اخوي الحنون انا تقريبا ابي نفس طلبك لأني بمشي باذن الله يوم الاحد بعد اربع ايام بمشيئه الرحمن لتايلند مع زوجي بدون العيال
واخذت كل الاماكن السياحيه والترفيهيه والاسواق وكل شي يخطر على بالك من الموضوع المثبت عن جزر تايلند شوفه وتحصل طلبك ان شاءالله وترتاح وتحتار شنو تختار
والله يسر رحلتكم ان شاءالله

نوفا ... سباق بالجميل ربي يسعدك
ويعطيك ربي الصحة والعافية
رحلة سعيدة يارب
كل الود

ويسعدك اخوي الكريم
ويعطيك الصحه والعافيه ان شاءالله
وتكون رحلتك سعيده باذن الرحمن

نوفا ... طبعا رجعت لتقرير الاخ عبدالله الكويتي (( جزر تايلاند )) وذكر عدة اماكن في كل مدينة
وكان جهد جبار ويستحق الإشادة عليه ونشكره على ذلك ...
ولكن الواحد يحتار وش الافضل ... لذلك تمنيت يكون هنا حصر لافضل الاماكن للزوجين فقط ...
لعل وعسى ان نجد من يفيدنا حصريا هنا بأفضل الاماكن ...
كل الود

والله انا معاك اخوي الحنون ونفس شعورك احترت وماني عارفه شنو اختار واخلي من الاماكن الموجوده بالتقرير وخصوصا مرتبطه بفتره تقريبا 26 يوم ما اظن راح تكفي حق كل الاماكن بس ان شاء الله ربي يسر ويسهل الامور علينا ونروح لكل الاماكن

نوفا ... لونسلم منكم ومن الأسواق بيكون فيه امل نروح أغلب الاماكن بس ما اوعدك
لأن السوق يشجع عندهم وبصراحة زوجتي ناويه علي بنيه الله لايوريك ...
وعلشان كذا لي شهر وانا شغال لياقة هههاي
مشكور لإهتمامك وإطلالتك على متصفحي ...
كل الود

والله يا اخوي لو ما السوق محد ربح مت التجار مننا يالحريم
وبصراحه انا الصيف اللي فات رحت ماليزيا بس من البدايه كنت متفقه مع زوجي انها سياحه وبس والاتفاق اتفاق بالنسبه لي كلمه ما ارد فيها لو يطلع ابوي الله يرحمه من قبره ويقولي ردي بكلمتج
بس السنه هذي وبما انه رايحين تايلند من البدايه انا قلت هالسفره ابيها للسوق يعني حاطه في بالي ميزانيه مايقارب الف دينار بس سوق من غير هدايه
وان شاءالله الوقت يكفي ومنها رياضه وتخفيف وزن وناخذ لنا لياقه قبل العيد
ههه
مشكور اخوي الحنون