- بدخل في محور الموضوع على طول ههه
- انا موضوعي حليل وش صغرة مرة
- وش رايكم بالفنادق الي اخترتها والمدة بكل مدينة هل هي مناسبة أم لا؟؟
- ثانياً:
السلام عليكم ورحمة الله وبركاتة
كيف الحال ان شالله انكم طيبين
وكل عام وانتم بالف خير يارب
بدخل في محور الموضوع على طول ههه
انا موضوعي حليل وش صغرة مرة
أن شالله زواجي بيكون في شهر 7 هجري وأبي ارتب لكل شي من الحين وقررت بعد التفكير الطويل اني اسافر اوروبا(كان فية اقتراحات أني اسافر ماليزيا بس رحت لها في 2006 واحس ان الفلوس الي بدفعها هناك تقريبا مقاربة للي باوروبا عشان كذا شلت نظر عن ماليزيا نهائي)
بعد التفكير والتمحيص الطويل جدا قررت اني اروح النمسا(كنت اسمع بمدينة زيل ام سي و عشاني ماقد رحت لها خ)
دخلت المنتدى وجلست الف يمين ويسار لحد ماقررت أني خلاص بروح النمسا وقلت يا ولد خذ لك 3 اسابيع فيها والعمر فاني فلها وربك يحلها
ولكن يوم خلصت من بوابة السفر للنمسا شفت موضوع اعجبني ببوابة السفر لسويسرا ههه فقلت ليش ما امر سويسرا معي بعد
وهذا جدولي باذن الله مع الفنادق (طبعا فنادق كلها حسب تقاريركم انها حلوة وعشان كذا اخترتها)
أولا فينا: 4 ليالي
راح اختار احد هذه الفنادق الي هي
1- Le Meridien
2- Hilton plaza
3- Marriot
ثانياً:زيل أم سي : 5 ليالي
وفنادقها :1- Salzburgerhuf
2- Grand
3- Seehotel
ثالثاً: سالزبورق 3 ليالي
1- Sacher
2- Bristol
رابعا ميونخ: 3 ليالي
1- Arabella sheraton
2-Hilton munich park
3- Le Meridien
طبعا وبعدها بطلع على جنيف أو منترو 3 ليالي وبعدها انتر لاكن 3 ليالي
نجي الحين للأسئلة الي ابي أاجوبة عليها:اولاً
وش رايكم بالفنادق الي اخترتها والمدة بكل مدينة هل هي مناسبة أم لا؟؟
ثانياً:
نظرا لان تذكرة الرياض فينا الرياض بحدود 6000 ريال حاليا وتذكرة الرياض مينونخ الرياض 3266 ريال انا صراحة اخترت اني اروح الرياض ميونخ يعني اوفر لي..... هل بالامكان أني اطلع فيزا شنقن من سفارة النمسا وتذكرتي على المانيا نظرا لان اغلب الوقت راح اقضية بالنمسا ؟؟؟ ولا يرفضون ويقولون لي رح لسفارة المانيا
ثالثاً:التنقل راح يكون بالقطار بين المدن الاوربية والتكلفة تقريبا لشخصين راح يكون 4200 ريال حسب الموقع حقهم وش رايكم اوفر لي قطار ولا استأجر سيارة؟؟؟
رابعاً: انا بحدد مسار وانتم قولوا لي وش رايكم فية
(طبعا لو سافرت لميونخ راح اسوي كذا)
الرياض-ميونخ- فينا-زيل ام سي-سالزبورق-جنيف-انترلاكن-مينوخ-الرياض
الي عنده راي ثاني تكفون لا يبخل به علي
خامساً: بخصوص الفيزا الشنقن اذا كان عندي فيزا شنقن عمل طبعا عام 2007 وكانت مدتها 3 شهور هل تساعدني باستخراج الفيزا من سفارة النمسا؟؟؟
سادساً: انا للحين ماقلت لها اني بسافر النمسا ههه تهقون أنها تبطل وتقول لا ما ابي اروح خ (اتوقع راح اروح لحالي
طحياطي لكم
هذا مسارك:
الرياض-ميونخ- فينا-زيل ام سي-سالزبورق-جنيف-انترلاكن-مينوخ-الرياض
وهذا رائيي: خل مسارك الرياض ---الى ميونخ والعودة من جنيف الى الرياض
الفرق بسعر التذكرة اقل من سعر تذكرة القطار من انترلاكن الى ميونخ
اختياراتك للفنادق حلوة