تصدق أنا مثلك اباروح لتركمنستان ،،، هذا الصيف
ولكن لم أجد عنها معلومات ،،،
ومتشوق أروح لها ،،،
ولكن في الفترة الأخيرة بديت أتردد 0000
في أحد ممكن يفيدنا فيها
وشكراً لكم

البلد جمبلة جدا جدا جدا ونظيفة جدا جدا جدا بدون مبالغة

ياصليب الراس
كيف حالك ،،،،، نقدر نقولك الحمدالله على السلامة
الظاهر مافي إلا أنا وأنت بس اللي نتكلم عن تركمنستان
وش رأيك بالبلد ،،، عطني تفاصيل أكثر
أنا محتار جداً :112: ،، لقيت واحد راح مرة وحدة ويمدحها ،،
ولقيت واحد يسبها وهو رايح لها أكثر من مرة ،،،، :112:
وكأني بديت أتراجع عن الرحلة ،،،
عطني رأيك ،،،، باقي على رحلتي شهر ،،،
رحلتي في 17/7/1428ه
أروح أو لا
وفكرت إني أروح إلى إيران وأمر على تركمنستان ،،، وش رأيك

اخوي الوافي اسف علي تاخر الرد لاني مادخل علي الجهاز من فترة لانشغالي
البلد جميلة ونظيفة زي ماقلت بس بالصيف جوها حار , طبعا مو زي حرنا . اذا انت تبي البر والطلعات الحين مو وقتها افضل وقت في الربيع لكن كمدينة عشق اباد حلوة بتنبسط في الحدائق وموسم الفواكة الصيفيه عندهم اشكال واللوان من الفواكة. طبعا انا مارحتلها في الصيف بس سمعت . هذا اللي اقدر اقوالة اذا تبي شئ ثاني علمني وانا مستعد .

سبحان الله اليوم قابلت واحد من أهل البلد هذي ويمدح فيها ويثني على أهلها ويقول هي زي تركيا بل غنهم هم أصل الأتراك ويقول هذه السنة فتحت سفاره لهم في الرياض

أبو سهيل
هلا بيك أخوي أبوسهيل
حسب علمي أنه لسه مافتحت بس العمل جاري هذي السنة لفتح سفارة لهم بالرياض
خاصة بعد الرئيس الجديد لهم ،، ولقد قام الرئيس بأول زيارة خارجية له إلى السعودية
وهذا دليل حرص منه على تقوية العلاقة بينه وبين السعودية بعد تدهورها مع الرئيس السابق
وخاصة أن البلد مسلم
ونحن يوجد قنصلية لنا عندهم في عشق أباد
حبيت أضيف المعلومة لديك ،، حيث من كثر متابعتي لأخبارهم وسؤالي للناس
عنها وإتصالاتي عليهم هناك وتعرفت على واحد هناك >>> يعني أصلح سفير لهم بهالمنتدى
وتقبل تحياتي
أخوك / الوافي

وين مكان سفارتهم ؟

مرحبا
السفارة بحي الورود طريق الملك عبدالله قرب الكترو والسفير والقنصل محترمين ويساعدوا قدر المستطاع ولكن اجراءات الفيزا معقدة قليلا وتحتاج الى وقت انا مسافر الى عشق اباد بعد 6 ايام عنوان السفارة تحت:
Address: P.O. Box 94019, Riyadh 11693 Kingdom of Saudi ArabiaLocation: Riyadh - Al Waroud dist., Ahmet Al Bihki St. - 4Telephone: +966 1 205 48 98 Fax: +966 1 205 29 90E-mail: [email protected] hours: 9:00 hrs. to 15:00 hrs.Days off: Thursday and FridayNational Day: 27 October - Independence Day

مرحبا اخوي الحمدالله على السلامه كيف حالك تكفى ابي معلومات عنها
الله يعطيك العافيه اخوك الفارس