ممكن اعرف خط سير الطيران علشان افيدك اكثر

اهلا
البحرين - امستردام - جنيف
العوده نفسه بس العكس طبعا ..

هلا
اوكي في هذي الحالة اقترح عليك هذا المخطط
بالنسبة للمواصلات فالاوفرلك استاجار سيارة صغيرة من القسم الفرنسي من مطار جنيف
ممكن تضيف 2500 ريال للسيارة مع البنزين
المخطط المقترح
الوصول لجنيف استلام السيارة والتوجه الى انترلاكن
انترلاكن 4 ليالي
ضواحي لوزيرن 4 ليالي
ديفون 4 ليالي
برنامجك اليومي
انترلاكن 4 ليالي
يوم لقمة يونفراو يوخ
يوم لبلاوسيه مع زيرمات
يوم لترمبل باخ مع قس باخ
من ضواحي لوزيرن
يوم للوزيرن مع قمة تتلس
يوم لشلالت الراين مع زيورخ
يوم لوقانو مع سويسرا المصغرة والفوكس تاون ممكن بالطريق التوقف في قرية هايدي
ديفون
يوم لانسي مع جنيف المدينة
يوم لمجيف مع شامونيه
يوم للريفيرا السويسرية اوشي - منترو شيللون ومطل فندق البارون
قمة شامونيه استبعدها من مخططك لكن لابد من زيارة المدينة مع مجيف في نفس اليوم
باريس جدا بعيدة وصعب زيارتها
ميلانو ممكن تزورها من لوزيرن لكن ما انصحك بها
طبعا هذا مجرد اقتراح

..
انا حجزت الفنادق .. في انترلاكن
في جنيف " ديفون " ..
لازم لوزيرن ؟!
وو باريس ساعات بس من جنيف بالقطار ..
ميلانو موب لازم
مصنع الشوكولاته مهم عندي و قمه جنغفراو مدري شسمها ودي فيها مره ..
م
ريال استئجار سياره لكامل المده ؟!!!!!!!!!
وين احصل سياره بهالسعر !!
اقل شي لقيته !!
السويس باس لو اخذته ،، تصير القطارات فري او كيف ؟!

هلا فيك اخوي
انصحك تغير الفندق وتاخذ قريب من الحديقه اليابانية قريب من المنطقة المركزية
عندك فندق انترلاكن هوتيل ممتاز انا جربته وعندك متربول

..
لقيت القمه ،، ما انتبهت لها .. مع برنامج انترلاكن اللي حاطع صح؟
يوم للوزيرن مع قمة تتلس
يوم لشلالت الراين مع زيورخ
يوم لوقانو مع سويسرا المصغرة والفوكس تاون ممكن بالطريق التوقف في قرية هايدي
هذي ما اقدر اروح لها من جنيف او انترلاكن ؟!
ولو دمجتهم .. باريس متى احطها .. هي بس ساعات .. يعني ما عندي مشكله امرها !!
..

مسافر للمتعة
..
للاسف الفندقين مافي امكانيه .. كلهم فل !
شكرا للمساعده ..
..

Msr.Saud
السويس باس هو بديل لايجار السيارة واذا اخذته بتكون القطارات العادية داخل سويسرا مجانا
السيارى اجاراه للمدة 1620 ريال انا اضفت عليها تكلفة البنزين وهي من نوع شوفرليع سبارك Chevrolet Spark
من موقع هيرتز في النت
لوزيرن وضعتها لك في المخطط لانك طالب تشوف اماكن كثيرة في وسط سويسرا وشمالها وجنوبها الشرقي وهي
شلالات الراين في الشمال
لوزيرن وزيورخ في الوسط
هايدي ولوقانو في اقصى الجنوب الشرقي
من غير المعقول كل يوم تقطع 400 كم للذهاب والعودة لها سواء من جنيف او انترلاكن
باريس بالقطار من جنيف 3 ساعات وممكن تروح لها يوم وترجع وتترك السيارة في موقف القطارات وتذاكر القطار بحدود الف ريال وممكن لو رحت يلإيزي جت وحجزت من الان تنخفض للنصف
لكن باريس على يوم واحد جدا مرهقة وغير مبرره للمصروف المالي الكبير مقابلها
لو قدرت تغير تذكرة الطيران وتكون العودة من باريس لكان الامر افضل لك
مصنع الشوكولا مع ميلسون مع قريةى غريير ممكن تتوقف في الطريف فيها لانها جاية بالضبط على الطريق من جنيف الى انترلاكن
ممكن تخلي حجوزاتك على ماهي عليه
لابد ان تعمل ميزانية اخرى للرحلات اليومية وكلها معقولة ماعدا قمة اوروبا يونفراو يوخ فهي مرتفعة لكن تستاهل
اسعار الرحلات موجود في موضوع اليوريل والسويس باس على شكل جدول بسيط

..
ممكن تعطيني اللينك اللي فيه هالسياره .. لا من هالموقع مالقيت شي رخيص الا بحدود
وهل السياره تغنيني عن القطارات تماماً ؟
طيب بلغي باريس الشكوى لله ..
عطني فنادق بسيطه او حتى شقه في لوزيرن ..
ممكن احاول اغير حجوزاتي ..
واذا ممكن انترلاكن وديفون ولوزيرن ياليت والله .. بس ما تتعدا ال تقريباً !!
مصنع الشوكولا مع ميلسون مع قريةى غريير ممكن تتوقف في الطريف فيها لانها جاية بالضبط على الطريق من جنيف الى انترلاكن
بس انا بكون تو واصل من البحرين لجنيف .. مستحيل اني بتسيح ع طول !! .. ولا ارجع اروح لهم كلهم يوم واحد ؟!
لابد ان تعمل ميزانية اخرى للرحلات اليومية وكلها معقولة ماعدا قمة اوروبا يونفراو يوخ فهي مرتفعة لكن تستاهل
قصدك ازيد الميزانيه ؟!
طيب كم يكفيهم ؟!
وو الباس قريت الموضوع لمن دخت ولا عرفت شالطبخه :$!!
..