1. السلام عليكم لكل أعضاء المنتدى الرائع

السلام عليكم لكل أعضاء المنتدى الرائع

أنا توني لي كم يوم راجعة من تركيا و صراحة من كثر ما كان الإختلاف الكبير في آراء الأعضاء صار ودي أشوفها أكثر و من خلال قرايتي من قبل لأروح ومن الي رحت وشفته ومن قرايتي لقليل من المواضيع بعد ما رجعت إكتشفت إنه تركيا أكثر ديرة تعتمد على التوافيق يعني والله الحمدالله مشت معك الإمور تمام بتعجبك تركيا وإذا والله الإمور عصلجت معك فبتكره اليوم الي جيت فيه تركيا ....
من أول الأشياء الي أتفق مع الأعضاء فيها الغلا الوااضح في تركيا مو في أماكن محدده يعني مو مثلا اروح فندق واقول غالي لانه اسعار الفنادق معروفه لا في كل مكان يعني مكان راقي مو راقي كله غالي مع تفاوت الغلا والليرة هناك كأنها ريال من الامثلة إنه سعر الكابتشينو غالبا يتفاوت من 10 إلى 15 ريال أما هناك فإلي زي هالسعر نادرو أغلبهم من 21 وطالع وقس الباقي على زي كيذا
ثاني شي صعب في تركيا التفاهم يعني ما فيه اي لغة تواصل لغة الإشارة هي أكثر لغة تستعملها هناك حتى رحنا مطعم في تل العرايس المنيو بالتركي والي يشتغلون مافيه أحد يعرف لا انجليزي و لا عربي الا انه بعد ما حولنا انفهمه انه ما نعرف تركي قوملنا واحد من الموجودين عشان يصير حلقة وصل بينا مع إنه المفروض هذا مكان سياحي يأخذون بعين الاعتبار السياح إلي جايين وهذي المشكلة راح تلاحظها في الاسواق أكثر من المطاعم أما الفنادق فراح يكون فيه الي يتكلم انجليزي
سوقهم خايس نفس الاشي الي عندنا وعلى أغلى بس ممكن الواحد يلاقيله تلقيطات والماركات الكوليكشن الجديد الي ينزل عندهم قديم يعني الواحد اذا سافر يا راح يأخذ شي غريب حتى لو دفع عليه زيادة والا شي حلو ممكن يصير عندنا بس سعره أرخص عشان يستاهل النقله وهذولا الشيئين قليل توفرهم بتركيا
أما الشي الي راح تلاحظه وبقوة هو كلابتهم وقطاوتهم الي مابقى مكان مهي فلته فيه يعني الواحد ما يستغرب اذا رجع الفندق يلقى كلب والا قطوة متعلقة بمخباته من كثر ماهم مفلتين