السلام عليكم
رحلتي الى تركيا بإذن الله بتكون بتاريخ 12/8/2014 , 14/10/1435
حجزنا وخلصنا كل الاشياء المهمه من فندق وطيران
الوجهه واحده فقط الى اسطنبول لأن احنا عائله متكونه من 9 اشخاص اطفال وكبار ويصعب علينا التنقل من طيران داخلي وقرى..الخ
فقررنا تكون وجهتنا الوحيده هي اسطنبول ونروح يوم الى بورصه .
اقامتنا بتكون 10 ايام ، حددت وطلعت منكم الله يعطيكم العافيه ويجزاكم خير يارب جمعت منكم اماكن سياحيه اود زيارتها لكن ضاق صدري وشلت هم لان الكثير قال بشهر اغسطس حر شديد ورطوبه هل فعلاً ؟ او حر طبيعي لأننا نحب الاجواء الحلوه مب الحاره جداً ولا البارده جداً . قلت اكتب موضوع وتقولون لي من تجاربكم ايش افضل الاماكن في اسطنبول ، وانا وعائلتي نحب الاماكن اللي فيها فرفشه ووناسه ولعب وابغى اعرف اذا كان فيه ملاهي مثل دزني لاند او اللعاب مائيه مثل اتلانتس تسمح بسباحة المحجبات .
واذا فيه قرى قريبه لاسطنبول ماتحتاج طيران داخلي مثل بورصه وجميله جداً يعني تستحق العناء والذهاب اليها قولو لي *بشرط تكون حلوه عشان الاهل مايذبحوني ههه*
وهل فيه قرى فيها ثلج بشهر اغسطس ؟؟
اتمنى تكون سفره ممتعه صراحه لان صار لنا مدة ماسافرنا وهذي السفره جت صدفه وغير مخطط لها اكتبو لنا تجاربكم او جدول اللي حابين ،