل حتى تزيد الأجرة
واسأل مجرب
حتى اخوي اللي قال لتقسيم ب 65 ليره
انا من المطار لتقسيم ب30 ليره معناه ان التاكسي اللي ركب معاه خذ فيه لفه حلوة
اما الحلاقة خذ ادواتك معك وريح راسك

يعطيك العافية ذيب البوادي
إجابة شافية ووافية

اخوي داخل اسطنبول حاول تستخدم المترو حليو ورخيص ولا يواجهك زحمة الشوارع
مثلا من تقسيم الي السلطان احمد اركب المترو وراح يكلفك 6 ليره
لو بتروح بتاكسي بتحوشك زحمك الطريق وهم ياخذ منك ليرات شكثر ( ماجربت التاكسي بين هالمنطقتين )

اخي روح استمتع ولاتفكر بشيئ ولن يتعرض لك احد حتى لو جاء هؤلاء الي يعرضون أمور تغضب الله وماعطيتهم وجه مايسوولك شيئ ودام انك مع أهلك مايجوك ابد
والتاكسي للسلطان احمد بالعداد حوالى 40 الى 45 و الى تقسيم من 50 الى 70 احيانا حسب موقع الفندق و الزحام و العداد يبدأ من 2.90

كما قال اخوي عميد
ماعليك من شي رح وانبسط واستانس
وتجي بالسلامه ان شاء الله
نجي لاستفساراتك
العداد بالتركي اسمه تاكسي ميتر
وصدقني عمري ماركبت مع تاكسي وحاولت افاصله بالسعر الا ويقولي عالعداد افضل
وبصراحه وربي يشهد لايلفون لايمين ولايسار
وبالنسبه للحلاقه اذا تضبط حلاقتك بنفسك فالافضل تاخذ عدتك معاك
واذا العكس الحلاق افضل
ومااذكر اني حلقت برا احلق دايم بحلاق الفندق وعادة مايكون غالي
طبعا الفندق خمس نجوم ..!!
وبالتوفيق اخي الكريم

أشكركم إخوتي على تجاوبكم لما يتم طرحه من استفسارات
وأعتذر عن تاخري في الرد بسبب مشكلة في الرقم السري
شاكراً لكم وارجو أن تكون صدوركم رحبة لمزيد من الاستفسارات